اسكريبت بقلم روان سالم محمد

أطلقك يعني إيه أطلقك!
هو إيه يعني إيه يا ليل بقولك طلقني!
يا نور أنت مستوعبة أنت بتقولي إيه إحنا فرحنا الخميس اللي جاي!
أيوا مستوعبة وفي كامل قواي العقلية كمان هستنى ورقة طلاقي توصلي... سلام
سيبته ومشيت قبل ما يكمل كلامه وأنا بحاول معيطش قدامه
أنا وليل بنحب بعض جدا على الرغم من إننا كنا جوازة صالونات أصلا ولكن خلال فترة تعرفنا على بعض اكتشفنا حاجات كتير مشتركة ما بينا وحاجات تانية بنكمل بعض بيها
خطوبتنا مكملتش كتير وكتبنا كتابنا عشان نكون عارفين نتعامل مع بعض بحرية أكتر وكان المفروض خلاص فرحنا يبقى بعد يومين بالظبط
لكن مينفعش..! هو مينفعليش... ولا أي حد غيره ينفعلي!!
وصلت للبيت ودخلت أوضتي قبل ما أمي ما تشوفني وتتكلم معايا
اترميت على السرير وأنا بعيط بكل قوتي وبفتكر كلام الدكتورة اللي روحت ليها من كام يوم 
للأسف يا آنسة نور حضرتك متشخصة بمرض انقطاع الطمث المبكر
يعني إيه... هو إيه المړض ده أصلا
خدت نفسها وهي بتخلع نضارتها وبتحطها على المكتب ونبرة صوتها اتغيرت لنبرة هادية وحزينة  
بصي يا آنسة نور أنا عارف إن اللي هقوله يمكن يكون تقيل وصعب عليك بس لازم تكوني فاهمة كل حاجة التحاليل اللي عملتيها بتقول إن المبايض عندك مبقتش بتشتغل بالشكل الطبيعي يعني مش بتطلع بويضات بانتظام وده اللي بنسميه انقطاع طمث مبكر
يعني... يعني إيه
كل واحدة حالتها بتكون مختلفة يا آنسة نور هو الموضوع ببساطة إن المبايض مش بتفرز هرمونات كفاية وده بيأثر على التبويض فيعني...
سكتت شوية مش عارفة تقول فسألتها أنا بصراحة  
أنا مبخلفش!
مش هقدر أقولك إجابة مؤكدة لأن الموضوع ده بيختلف على حسب كل واحدة زي ما قولتلك بس اللي هقدر أقولهولك إن الحمل هيكون صعب أو أقرب للمستحيل... أنا آسف
أتأسفتلي بعدها بصوت واطي شوية وأنا مردتش عليها وخدت شنطتي ورجعت للبيت أول ما روحت البيت فضلت أعيط في حضڼ أمي وأنا بحكيلها اللي حصل... بحكيلها إني مش هينفع أكون أم.. مش هشيل طفل مني بإيدي وأفضل ألاعبه... مش هيتقالي يا ماما! وحاجات تانية كتير
فضلت بعدها تلات أيام مش بتكلم مع حد بعيط وأنام وأصحى وأرجع لنفس الدايرة من تاني
كنت قايلة لأمي متقولش لليل على حاجة وكنت قافلة موبايلي خلال الفترة دي وأول ما فتحته لقيت ليل بيتصل عليا وهو قلقان 
نور! أنت كويسة كنت قافلة ليه كنت عايز أجيلك البيت وأطمن عليك لكن طنط هالة قالتلي إنك عايزة تفضلي لوحدك شوية ولما تفوقي هتكلميني... في إيه ومالك يا نور
فضل يسألني أسألة كتير وكلها عبارة عن إنه عايز يطمن عليا وأنا كنت ساكتة خالص وهو بيتكلم لغايت ما بدأ يسألني أنا ساكتة ليه..
أنا هلبس