حواديت ولاء عمر

أقول زي ما عبدالله قالي واهو مستنية أشوف هنعمل إيه.
تعالي بس نجهز الماسكات يا عروسة دا بكرا كتب كتابك .
جنات بنت عمي دي قادرة تخليك تنسى أي حزن وټضرب الدنيا طناش وتقعد تروق معاها.
بالفعل عملنا ماسكات مع حبة فيديوز تيك توك الفيديوز اللي هنعملها وتعجبنا ونحس إنها واو بس مش هينفع ننزل حتى استوري واتس علشان إحنا close mind بحت.
وفي الحقيقة إن المبدأ دا مش بيدايقني عادي متقبلاه.
كام ساعة وكانت العيلة وصلت من السفر نمنا وصحيت على صوت هيصة بنات العيلة واغانيهم وتسقيفهم.
ربنا مرزقنيش باخت بنت بس ربنا رزقني بيهم وجودهم في اللحظات اللي زي دي كفيل يفرحني وميحسسنيش إني وحدي.
الحقيقة إن الفترة دي أنا كنت متجنبة مرات أخويا وإني أتعامل معاها حتى لو بسيط والحمد إني انشغلت في الفرح.
البنت الغير محبة للبهرجة والهيصة النهاردة فرحها وبترقص سلو مع الشاب اللي كانت رافضاه عند.
قبلها اتصورت السيشن وكانت حاسة إنها عروسة تحفة مش بس جميلة.
روح لوم عينيك هي اللي نادتلي
فتنت عليك
قالت وحكت لي
ريحني وقولها بصراحة
مش لاقي أي راحة
کلمة وآه يا عمري 
لو تقولها ليٖ.
كنت بغني مع عمرو دياب وهو رد عليا وقال بابتسامة
بحبك يا أجمل عطايا العمر أديني أهو ريحتك وقولتها.
كمل ووشه بيضحك
دا أنا من أول مرة شوفتك وكنت كل أما أقعد وابص للسماء أقول يارب نوارة يارب إجعل نوارة نصيبي تنور حياتي.
عقلي طار قلبي بيدق دقات إحساسها حلو دقاته من فرحتها كإنها عاملة حفلة وبتعزف .
هتعمل إيه معاها يا عبدالله
مټخافيش خليت أسما في وسط الزيطة تحط لها ورقة عملتها أنا وهي كإنها عمل ومكتوب فيها زي ما عملتي لغيرك إتعمل لك شوفي أنت أذيتي مين وهو اللي عمل لك كدا.
هار مش فايت بتهور دي هتقوم تعمل خناقة.
كانت قايمة وجاية ناحيتنا وبتحاول تداري عصبيتها بس كانت برضو واضحة.
ممكن أفهم إيه دا
رديت عليها وأنا بتصنع الصدمة 
إيه الورقة الغريبة دي يا مرات الغالي
أنت اللي حطيتها صح
رد عبدالله
لاء أنا اللي حطيتها ردا على العمل اللي أنت حطتيه في شقتنا وفكري بس ولا خيالك يجيبك إنك تإذي نوارة ولو بكلمة ساعتها هتلاقي في فيديو صغير كدا مدته يمكن دقيقة ونص مبعوت لجوزك فيديو لمراته وهي بتحط عمل لأخته في شقتها بالمړض والمشاكل والطلاق لو جدعة إأذيها ولو بكلمة وشوفي إيه اللي هيحصل لك أنا مش نوارة علشان أخاف على علاقتي بجوزك وحماتك أنا ممكن أقول كتير وجوزك هيصدق عادي جدا كفاية إنه هيشوف مراته 
اللي مصدرة له الوش البريء بتحط عمل لأخته في شقتها.
مشيت وهي بتترعش من الخۏف وراحت قعدت مكانها.
ليه كدا يا عبدالله كنت عايزة أعرف أخويا وأمي وأخليها تتربي أو حتى تتهزق يا أخي.
كنت متعصبة فرد بثقة
طولت ولا قصرت أخوكي هيكتشف إنها حرباية وبعدين اللي زي دي عبيط وېخاف مش يتخاف منه دي معاها عيلين يعني لو فكرت تميل بخيالها تبقى خربت بيتها بإيدها.
يعني أنت متأكد
عدل بوهم لياقة قميصه وقال بفخر
عيب عليكي دا أنت معاكي عبدالله.
أنا محظوظة بعبدالله والله.
بالعكس عبدالله اللي محظوظ بنوارة.
كانت الدنيا قبلك لا تعاش
والأيام ثقيلة ولا تطاق
أما بعد وليس بعدك بعد
فالأيام معاك جميلة
حنونة
صالحت أيامي الحزينة
البائسة
واستبدلتها بأيام بها أنت 
ويكفي ذلك أن تكون جميلة.
ولاء_عمر