حكاوي ايلول اسكريبت كامل بقلم مريم منصور

كده يبقي خلاص أنت مش وحشه مش عايزاك تلومي نفسك.
لعبت في القلم اللي علي المكتب بس بحس اني لو كنت كبيره شويه كنت علي الاقل عرفت اساعدها واقف جنبها بس حكم الله نافذ.
كله مقدر ومكتوب من قبل ما نيجي علي الدنيا من قبل حتي ما نبقي واعين بقدر كافي كل الامور بيد الله واحده فهوني علي نفسك وارحمي عقلك من اللوم والتفكير...
أما بالنسبة للبيت لما بيصدر رد فعل من سيف لك مش عاجبك مش معناه أنه او أنهم جايين عليك أو قصدهم يقلوليك انت لوحدك.
بس الطريقه بتوحي بكده.
حاولي تفهمي يا ايلول حاولي تفهميهم وتعرفي ليه الطريقه دي ما يمكن أنت بتعندي مثلا قدامه ومش بتحاولي تخلقي مناقشه فبتفهموا بعض غلط وبتالي دي الطريقة اللي بتتبع معاك.
يعني افهم كده اني غلط!
ضحكت لأ يستي بس اسمعيني المره دي وحاولي تقعدي مع نفسك وتشوفي حل لأنك قبل ما هتريحهم هترتاحي انت وهتقدري تساعدي نفسك..
تليفوني رن بأسمه فقطعتها هو انا ممكن استأذن حاسه انه خلاص النهارده ومش هقدر اتكلم تاني.
هزت راسها بتفهم ومدت ايدها تسلم عليا
هستناك المره جايه.
وقفت قدام البيت وانا باخد نفسي براحه عشان ابقي هاديه ومتوترش طلعت المفاتيح وفتحت الباب.
اول ما دخلت لقيته واقف في وشي بضيق شديد
انا نبهتك متخرجيش من ورايا وخرجتي.
فضلت ساكته وباصه للارض
خرجتي من ورايا وده بيدل انك مش محترماني ولا محترمه وجودي وقبل ده كله محترمتيش تربيتك اللي متسمحش تغفلي حد وتخرجي من وراه.
رفعت راسي له بدهشه
انا!
اتكلم بصوت مغلوب عليه العص بيه
لما اقول مفيش خروج وتخرجي ولا يهمك كلامي كالعاده ولا كلام ماما ولا سلمي وكمان افضل ارن عليك وتكنسلي يبقي ده اسمه ايه!
فابقي مش محترمه صح.
ضحك بأستهزاء وبص وراه ما تقوليلها يا ماما قوليلها وأنت بترني علي صاحبتها عشان تستعجليها تطلع الهانم مش معاهم وكمان محدش فيهم قال انهم يتقبلوا حتي.
انتم بتفتشوا ورايا  
حيلك حيلك متقلبيش الترابيزه من دلوقتى.
اتكلم باسلوب عدل.
حاضر وانا معاك لحد الاخر ها كنت فين
مش لازم تعرف.
بصلي پغضب وهز راسه وبعدها اتحرك خطوتين في الانتريه وهو بيهدي نفسه فخالتو مسكت ايده
براحه سيبها تطلع دلوقتي وبكره اتكلموا.
مفيش كلام هيأجل لبكره.
طيب معلش سيبها تطلع.
فلت ايده منها محدش يقولي سيبها...دي خارجه من ورايا وكمان مكانتش مع صحابها اتفضلي عرفيني كانت فين وانا اسبها وكمان اسقفلها واقولها شاطره برافو استغفلينا اكتر..
انت اللي خلتني اعمل كده.
يا سلام ملاك بجناحات وبخليك تعملي كده قد ايه انا وحش فعلا
للمره تانيه كلمني عدل انا مش عابده عندك.
اتنهد ولو انا فعلا اللي خليتك تستغفليني وتطلعي زي ما بتقولي انا بردو اللي خليتك تكذبي وتقولي هقابل صحابي! انا بردو اللي خليت تليفونك يبقي شغال يرن وتخافي تردي قدمنا وتوتري...انطقي يا ايلول كنت فين ومع مين  
قدمت ووقفت قدامه واتكلمت بنفس هدوءه
كلامك مليان تلميحات مش هسمحلك بيها انا ممكن اعدي كل حاجه بتعملها إلا كلامك ده وظلمك ليا.
ملامح العص بيه بانت من تاني علي وشه وكان هيتكلم بس قاطعته.. 
عن اذنكم انا طالعه اوضتي.
وقف قدامي مفيش طلوع المره دي غير لما اعرف كنت فين.
كنت مكان ما موجوده وخلاص مشواري خلص والحمدلله رجعت بسلامه.
متختبرنيش انا جايب أخري.
حاضر بصتله بهدوء كنت جايه من عند دكتورتي النفسيه واللي بسببك قررت اني ألجأ ليها...عارف يا سيف انت مليان عقد قد كده بس برافو طلعتها عليا وعملتلي عقد نفسيه وحسستني اني قليله ومليش رأي طول منا هنا بجد برافو.
