اسكريبات ديزني قصيرة بقلم شيماء يسري زهران

القاهرة.
هو كده انا الراجل وبمناسبة انا الراجل قومي اعمليلي شاي.
يابني مانت لسه طافح الدنيا تلج بقى.
برخم عليكي انا اللي هقوم اعمل ليا وليكي.
لاء يا حبيبي انت طول اليوم تعبان من الشغل ارتاح انا اللي هعمل.
يالهوي يا جدعان ع الدلع عرفتي ليه كنت مصمم اتجوز واحدة حنينة
مردتش عليه وابتسمت وانا مكسوفة فقال
لاء وكل مرة بتتكسفي ولا كأني أول مرة اقولك كلمة حلوة طماطم بحق وحقيق يعني.
لو وصلت لحد هنا متنساش تحط ريأكت وكومنت عشان ده بيساعد الاسكريبت يظهر لعدد اكبر ولو مهتم بالمحتوى ياريت تعمل سي فيرست عشان يظهرلك اسرع 
الثاني 
هو إنت مكسوفة تبصيلي ليه
لاء ابدا طبيعي يعني اي بنت تتكسف.
أيوة بس احنا عايزين نتعرف على بعض عشان لو موافقة اخطبك.
قالت بصوت واطي
هي ماما سابتني في الصالة لوحدي ليه ياربي.
بتقولي حاجة
لاء ابدا انا معاك اهو كنت بتقول ايه
ابتسم وهو بيقول
بصي هو انا مش هضحك عليكي انا سمعت كل حاجة وانك مش عايزة تخرجي من الأوضة عشان تقابليني.
وشها اصفر وبصتله وهي بتقول
ايه! ا...ايه اللي بتقوله ده اكيد مش كده.
اومال ازاي
نعم
ضحك فحطت وشها الأرض بخجل تبتسم وهي بتقول بصوت واطي
يا نهار اسوح ده ضحكته طلعت حلوة ده هو شخصيا طلع بسبوسة اثبتي يا بت هنخيب ولا ايه مش هنتجوز صالونات
كفاية همهمة وخليكي معايا مش يمكن لما تعرفيني تحبي انك تقربي مني اكتر
بصتله وقالت
انا مش بسهولة هحبك على فكرة.
حط أيده على خده وقالها بخباثة وهو بيحاول يداري ضحكته
هو انا جيبت سيرة انك تحبيني ولا إنت ناوية
بصت للأرض تاني تداري ابتسامتها وقالت
باين عليك بتحب تلعب بالكلام وانا عفوية على نيتي.
على فكرة أنا بعرف العب بالكلام وبتكلم زي الناس طبيعي ولا ببعت وردة على واتساب وفيسبوك فيها صباح الخيرات ولا بقول يسعد مساءك عريس بني ادم عادي والله.
مقدرتش تمسك نفسها فضحكت بصوت عالي خلته يضحك هو كمان ويمسك كوباية الماية اللي على الترابيزة يشرب وبعدين حطها تاني وقام مقرب يكمل كلامه
فصدقيني يعني مش نرم ولا بعمل الشغل ده طب إنت تعرفي اني مرشد سياحي مش مهندس يعني مش مغرور ولا هقرفك كل شوية اقولك انا مهندس ع فكرة.
بصتله وقالت
مرشد سياحي! انا بحب التاريخ المصري اوي بجد وكان نفسي ادخل اداب تاريخ لكن مجموعي مجبش.
طب حلو يعني هلاقي حد اصدعه بالكتب اللي بقرأها في التاريخ.
سكتوا ثواني وكمل هو
صدقيني الحب مش شرط يكون نعرف بعض كذا سنة قبل الخطوبة ولا أنت اصلا في دماغك حد
لاء خالص الحكاية كلها اني طول عمري نفسي اعيش زي اميرات ديزني وأشوف كل الحب اللي