اسكريبات ديزني قصيرة بقلم شيماء يسري زهران

من صحابك يا موانا
بس بقى انتوا الاتنين بطلوا شغل العيال ده احنا اخوات وكلنا بنحب بعض.
ابتسمت موانا وطلبت منها إنها تغمض عينيها وفي اللحظة دي ارتبكت بيل.
فتحي يا روبي.
موانا!! مش ممكن! إنت..إنت اشتريتي الفستان ده ليا! ده شكله غالي اوي!
وانا يعني عندي اغلى منك يا روبي! ده انا سيبت البحر كله وجيت عشانك لاء وكمان غيرت لبسي لسويت شيرت سبحان الله حاسة شكلي عبيط اوي.
شكلك سكر يا موانا انا مكنتش عايزة هدية وكفاية انكم هديتي من ربنا.
روبانزل..
بصت روبانزل وموانا ليها فقالت
أنا عارفة إنها حاجة تكسف بس..بس يعني الأيام اللي فاتت ظروفي كانت متسمحش اني اشتري هدية.
ضړبتها روبانزل على كتفها بخفة وقالت
إنت باين عليكي اټجننتي هو انا يا قلبي عايزة هدية منك ده إنت الهدايا والنعمة اللي ربنا بيدخلها في حياة أي حد يا بيل.
ابتسمت بيل ابتسامة مزيفة وقربت تحضنها وهي بتقول من جواها وانا اجيبلك هدية ليه إن شاءالله! محتاجة هدية! ده أنت نعم الدنيا عندك مش عندي كفاية شعرك الطويل السحري ده اه لو كان شعري أنا.
كل سنة وإنت وسطينا يا روبي.
كل سنة وإنت الطف صديقة في حياتي يا روبانزل.
حبايب قلبي كل سنة واحنا سوا ومع بعض انا بس زعلانة اني باقي البنات مفتكرونيش معقولة مفيش غيركم بس افتكروا عيد ميلادي!
قالت بيل من جواها لاء وإنت مفكرة اني جاية عيد ميلادك عشان سواد عيونك! ده انا جاية اشوف جايبة قد ايه في جاتوه والعز اللي عايشة فيه ده.
معلش يا روبي تلاقيهم مشغولين ڠصب عنهم في حياتهم ونسيوا.
اه طبعا كله مشغول اللي خلفت وبقت في بيت جوزها واللي حامل.
بصت موانا ليها بصات غريبة وكأنها استغربت من طريقة تعبيرها عنهم..هي ليه كأنها حزينة وهي بتتكلم كده
إنت تعرفي انك جميلة اوي يا بيل
بصت بيل لروبانزل باستغراب وقالت
أنا
اه طبعا لوهلة سرحت في ملامحك بجد سكر خالص وإنت كمان يا موانا جمالك مربوط بالبحر ملامحك كلها ريحتها موج وسفن.
إنت سيبتي سحر شعرك وهتبقي شاعرة ولا ايه
ضحكت روبانزل لموانا وقالت
ربنا يخليكم ليا بجد بحبكم اوي عارفة يا ب..
قاطعتها بيل قبل ما تنادي عليها وهي بتقول
هو الحمام منين يا روبانزل
وصفتلها مكانه لفت تمشي وعينيها بدأت تدمع..وبعد ما وصلت الحمام قفلت على نفسها وفضلت ټعيط جوا بصوت عالي
أنا.. انا حلوة أنا اوحش بنت في الدنيا زي ما بابا كان بيقولي وانا صغيرة...هي ازاي بتكلمني بكل الحب ده وانا من جوايا عايزة اكون احسن منها..
إنت وحشة بوقك واسع وشعرك لونه عامل الكركديه
صوت طفلة في المدرسة زمان ليها.
ابقي تعالي قابليني لو حد بصلك يا فاشلة
صوت ابوها وهي طفلة.
صوت عياطها زاد جامد فبدأت تشهلق من العياط وافتكرت يوم ما كانت رايحة تذاكر عند صاحبتها ولقت ابوها بيحضنها ويهزر معاها ساعتها صحبتها تاني يوم في المدرسة قالتلها
بابا امبارح جابلي العاب جديدة ولبس هو إنت يا بيل باباكي مش بيجيبلك العاب جديدة مش بتغيري الكوتشي بتاعك ليه
روحت ساعتها البيت ټعيط اكتر لما لقت ابوها بيحضن اختها الصغيرة وبيلعب معاها..ساعتها اتأكدت من احساس واحد بس وهو أنها مرفوضة.. حتى من باباها.
حاولت نخرج من عياطها وقامت تمسح وشها فتحت باب الحمام وخرجت لقت طباخ البرج معدي بتورتة عيد الميلاد الكبيرة فقالت
كل دي تورتة! يابنت اللذينة دي بكام دي والعة معاكي يا روبانزل يا بختك.
لو وصلت لحد هنا ياريت تسيب ريأكت وكومنت عشان كتاباتي تظهر يا قارئ يا جميل ولو عايز اسكريبتاتي تبان ليك على طول اعمل سي فيرست
كاتبة شيماء_يسري_زهران 
اسكريبتات_ديزني