اسكريبت بقلم روان سالم محمد

أوي... أهو كلام وبيتقال يعني
سكت شوية وأنا بصاله مش عارفة أوافق ولا لا أظلمه معايا هو مش مجبر يعيش بقيت حياته من غير أطفال بسببي! 
فضلت دقايق بفكر لغايت ما أمي قطعت اللحظة وهي واقفة عند الباب وساندة عليه 
ما تقولي اه يا أختي الواد ركبته وجعته! بقولك إيه ياض يا ليل إحنا موافقين روح أطبع كروت الفرح وسيبك من بنت الهبلة دي
ماما!
كتك مو يا شيخة! الواد مدلوق وواقع من الدور الخمستاشر ولسا بتفكري
قربت مني شوية وهي بتكمل كلامها بابتسامة هادية  
متنسيش يا نور إني فضلت أنا وأبوك مع حوار الخلفة ده سنين كتير أوي الدكاترة قالوا مفيش سبب طبي يمنع إننا نخلف وبردو جبناك بعد عشر سنين جواز 
ما يمكن يا بنتي يطلع ده يكون خطأ طبي بتحصل! حتى ولو... الدكتور قالك الحالة بتختلف من شخص للتاني يعني موضوع الخلفة دي في إيد ربنا
وبعدين ما الواد قالك عايزك أنت مش العيال هتتلككي ولا إيه
بصيت لليل اللي كان لسا راكع على ركبته قدامي أول ما بصتله قال بابتسامة مليانة حب  
تتجوزيني يا نور
فضلت ثواني بفكر وهو لما شافني سكت شوية قال بنفس الابتسامة  
لو يرضيك أفضل قاعد على ركبتي كدا عادي لأني والله ما هقوم غير لما تردي.. يا توافقي وأقوم نكمل تجهيزات الفرح يا ترفضي وأفضل مكاني وهيكون ذنبي في رقبتك
ضحكت وبعدين بصتله أكتر وهزيت راسي بموافقة فابتسم أكتر وقام وخد بوكيه الورد من على السرير وأهدهوني 
ملقتش حاجة أفضل من الأبيض زي قلبك.. وكمان زي الأيام اللي هنعيشها سوا بإذن الله
المرة دي أنا اللي حضنته وهو مسكني عشان مقعش وفضلت أعيط وأنا بضحك في نفس الوقت وهو كان بيبتسم وساند راسه فوق دماغي مفوقناش غير على صوت أمي 
هو أنا فازة ولا حاجة ده إنتوا حضنتوا بعض ولا كأن في حد واقف
بعدت عن ليل وخبيت وشي في إيدي من الكسوف وليل ضحك بصوت عالي وقرب من أمي وحضنها وهو بيقول 
فازة إيه بس يا حماتي هو في فازة حلوة بالشكل ده
بادلته الحضن وبعدين بعدت عنه وشاورتلي وهي بتقولي  
عشان كدا بحب الواد ده... بيعرف يثبتني حلو!!
بعد سنتين 
أنا وليل اتجوزنا فعلا في نفس الميعاد اللي حددناه الخميس 1192025 
سكنا أنا وليل مع أمي في البيت عشان منسبهاش لوحدها وليل مبعدش عني للحظة كان كل يوم بيثبتلي ويبينلي حبه بكل الطرق
الحمدلله ربنا مكتبش لينا الخلفة الفترة دي وليل سفرني نعمل عمرة وحج كذا مرة أنا وهو وأمي في فترة جوازنا وكنا كلنا لينا دعوة ثابتة اللهم أرزقني الزرية الصالحة
أنا وليل في طريقنا للمستشفى وده لأني عندي دور برد شديد شوية 
مع إني كنت