رواية متي تخضعيني لقلبي الجزئين كاملة بقلم شيماء يوسف

عاد إليها وهو يرتدى بذله رسميه من اللون الرصاصى الغامق وربطه عنق حريرية من نفس اللون أسفله قميص من اللون الاسود مع رائحه عطره المميزه وتصقيفه شعره كان يبدو وسيما بشكل خطېر ابتلعت لعابها بتوتر وهى تراه يقترب حتى جلس قبالتها ثم تمتم بأنشغال قائلا 
حياة انا لازم اتحرك دلوقتى عندى شغل كتير .. دادا عفاف هتكون معاكى طول اليوم متتحركيش من نفسك ومتنسيش الدوا بتاعك ..
اجابته بحماس قائله 
مش هتحرك بس بشرط ..
تنهد ببطء ثم سألتها بنبرته الحانيه 
ايه شرط حياتى ..
ابتسمت بخجل ثم اضافت بلهفه 
اقعد اراجع الملفات اللى المفروض اراجعها معاك بليل ..
عقد حاجبيه معا ثم اجابها بنبره قاطعه 
لاء ..
اجابته بأندفاع وهى تمد كفها لتحتضن كفه بتوسل قائله 
ليه بس لا!! انا هقعد هنا طول اليوم لوحدى وجميله هتكون بتجهز لبكره وانت هترجع متأخر .. خلى دادا عفاف تطلعهملى وهراجعهم وانا قاعده والله مش هتحرك ..
نظر لها دون رد كأنه يحاول التوصل لقرار فأستطردت بنبره طفوليه متوسله وهى تضغط بكفها على كفه مشجعه 
فريد بليييييييز !!..
زفر بأستسلام ثم اجابها على مضض مترددا 
ماشى بس بشرط متتعبيش نفسك ومتنسيش أكلك ودواكى وأوعى تتحركى فاهمه !..
هزت رأسها عده مرات موافقه وهى تبتسم له بسعاده ثم أردفت تحدثه بتوجس 
طب فى حاجه كمان ..
نظر لها لوهله ثم اجابها على الفور دون انتظار سؤالها 
مټخافيش معملتش حاجه عشان وعدتك بس .. بس لو عملت حاجه تانيه لحد بكره هلغى الفرح وانا فهمتها ده ..
صفقت بيدها وعيونها تلمع بسعاده وهى تجيبه بحماس 
وعد مش هتعمل حاجه تانى ولو عملت يبقى انت عندك حق ..
انا هتحرك دلوقتى وزى ما نبهت عليكى ..
ومتدهنيش رجلك غير لما اجى بليل عشان الموضوع عجبنى ..
شهقت بخجل واطرقت برأسها للأسفل تدارى ارتابكها مما جعل ضحكته تدوى وهو فى طريقه نحو الخارج ..
انقضت الايام التاليه على حياة وهى غارقه بين ملفات الحسابات تراجعها بشغف حتى انتهت مما يعادل نصفها تقريبا اما عن زفاف جميله فانتهى بدون حضورها رغم توسلاتها الشديده لفربد ولكنه اثر بقائها فى المنزل بحجه راحتها وأوامر الطبيب اما السبب الاخر والذى لم يعترف لها به هو قلقه من تكرار تجربه حفله التوقيع مره اخرى وخصوصا بعدما اجبر والده على دعوه كبار الدوله وهو ابدا لن يسمح بأنهيارها لاى سبب كان 
اما عن جميله نفسها فقد سافرت فى اليوم التالى للزفاف بعدما زارت حياة وودعتها بقلب مثقل وهى تتمنى لها الخير مع وعود بالتواصل يوميا والاطمئنان عليها وكم احزن حياة فراقها فقد شعرت معها بمشاعر الإخوة والتى لم تتذوقها مع اختها الحقيقه التى كانت تهاتفها مره كل عام وفقط لعده دقائق ومن اجل مصلحه .
