حواديت ولاء عمر

بتردي لعل المانع خير.
حقك عليا بجد بس كنت تعبانة خالص وخدوني وراحوا بيا للدكتور بعد نص الليل وركبت محاليل ورجعت نمت.
قال بلهفة وخضة وضحوا في صوته أول ما عرف
وعملتي إيه دلوقتي طمنيني لسة تعبانة أنزل وأجي معاكي تكشفي تاني
ضحكت بتعب وأنا بقول
تنزل فين بس يا عبدالله! هتيجي مسافة سبع ساعات علشان نروح للدكتور متخافش عليا أنا شوية كدا وإن شاء الله أبقى كويسة.
طيب ما أنا محتاج أطمئن عليكي.
عبدالله يملك حنية العالم بين كفيه والله كفيل يخليني أعد الأيام علشان أبقى معاه وفي بيته حد بيطبطب عليا وسط المدعكة اللي أنا فيها.
متخافش عليا سايب وراك ست قوية.
واضح يا نوارة واضح أقولك إبعدي عن مراتك أخوكي والدنيا هتبقى حلوة أنا بحسها مريبة.
أقوله إزاي إنها مريبة ومخيفة وحربوئة وقرشانة من غير ما أقول 
يلا منها للي خلقها البعيدة.
ضحكت وفوقت من سرحاني وأنا بقول
يا ابني بقى شوفت منها إيه 
نظراتها مريبة حتى كلامها معاكي بحس إن نظراتها غيرة منك وإنها مستكترة عليكي أي حاجة.
آه منه عبدالله وآه من دماغه اللي بتعرف تقرأ عيون الناس ومظاهرهم.
متستغربيش التعامل مع الناس والشغل والاحتكاك بيهم بيعلم كتير المهم متنسيش تطمنيني عليكي وأنا هغيب كدا شوية و أرجع أرن عليكي ومتنسيش علاجك.
قفلت معاه وقعدت أفكر كنت هخسر من كل النواحي لو كنت خسرته.
ابتسمت لإهتمامه.
مرت الأيام ولحد يوم العزل والحاجة اللي كانت مسافرة وفي اخر اليوم بالليل لقيت عبدالله بيرن عليا وبنبرة غريبة عليا وقال
نوارة أنا كنت طالب من أسما أختي عينها متغفلش عن مرات أخوكي لأني مكنتش مرتاح لها وشاكك إنها هتعمل حاجة وفعلا من غير ما تأخد بالها أسما كانت مركزة معاها وللأسف يعني شكي طلع في محله
أعصابي سابت من الخۏف وأنا بستبعد الإحتمال اللي جه في بالي... و سألته
هي عملت إيه كسرت حاجة طيب خلاص تتعوض مش هنكد على نفسي متخافش.
نفى هزاري بجملة جمدت أعصابي
مرات أخوكي عاملة لك عملت واستغلت إن محدش خد باله وحدفته فوق الدولاب بس أسما رنت عليا بحجة إن في حاجة محتاجة تتعدل وخلتني جيت وبعد ما قعدنا شوية دخلنا أوضة النوم وبصيت على الدولاب لقيت العمل عمل بالمړض والمشاكل وبعدها الطلاق.
الصدمة جمدت أوصالي فتحت عيني جامد رافضة الاستيعاب أصل ليه تعمل كدا! والله ما أذيتها هي اللي إنسانة مريضة وعندها عقدة نقص.
نوارة خليكي معايا أنا بعد ما هما مشيوا خدته وروحت لشيخ يفكه بس مټخافيش هخليها تشوف النجوم في عز الضهر وأنت إستني لبعد بكرا أكون أنا نزلت ومنه هيكون كتب كتابنا إن شاء الله.
عبدالله أنا خاېفة أنا بقيت خاېفة أقعد في البيت أكتر من كدا.
إهدي وأنا معاكي مټخافيش.
هداني وقفل معايا كنت في البيت مع بنت عمي أنا وهي بس لأن العيلة كذا حد منهم سافر للعزال والباقي في بيوتهم وكدا كدا هما جايين في الطريق.
دخلت عندها الأوضة وأنا بحاول أتماسك.
بټعيطي ليه بس يا نوارة ما أنت كنتي كويسة إيه زعلانة إنك هتسيبي مرات أخوكي القادرة أصل لو أنا منك هفرح عادي.
ضحكت على كلامها وأنا بقول
إحساس إن أكتر مكان كنت بتحبه دلوقتي بتعد الأيام علشان تمشي منه ومستتقله على قلبك وحش قوي يا جنات أنا إتربيت في البيت دا وروحي فيه فتخيلي بعد كل السنين دي هي تعمل كدا! الله لا بارك لها بجد.
محبتش إني