حواديت ولاء عمر

الراجل جه يا بنتي مرة واتنين ما توافقي
قلبي خاېف يا ماما في رهبة جوايا من الموضوع.
عرفت إنه ساب على الصينية بعد ما طلعت مبلغ وقدره ودا عرفته بالصدفة وأنا معدية من جنب الأوضة بتاعة أمي وهي بتحكي لأخويا.
دي من العادات التي عندنا إن العريس لما ييجي ويشوف العروسة لو عبجبته بيسيب مبلغ أيا كان على الصينية وفي بعض المناطق بيكون خاتم دهب قعدنا من رهبة الموقف ما اتكلمتش غير كام كلمة بس أصلا وطلعت وماما خبت عليا هي وأخويا إن في حاجة زي كدا حصلت.
الحقيقة إن متهمنيش الفلوس تغور والله أصلها مبتشتريش راجل.
بلا رهبة بلا خوف يلا كدا إدخلي دي الزيارة التانية ليه.
هقول حاجة محزنة وهي إني من يوم ما أخويا اتجوز ومراته دخلت بيتنا وهو إتغير 180 درجة كان حنين عليا قوي لو شافني تعبانة كان بدون تفكير ينزل الصيدلية جري ويروح يجيب لي مسكن ولو احتاجت حاجة كان ممكن يحوش لو مش معاه ويجيبها لي بس من الخطوبة كمان وهي بتسخنه عليا وتقف لي على الكلمة أنا مش أنانية والله ولا حاولت أوقع بينهم.
بس هي كانت مستكترة حبه وحنيته عليا فاتقلب واتقلبت معاه أمي علشان هو بيقول لها اللي مراته بتقوله ومش بيفكروا يفلتروا الكلام ويصدقوا على طول.
المحزن إني إتحولت من الشخص اللي مش بيطلع من البيت وكل حياته البيت للشخص اللي من كتر ما الزعل واكل فيه مش قادر يقوم من القولون وإني بأكل في نفسي.
يمكن دا أكبر دافع يخليني أوافق على العريس وهو إني أحب الاماكن لقلبي بقى أكترهم تقل عليه.
وأنا معدية جنب المطبخ سمعتها وهي بتكلم أمها في الموبايل وبتقول
والله مستكتراه عليها يا أما مرتاح ماديا وكويس وكمان هيقعدها في شقة لوحدها بس اللي مفرحني إنها هتغور من وشي وإن مش هتبقى موجودة وفي محافظة تاني يلا خليها تغور.
دخلت ووقفت قدامها ببرود وقولت
طب إيه رأيك إن أنا مش موافقة وخليني بقى قاعدة كابسة على مراوحك.
رفعت شفتها وقالت بقرف
كابسة آه دا أنت عانس دا أنا أمي لما كانت قدك كان معاها عيلين دا أنا أصغر منك شوفي بكام سنة وإتجوزت وأنت بايرة.
أنا بايرة! يا بت دا أنا برقبة عيلتك كلها دا من أحلى بنات العيلة دا أنا اللي برفض العرسان مش هما اللي بيرفضوني وبعدين بايرة إيه يا متخلفة إيش حال ما كنتي متجوزة قاصر ومش تامة السن القانوني!! دا أنا لسة متخرجة جاتك نيلة عليكي ما أنت واحدة جاهلة هرد عليكي أقولك إيه أبلغ جواب تجاهل واحدة تعبانة في دماغها زيك.
دخلت أمي وهي بتقول
إيه العريس هيبات مرة مستنيكي تخلصي خناق مع مرات اخوكي 
صبيت العصير ومسكت الصينية وطلعت وأنا ب ألقي عليها نظرة فيها إنتصار.
قعدة مش حاسة فيها بحاجة غير توتر عرفت عنده كام سنة وإخواته اللي ماشاءالله تبارك الله كتير أوي يمكن تمانية أو تسعة وإن شغله في محافظة تاني وهي القاهرة وهو مش عايز زي ما بيحصل كتير الزوجة بتعيش في بيت العيلة والزوج يسافر وييجي كل شهر تلات أيام ولا كام يوم كل كام شهر.
كويس ملتزم في صلاته أصله من قبائل العرب ومازال محافظ على لهجته العرباوية.
طلعت و لقيت مرات أخويا في وشي.
إيه مش ناوية تخلصينا منك
تصدقي بإيه
لا إله إلا الله.
أنا لو كان في إحتمال صغير إني أوافق فأنا همحيه كدا