يا فندم زى ما توقعت .. فريد رسلان اتفق مع الشركه الألمانية هيوردوله مباشرة والتوقيع قريب جدا ..
انتفض منصور من مقعده ليقف امامه ثم تحدث بنبره قويه متوعدا 
ماشى يابن غريب ال ..
الټفت ينظر نحو سكرتيره وعيونه تطلق شررا ثم اضاف بغل 
النهارده زى ما قلتلك تحيتى توصله وفى بيته فاهم !..
اومأ السكرتير رأسه بخنوع قبل إخراجه لهاتفه الخلوى يتحدت لأحد الرجال قائلا بجديه 
نفذ ودلوقتى ..
كانت حياة تجلس داخل غرفتها وهى تتأفف بملل فبرغم شفائها التام الا ان فريد رفض تحركها الا بعد الرجوع للطبيب والسماح لها لذلك فهى مجبره على البقاء هنا بداخل غرفتها امتثالا لرغبته والعجيب انها وافقت على ذلك دون جدال
فى تلك الأثناء وقفت سياره مصفحه امام الباب الرئيسى للفيلا وطل من نوافذها عده رجال ملثمين الوجهه بأسلحه أليه وبدءوا بأطلاق الڼار بعشوائيه نحو مداخل ونوافذ الفيلا انتفضت حياة من مقعدها على صوت الړصاصه الاولى تليها وابل من الرصاصات المتتالية شعرت بقلبها على وشك التوقف من شده الهلع والذعر مع دوى الرصاصات المتلاحقة وهى حبيسه الغرفه بمفردها ولا تدرى ما الذى يحدث بالأسفل لم تعلم ما الذى يجب عليها فعله لذلك وبدون تفكير وجدت نفسها تزحف بجسد مرتجف نحو هاتفها الموضوع فوق الفراش تطلب رقمه بأصابع مرتعشه فدون ادراك منها شعرت فى تلك اللحظه ان صوته هو مصدرالامان بالنسبه لها وهو أيضا اخر شئ تود سماعه اذا اصابها مكروه
اما فريد فكان فى ذلك الوقت بداخل اجتماع هام مع مدراء الأفرع لمناقشه خطه السنه القادمه نظر بتأفف نحو شاشه هاتفه التى أضاءت امامه بصمت ليجد اسمها يسطع بداخله عقد حاجبيه معا وهو يفكر بقلق فهى المره الاولى التى تحاول الوصول إليه وهو بالعمل ترى ما هو الامر الهام الذى دفعها لذلك التقط هاتفه مسرعا يجيبها ويطمئن عليها صړخت هى بأسمه من بين شهقاتها
المتلاحقة تستنجد به قائله 
فريد الحقنى .. فى ضړب .. ڼار بره .. انا خاېفه ..
انتفض فريد من مقعده على صوت احد الرصاصات التى اخترقت مسامعه بقوه صړخ بها بلهفه وهو يركض نحو الخارج بړعب حقيقى يحذرها قائلا 
خليكى مكانك اوعى تتتحرررركى .. ابعدى عن الشباك والباب .. اتحامى فى حاجه وانا ثوانى وهكون عندك .. مټخافيش انا مش هسيبك ..
انهى اتصاله معه وهو يركض نحو الدرج ليستخدمه اختصارا للوقت وصل إلى الباب الرئيسى للشركه وصړخ بحراسه وهو يستقل سيارته ليتحركوا سريعا دعما لأصدقائهم فمنذ حاډثه الټسمم السابقه قد أعطى امر بأنقسامهم نصفين نصف للبقاء حول الفيلا والنصف الاخر للتحرك معه أينما ذهب كان يسابق الزمن ليصل إليها فى اسرع وقت وأكثر ما كان يقلقه هو عدم اجابتها على الهاتف عندما حاول الاتصال بها مره اخرى دوت دقات قلبه كالطبول وشعر بالاختناق يصيبه وعقله يهيأ له اسوء الاحتمالات حدوثا
بعد ١٠ دقائق من إطلاق الڼار المتواصل والذى ادى إلى تحطيم جميع نوافذ الفيلا وتناثرالطلقات فوق الجدران وأصابه احد الحراس بقدمه هدء
الصوت وانسحب الملثمين بسيارتهم وعم السكون المكان .
