حكاوي ايلول اسكريبت كامل بقلم مريم منصور

وطلعت علي اوضتي وانا مهدوده الحيل والفكر والمشاعر وكل حاجه بالرغم من اني بتخانق معاه كتير لكن عمري ما اتعودت علي كده وفي كل مره بخاف وركبي دايما بتخبط في بعضها زي العيل الصغير وبتوتر دخلت الاوضه وقفلت النور واترميت علي سرير سحبت الغطا عليا واتمنيت انام لأفضل فتره ممكنه.
مسكت كوبايه الشاي بلبن
هم مش هيفطروا 
سيف نزل من بدري علي الشغل وسلمي فوق في اوضتها.
هو جيه بجد
جيه على الفجر كده ومتقلقليش كلمته وصالحته.
طيب طمنتيني.
فطرت وانا بحاول علي قدر الإمكان اتجنب الفكر فأني هعمل ايه واتصرف ازاي واروح الفرح.
حطت ايدها علي ايدي
أنت عارفه كويس انه مكنش يقصد يضايقكصح
عادي.
طب ساكته ليه ما دام هو عادي.
عشان مفيش موضوع نتكلم فيه.
لو قلقانه عشان الفرح متعلتليش هم انا هوديكي عادي.
بصتلها بأبتسامه قولي بجد والله
بس تروقي كل الاوض اللي فوق دي.
ايه!
ابتسمت بفخر دي ضريبه أن هوديكي الفرح من وراه.
لا خلاص مش عايزه اروح.
أنت اللي خسرانه.
اخسر وانا معايا صحتي احسن.
طيب قومي يا بتاعت الصحه اطلعي احفظي القرآن عشان هيتسمع النهارده وقولي للأبله اللي فوق.
منا محفظتش وبعدين بنتك مقموصه مني.
والسبب
رفعت كتفي وانا بتووه في الكلام
ممكن نأجل التسميع عادي.
السبب ايه
مش قادره بجد.
القران مبيتأجلش عشان أنا مأجلكيش لأخرتك هتطلعي حالا وتحفظي.
ده أنت خاله شريره زي ابنك والله.
قولت كده وطلعت علي السلم اجري عشان متتهورش وتحدفني بحاجه وصلت بسرعه فوق وحاولت اتنفس براحه من الضحك هديت وقفت قدام باب الاوضه ورفعت ايدي وبعدين نزلتها وقررت ابعت مسدج ليها.
احفظي قرأنك عشان هنسمع بعد الغدا
عملت سين في ساعتها ومردتشنفخت بضيق لنفسي
ده والله أنت واخوكي محتاجين شبشب ويدور الضړب فيكم علي قله الذوق دي.
مسكت المعلقه الخشب
المراجعه متجبتش ليه  
رمتلها بوسه 
خلي قلبك طيب المره دي.
ده انا كل مره بعدهالك.
معلش..معلش اعتبريني زي بنتك.
يبقي ليك ملبسه واحده وسلمي اتنين عشان جابت الجديد والمراجعه.
اصلا بسرق من الكيس قد كده فمش فارقه.
حيوانه.
الله يسامحك يا زينب.
انا خالتك احترميني.
من العين دي قبل العين دي يا زينبو. 
الجرس رن في ساعتها فقامت سلمي تفتح 
اكيد سيف ونسي المفتاح كالعاده.
والحقيقة انه عمره ما بينسي المفتاح بس دايما بيعمل كده عشان لو مش لابسه الحجاب بتاعي اقدر البسه اتأكدت من الطرحه معدوله كويس قبل ما الباب يتفتح. 
كان باين عليه الارهاق فعلا بس كان بيحاول يضحك ويهزر وهو داخل كنت مبسوطه أنه مش جاي مضايق أو مكشر بس ضحكته وقفت اول ما شافني قاعده في الانتريه مع خالتو فالټفت بوشي ليها وكنت هستأذن اني اطلع اوضتي بس مسكت ايدي قبل ما اقول اي كلمه ومنعتني.
مساء الخير عليكم.
مساء النور يا حبيبي.
ميل وباس ايدها كويسه 
طبطت علي ضهره 
طول ما انت كويس انا هبقي كويسه.
اتجه للكرسي وقعد ووجه نظره ليا 
عامله ايه!
بصتله شويه وسكتت فضحك وهو بيشاور بأيده قدامي
السؤال صعب ولا ايه!!
فأبتسمت الحمدلله بخير.
كنت قاعده هاديه وساكته بتفرج عليهم وهما بيتكلموا وبيضحكوا سوا وبيهزرو بدأت عيني تدمع ڠصب عني من المشهد اللي شيفاه وزوري يوجعني من كتماني للعياط و ده كله بسبب..بسبب شعور الوحده الملازمني دايما.
عن اذنكم انا طالعه اوضتي.
ضم حواجبه بأستغراب 
لسه بدري خليكي قاعده.
محتاجه انام شويه تصبحوا علي خير.
معداش ساعه وباب اوضتي خبط عرفت ان هو من خبطته علي الباب لبست الاسدال بسرعه وسمحتله بالدخول.
وقف قدامي وقال بنبره ندم استشفتها من صوته
انا اسف. 
ولا يهمك عادي.
بصيلي طيب.
رفعت عيوني له فاتنهد 
أنت عارفه كويس اني مقصدش اي كلمه من اللي قولتها وڠصب عني اتعصبت والتعبير خني.
عارفه..
و ده ميمنعش انك شويه حرقتيلي دمي وبصراحه عصبتيني.