وقفت جنبي ومسكت ايدي أنت بتتكملي بجد!
حاولت ارد عليها بنفس الثبات بس نبره صوتي خانتني وطلعت مخنوقه بالعياط.
اه يا خالتو.
طبطبت علي ضهري وفضلت ماسكه في ايدي عشان تطلعني بصيت عليه بصه اخيره لقيته واقف هادي وعيونه متركزه علي الفراغ.
فضلت قاعده في اوضتي لمده يومين بنزل بس معاهم وقت الغدا وبطلع تاني اقعد فيها لحد ما النوم يزوني ولما عرفت أنه قرب يمشي علي سفريه الشغل جهزت شنطه هدومي و مفاتيح بيت جدتي.
انتم مش فهمني ليه
فهماك يا عيوني بس بلاش تمشي وانا والله ما هخلي سيف وسلمي ولا حتي انا ندخل ليك في أي أمر تاني.
هزيت رأسي بيأس وڠضب انا محتاجه امشي محتاجه احاول اكون
نفسي محتاجه ادي فرصه ليا وأبدا من جديد.
وتمشي وتسبيني!
همشي لبيت تيته تقدري تجيلي في أي وقت وانا كمان هجيلكم عادي.
طب لما يجي هنقوله ايه فكرك هيسكت ويعدي الموضوع.
مش فارقه يا خالتو اصلا مينفعش اعيش معاكم وهو موجود ومينفعش الإختلاط اللي احنا فيه ده حرام اصلا.
سلمي ادخلت في الكلام بينا
وهو جيه وعرض عليك الجواز اول ما تميتي العشرين سنه موافقتيش ليه مدام هو حرام وفاجأة اكتشفتي كده.
خالتو بصتلها پصدمه سلمي انت عرفتي ازاي
اخويا الوحيد وصاحبي في الدنيا ولما قلبه يتكسر مش عايزاني اعرف يا ماما 
انا مكسرتش قلب حد وكلكم عارفين كده كويس ده كان مجرد عرض منه وانا رفضته وهو تقبله.
ضحكت بجد والله !
اه عشان يخلص من زنكم بأنه يتجوز وعشان في نفس الوقت حرام افضل اتعامل معاه بالاسلوب ده فقرر يعرض عليا وبكده يكون ضړب عصفورين بحجر.
قربت عليا
يعني سيف اخويا مش بيحبك!
يعني مش بيغير عليك وبيضايق لما تتأخري!
يعني مبيحطش في نفسه لما بتكوني تعبانه!
يعني مش بيبقي ناقص يجبلك حته من السما وكل اللي انت محتاجه عشان ترضي!
انت بتقولي ايه
الغريب فهم والغبي فهم وانت لسه مكانك هنا بتسألي بقول ايه.
أنت واعيه يا سلمي انت سامعه اللي بتقوليه سيف مين اللي بيحبني.
تعرفي اني اول مره اشوف اخويا ساكت بالشكل ده ومعلقش علي اي كلمه وجهتاله امبارح.
عشان عارف نفسه غلطان.
تؤ عشان الضړب في المېت حرام كل ما تشوفي وشه تقوليله عملتلي عقد ربتلي الخۏف انت فيك وفيك وفيك..
قالت كلامها بعصب يه ومشيت
هي بتتكلم بجد يا زينب!
باست علي راسي انسي كل اللي سمعتيه وشوفي هتعملي ايه ومټخافيش المره دي مش هيقول حاجه.
يعني ولا حتي هيقولي ارجعي 
ابني وحاسه بيه وفهماه كويس يمكن لو مكنتيش أنت اللي قررتي تمشي كان هو اللي جيه من السفريه ومشي.
يعني خلاص مش عايزاني هنا في البيت!
ده انا كل يومين هاجي واقرفك.
حضنتها وانا بعيط سامحيني لو في يوم خليتك تتخانقي معاهم بسببي حقك عليا..هتوحشيني بجد.
حطيت المفتاح في الباب وسمعت التكه فزقيته براحه ودخلت دخلت وانا بملي عيوني من بيت جدتي من هدوءه وجماله قد ايه كان جميل زيها ومازال جميل
نورت نور الطرقه اتجهت لأوضتها وقفت قدام سرير كنت بنام معاها فيه وفي حضنها ابتسمت علي طيف الذكري اللي واردني وانا قاعده بسهريها في مواضيع ملهاش لازمه عشان تنتبه ليا ومتنمش قبلي واخاڤ انام بعدها وافضل صاحيه.
وهنا..هنا كنت بستخبي منها عشان مكولش البيض ولا اشرب البن قبل نزولي للمدرسه وكانت بتقفشني كل مره وتحلف عليا مفيش نزول غير لما اخلصهم الاول انا مشوفتش حد في جمال جدتي وحنيتها عليا ولا هشوففتحت الدرج وانا بلمس علي مشط الشعر الخاص بيها و جراب نضارتها القديم وإشاربات شاعرها اللي حسسوني بالدفا و الحنين لضمھ منها
من