اما عن حياة فحتى بعد وقف إطلاق الڼار ظلت جالسه فوق الارضيه الخشبيه بجوار الفراش وهى تضم ركبيتها إلى صدرها وتحيطاهما بكلتا ذراعيها دافنه وجهها الباكى بينهما وهى تحرك جسدها بقوه من شده التوتر والړعب منتظره قدومه
وصل فريد فى الثوانى التاليه وهو يلهث بقوه من شده الڠضب والړعب فوجد جدران الفيلا متراشقه جميعها ببقايا الړصاص المنثور فوقها وجميع حراسه محاوطين زميلهم الملقى على الارضيه مصاپا ينتظر قدوم سياره الاسعاف لنقله أعطى الامرلرئيس حراسه على عجاله ان يتولى آمره ثم اكمل ركضه نحو الداخل ليستقل الدرج وهو يهتف بأسمها بړعب حقيقى
انتى كويسه صح !..
هزت راسها عده مرات وهى تزدرد ريقها بصعوبه ثم رفعت كفيها المرتعشتين تضعها فوق صدره وتتحسه كأنها تتأكد من وقوفه امامها حقا معافى
حياتى انتى كويسه .. حبيبتى انتى كويسه .. مټخافيش انتى كويسه يا عمرى كله ..
لا خليك معايا متمشيش ..
تنهد براحه وهو يمسح فوق شعرها

بحنان ثم اجابها بنبرته الناعمه 
انا هنا عمرى ما هسيبك ..
الفصل السادس عشر 
استيقظ فريد من غفوته بجوارها على صوت أزيز هاتفه الموضوع فوق الكومود بجواره التقطه ينطر بشاشته قبل ان يجيب وهو يتأفف بملل فالمتصل لم يكن سوى والده وهو يعلم جيدا فحوى ذلك الاتصال لذلك اجابه بضيق ساخرا 
مش محتاج اسأل عن سبب اتصالك ده ..
اجابه غريب من الطرف الاخر متشدقا بحنق 
مش عايزنى اطمن عليك كمان!!! ..
اجابه فريد وهو يعود لاحتضان حياة التى بدءت تستفيق على اثر مكالمته قائلا 
لا اتفضل اطمن براحتك ومتفكرش انى مش عارف مين اللى بينقلك كل حاجه .. انا بس سايبه بمزاجى ..
صدح به غريب بقوه حتى وصل صوته من الهاتف إلى مسامع حياة قائلا بعصبيه 
يابنى انت عايز تجننى !! ايه البرود اللى عندك ده !! اضرب ڼار على بيتك وانت بتكلمنى فى مين اللى وصلى الخبر !!عمتا انا بعتلك شويه حرس زياده يفضلوا معاك الفتره دى لحد ما نشوف اخرتها مع الزفت منصور ده اكيد هو السبب ..
تشنجت ملامح وجهه فريد وابعد الهاتف عن اذنه قليلا حتى انتهى والده من صياحه ثم اجابه ببرود مستفز 
متشغلش بالك بمين ضړب ڼار على مين وبعدين انا مش عايز حاجة من حد .. امورى وانا هظبطها بمعرفتى .. المهم انت متدخلش ..
اجابه غريب بأستسلام 
انا عارف ان مفيش فايده فيك وكلامى كله ع الفاضى معاك .. عمتا نكمل كلامنا بكره فى الشركه ..
