اسكريبات ديزني قصيرة بقلم شيماء يسري زهران

شافوه نفسي اعيش قصة زيهم مش قصة جواز والسلام.
طب مين قالك اني دي ممكن تكون جوازة والسلام على فكرة أنا بس لو كنت قابلتك قبل النهاردة بشوية أو سنين كنت هحبك.
ليه بتقول كده
لأن كل حاجة فيكي بتقول كده كل حاجة بتقول انك لطيفة واي واحد هيفكر يقرب منك وعلى فاكرة قولي بقى عليا سطحي مش سطحي بس بجد جمالك ملفت.
وشها احمر فمسكت كوباية الماية عشان تشرب لكنها وقعت منها فعدلتها وفضلت مش قادرة تبصله اتكلم هو وقال
شوفتي اهي الكوباية ادلقت واعتقد ده فال حلو موافقة
ابتسمت وقالت
موافقة على ايه!
على اني هخليكي أميرة من ديزني وهحبك حب حقيقي أوله وآخره باب مش حب مزيف من عيل مراهق.
انا مقولتش اني عايزة عيل مراهق.
ولا انا قولت كده يا حبيبي انا بضړب مثال.
حبيبك لاء والنبي اهدى عشان شوية وهتقولي مساء الخيرات بجد مع وردة حمرا على ماسنجر.
ضحك وقالها
حاضر ياستي لا حبيبي ولا غيره ممكن بقى تبصيلي وإنت بتكلميني تاني.
لاء.
طيب ليه
معرفش مكنتش متخيلاك كده.
اتعدل يبتسم وهو ماسك لياقة القميص بيقول
وسيم مش كده
انت ادرى بقى.
طيب مانا كمان مكنتش متخيلك حلوة كده إنت عارفة اني هروح اسمع عمرو دياب واتخيلك النهاردة
عمرو دياب! انت بتحب عمرو دياب!
وفيه حد مش بيحبه
ده المغني المفضل عندي.
وعندي ايه رايك توافقي عليا ونتعرف على بعض اكتر
بصتله تاني لقته باصص عليها بعينيه في عينيها فندهت بصوت عالي
مامااااا
وقامت تخرج برا الصالة رجع بضهره على الكرسي يشرب ماية وبيضحك ويقول
على بركة الله.
كاتبة شيماء يسري زهران
الثالث 
اتمني أمنية يا روبانزل..
أمنية واحدة يا موانا
ايوة دايما بيقولوا في عيد الميلاد ليكي أمنية واحدة.
ردت بيل وقالت
ده عيد ميلادك مش مصباح.
استغربت روبانزل من طريقتها وقالت
ياريت كنت اقدر اتمنى اكتر من أمنية..بس تفتكروا اصلا انا ليه ممكن أمنية ليا تتحقق هو انا استاهل
ردت موانا وقالت
روبي! ليه بتقولي كده!
أبدا..يمكن ساعات بحس اني السعادة والأمنيات عمرهم ما كانوا ليا هو أنا حد جميل يا جماعة
اتوترت بيل وقالت
يا..يا روبانزل الجمال مش كل حاجة مش شرط جمال الشكل الروح جمالها أعمق بكتير..
استغربت موانا من ردها فبصتلها باستغراب ردت روبانزل
عندك حق يا بيل يمكن ربنا ما أرادش ليا بنعمة الشكل لكني ساعات بحب روحي..
ردت موانا پغضب
إنت ايه اللي بتقوليه ده! وانت يا بيل ازاي مش شايفة روبي جميلة!
أن..أنا مقصدش يا موانا هي جميلة طبعا لكن قصدي ان..
بس يا بيل فهماكي يا حبيبتي براحة يا موانا اكيد متقصدش.
متزعليش يا بيل مني لكن اي شيء يضايق حد من صحابي مبقدرش اسكت عليه.
وانا يعني مش