وانا كمان اسفه.
ياسلام عليك لما تبقي هاديه ومحترمه كمان. 
مد ايده ببوكيه ورد صغير وشنطه صغيره وهو حاطط ايده التانيه علي شعره وهو مسكوف اول مره اخد بالي أنه عنده عرق كسوف!!
باعتذر تاني علي اللي حصل.
خدت البوكيه والشنطه بأبتسامه ووبصيت فيها 
دي كلها شوكولاته!! 
خبيها بقي عشان الجماعه اللي تحت ميغروش منك.
شكرا اوي.
رفع حاجب شكرا بس! 
اومال عايز ايه.
يعني كنت مستني انبهار منك وتشكري فيا وفي اخلاقي وفي ادبي و تواضعي..
ما انت اللي مزعلني طبيعي تصالحني.
ماشي لو كده اوكيه يعني اتراضيتي 
لمست الورد بأيدي اه سامحتك خلاص.
نيجي بقي لأصل الحوار كله وهو الفرح.
هنتخانق تاني كده.
ضحك مټخافيش مفيش خناق انا بسحب كلامي وبقولك روحي الفرح عادي.
بجد !..طب واني ابات 
دي حاجه مش عايزه نقاش عشان اكيد لأ.
غتت والله خد مش عايزه وردك ولا الشوكولاته اتفضل.
براحتك.
مسك الشنطه وخد منها واحده شكلاوته وفتحها وبدأ ياكل 
طعمها حلو هايله بجد طلعت خطيره.
سيف انت جيبهالي انا !
مش أنت اللي اتقمصتي.
بس بردو متكلش.
مد ايده بيها تاخدي
اختها وقطمت اول حته واو دي حلوه فعلا.
عيونه اتركزت عليا وابتسم 
براحه في كتير تاني.
انا بخلصها عشان متقوليش هتيها.
شريره.
جدا وهات الشنطه اللي وراك دي.
هدهالك بس زي متفقنا مفيش بيات.
وقفت اكل يعني مفيش امل صغير اني ابات !
فيه اقتراح صغير ليكي عليا اوديكي الصبح بيت صاحبتك.
وانا موافقه بس هنمشي الفجر.
اڼتقام ده!
رفعت كتفي بلا مبالاه 
عشان الحقهم من اول اليوم ما انت هضيع عليا سهرتي اللذيذه معاهم.
ده أنت هتروحي تبعيلهم لبن من اول اليوم.
مش مشكله مهم اني اصحيك بدري واقرفك معايا.
اخدت الشنطه والبوكيه من وراه وبصتله
الصبح تبقي جاهز عشان توديني وكمان لما الفرح يخلص تبقي قدام القاعه موجود.
هز راسه بتأكيد وابتسم فأقولت 
تصبح علي خير وشكرا مره تانيه.
فيها ايه لو الإنسان نط من الشباك ده ولا جات قوه خارقه وبلعته مره واحده اوعمل نفسه مي ت بدل نظراته اللي تخوف دي.
انت ازاي تحضري الفرح بالميكب الكامل ده كله
اتكلمت بهمس
خد بالك صحابي سمعينك وقاعدين وراه ها انت بقي مسؤول عن اللي هيحصل مش انا.
بصلي بضيق وسكت فالټفت ليهم 
نوصل مين الاول
طول الطريق باصه للسماء وبدعي
رحله توصليهم لبيوتهم تبقي لأطول فتره ممكنه والطريق للبيت يبقي طويل وطويل وكمان يارب خالتو تبقي صاحيه عشان تهديه عليا لما نروح يارب.
نزلت من العربيه بهدوء بعد ما وصلنا كل صحابي حاولت امشي براحه عشان محسسهوش اني بهرب أو قلقانه منه لأ سامح الله يعني.
طلعت علي السلم بسرعه ومنه اتجهه لاوضتي.
استني.
ملتفتش له وكملت طلوع.
اظن سمعتي قولت ايه.
الټفتنعم!
انزلي عايزك.
بكره عشان مش قادره وانا عارفه هتكملني في ايه.
طلع درجات السلم ووقف قصادي
ايه كميه الميكب ده كله!
عادي كان فرح وحطيت.
شاور علي وشي بشكل ده وكمان لينسيز!!
عارفه أنه اوفر بس خلاص اتحطنعمل ايه بقي اقعد ابكي علي اللبن المسكوب مثلا !
عدي من جنبي وقال 
خلاص يبقي تعملي حسابك مفيش اي فرح تاني هيتراح.
مش ازمه اهم حاجه روحت فرح صاحبتي.
الټفت لي وغمز بأستفهام
حاسس اني بقيت اسمعلك صوت كتير الفتره دي خير!
ممكن تروح تنام بجد انا مودي كان حلو وانت عكننته دلوقتي 
ماشي يا ايلول ده كله متسجل وله وقت.
هو ايه اللي كل شويه ماشي لأ ممنوع صوتك بيعلي ليه الحياه جت ووقفه عندي عند الكلمات دول ومبقتش اسمع إلا غيرهم والمفروض اقبلهم بهدوء وحاضر ونعم ومحاولش ابص لنفسي عايزه ايه وايه اللي محتاجاه!
ضغظت علي الشنطه بكل قوتي
كنت بحب الحياه عادي زي اي طفل متحاوط
ب مامته مصدر قوته وباباه اللي المفروض يبقي مصدر الامان بس فاجأه ده كله اختفي..
رفعت راسي ومسحت