اراد فريد إنهاء المكالمه بأسرع ما يمكن لذلك لم يجادل والده اكثر وانهى المكالمه دون تعليق ظلت حياة تراقبه حتى انتهاء مكالمته ثم بدءت تحدثه بهدوء قائله 
فريد .. بباك عنده حق .. انت لازم تزود عدد الحراسه معاك لحد ما تعرف مين اللى عمل كده ..
تعالى ..
مټخافيش ومتقلقيش انا عارف مين عمل كده والموضوع ده هيخلص قريب ..
تنهدت حياة بأستسلام ورأسها يتوسد صدره ثم أردفت قائله بتردد 
فريد .. ينفع اسالك سؤال ..
اجابها وهو يعبث بخصلات شعرها مجيبا بحب
اسألى يا قلب فريد ..
رفعت حياة جسدها مستنده على مرفقها لتنظر إليه متسائله بترقب 
انت عارف مين اللى عمل كده صح!..
اومأ برأسه موافقا دون حديث ازدرت حياة ريقها بقوه ثم استطردت سؤالها بأستنكار 
طب ليه كل ده !.. ليه يعمل كده !..
اغمض عينيه لبرهه يتذكر حديث والده عن اكتشاف حب منصور لوالدته وكرهه الواضح لفريد دون مبرر ثم فتحهما مره اخرى قائلا لها وهو لازال يعبث بمقدمه شعرها 
واحد من منافسين السوق .. مش قابل اننا نتفوق عليه ..
زفرت حياة بحزن ثم استطردت قائله بضيق 
هو فى حد يعمل كده عشان الرزق ده كله بتاع ربنا !!!
طب وبعدين هتعمل ايه دلوقتى ..
اعتدل فريد بجسده حتى اصبح امامها ثم اضاف وهو يحتضن كفها بكلتا يديه قائلا بحنو 
متشغليش بالك انتى زى ما قلتلك الموضوع هيتحل قريب .. بس دلوقتى انا لازم اتحرك ورايا كام مشوار ..
تبدلت نظرتها للقلق وتمسكت بيده بقوه متمته بړعب 
لا متمشيش ..
اجابها فريد وهو يحتضنها بين ذراعيه قائلا تبرير 
حبيبى انا مش هغيب بس فى حارس اټصاب ولازم اروح اطمن عليه مش هينفع اسيبه كده وكمان لازم افهم ازاى كل ده حصل ..
لا متسبنيش لو مصمم تنزل خدنى معاك ..
اجابها فريد بحزم حانى 
حياة مش هينفع انا هروح المستشفى وبعدين مټخافيش هسيب ناس معاكم هنا جوه الفيلا كمان للاحتياط ..
هزت رأسها بقوه وهى لازالت تحتضنه قائله بأصرار 
لا مش عايزه حد .. يا اجى معاك يا تفضل هنا ..
انهت جملتها ورفعت رأسها تنظر إليه بعيون لامعه من اثر تجمع بعض الدموع بداخلها تنهد بأستسلام بمجرد رؤيته لدموعها ثم قال على مضض 
ماشى خلاص قومى حضرى نفسك واعملى حسابك ننتعشى بره ..
قفزت من الفراش بحماس كالطفله وهى تركض نحو غرفتها متمته بنبره تملؤها الحماس 
حاضر ربع ساعه وهكون جاهزه ..
كانت جيهان جالسه بجوار غريب تستمع إلى مكالمته وعيونها ممتلئه بالتشفي سالت غريب بعد انتهاء مكالمته متلهفة 
غريب هو حصل ايه !!..
زفر غريب بضيق وهو يعود بجسده للوراء ليستند على ظهر مقعده قائلا بحزن 
فى حد ضړب ڼار على البيت عند فريد
..
سألته جيهان بخبث مستفسره 
ڼار مره واحده !!! وفى بيته كمان !!! طب حد حصله حاجه !..
اجابها غريب بعدما تنهد براحه 
لا الحمدلله جت سليمه .. وأضح ان اللى عمل كده كان قاصد يهوش بس .. كل الضړب كان على الشبابيك والمداخل ..
أردفت جيهان تسأله بتفكر 
طب ويا ترى عرفتوا مين اللى عمل كده !!.
اجابها غريب مسرعا 
مش محتاجين نعرف هو منصور زفت مفيش غيره ..
هزت جيهان رأسه ببطء ونظراتها شاردة فى مكان اخر نظر لها غريب مطولا بأستنكار يتأمل سكوتها ثم سألها متوجسا 
جيهان اوعى تكونى !!!!..
صاحت به جيهان بعصبيه قائله بحنق 
جيهان جيهان !!! جيهان زهقت منك انت وابنك كل ما تحصله مصېبه تجيبوها فيا !! روح شوف ابنك اللى مش مخلى حد فى السوق مش عامل معاه عداوه ..
لم يجد غريب ما يجيبها به فقط اكتفى بالانسحاب من تلك الجلسه الغير مجديه اما عن جيهان فقد غمغمت بسعاده قائله بعيون تلمع من شده الحماس 
والله زمان يا منصور .. شكلنا هنعيد القديم تانى .. كويس انك ظهرتلى قبل ما أتورط لوحدى
انتها كلا من فريد وحياة من زياره الحارس الخاص بالفيلا وتفاجئت حياة ان المصاپ ليس الا ذلك الحارس الذى ساعدها فى اول يوم لها بالمنزل لذلك حزنت من اجله كثيراوتمنت له الشفاء العاجل من كل قلبها الامر الذى اسعد الحارس كثيرا
وبعد انتهاء زيارتهم اصطحبها فريد الى احد أفخم مطاعم الاسكندريه والمطل مباشرة على البحر ومنذ وصولهم وأثناء فتره العشاء كان فريد مراعيا إلى اقصى درجه ممكنه حتى يستطيع اذابه ذلك الارتباك الذى تحمله نظراتها طوال الامسيه وبعد انتهاء وجبه العشاء تتهد فريد مستعدا قبل يحدثها بلهجته حازمه لا تحمل مجالا للتراجع 
حياة .. من اول الليله دى هتنامى معايا فى اوضتى .. انا عطيت امر لدادا عفاف تنقل حاجتك كلها معايا ..
استحوذ على انتباهها بالكامل بمجرد نطقه لتلك الكلمات فازدردت لعابها بقوه وقد بهتت ملامحها وظهر التوتر جليا عليها قبل ان تسأله بنبره منخفضة مترقبه 
يعنى ايه !..
اخذ نفسا عميقا ليستطرد قائلا بنبره عمليه جاده 
يعنى انا اوضتى أآمن من اوضتك غير انى مش هطمن بعد كده وانا فى مكان وانتى فى مكان حتى لو كان الفاصل باب .. عشان كده هتنتقلى معايا لحد ما احل المشكله دى ..
ظلت تنظر إليه ولم تعقب ولكن من قال انه يحتاج صوت ليفهمها فقد التقطت عينيه حيرتها بسهوله فأضاف بنفاذ صبر قائلا نبره خاليه 
متبصليش كده انا مش عضك .. ومفيش اى حاجه هتحصل بينا غير بموافقتك .. وبعدين قررى يا انا انام عندك يا العكس ..
لوت فمها بضيق فهى من جهه تعلم ان كلامه منطقى وهى نفسها تخشى الابتعاد عنه خاصه بعد ما حدث اليوم ومن جهه اخرى يراودها احساس قوى ان ذلك القرار لن يصب فى صالحها ابدا اما قلبها فكان له رأيى ثالث لن تجرؤ حتى على الاستماع إليه
اما عن فريد فكان يجلس مترقبا ينتظر قرارها والذى بناءا عليه سيقرر اذا كان سيستمر فيما انتوى فعله معها لبدء حياة طبيعيه بينهم ام انه سينتظر قليلا بعد زفرت بتوتر ثم اجابته مسرعه