اسكريبت بقلم روان سالم محمد
المحتويات
ونازلة أقابلك في الكافيه اللي بنقعد عليه... ربع ساعة وهكون هناك
وقفلت معاه قبل ما يبدأ في وصلة الأسئلة من تاني
كنت نازلة عشان أعرفه اللي حصل لكن مقدرتش ومقدرتش أقوله حاجة غير إني أطلب منه إنه يطلقني
فوقت من ذكرياتي على صوت التيلفون بيرن... كان ليل مكنتش عايزة أرد عليه رغم إنه رن عليا فوق العشر مرات
بعدها لقيت الباب بيخبط وأمي دخلت الأوضة كنت لسا نايمة على السرير وبلبس الخروج زي ما أنا
بصتلي شوية وبعدها طلعت تاني وسابت الباب مفتوح قومت عشان أقفل الباب فلقيته... ليل
دخل أوضتي وهو شايل بوكيه ورد كبير أبيض
ل.. ليل أ.. أنت بتعمل ايه هنا
بعدين افتكرت إني كنت عايزة أطلق فكملت كلامي بنبرة أعلى شوية
أنا مش قولتلك طلقني إيه اللي جابك
دخل وحط بوكيه الورد على السرير
أنت مش بتسمع برا يا ليل... أنا مش عيزاك يا أخي... طلقني وكل واحد يروح لحاله
قرب مني وقام حضڼي بسرعة... أول حضڼ
أول حضڼ لينا... أول مرة يقرب مني للدرجة دي
ميل شوية على ودني قال بصوت واطي
أنت فاكرة إني بحبك عشان تخلفيلي أنا بحبك أنت يا نور باللي فيك واللي مش فيك
كنت بحاول أبان قوية قدامه ومنهرش بس مقدرتش... ولأول مرة أعيط قدامه وأنا بكلمه
أنت عرفت منين
كان لازم أعرف يا نور... طنط هالة قالتلي
مينفعش يا ليل... مينفعش.. أنا منفعلكش..!
ومين أنت عشان تقرري أنا أدرى باللي ينفعني واللي مينفعليش... وأنت أكتر حاجة تنفعلي في العالم ده كله يا نور
بس أنت... أنت قولتلي إنك عايز أطفال كتير... أيوا أنت عايز أطفال كتير يا ليل عشان تعوض اللي حسيته وأنت وحيد في الدار! أنت قولتلي كدا صح
صح.. قولتلك كدا بس أنا عايزك أنت الأول العيلة من غيرك ملهاش معنى ولو ربنا كتب يمكن نتكفل طفل... ممكن نروح الدار اللي أنا كنت فيه أو أي دار أنت عيزاه كل يوم لو عايزة ونكون ليهم أم وأب وأهو بدل ما نكون أم وأب لطفل أو تلاتة هنكون أم وأب لمية طفل... ومين عارف يمكن في أمل يمكن تحصل معجزة ونخلف عادي ويا ستي لو محصلتش المعجزة دي مش مهم أنا اخترتك أنت
بعدني عن حضنه شوية وهو بيبتسم في وشي وهو بيكمل كلامه
أنا مش هسيبك يا نور ولو أنت لسا عايزاني فالخميس يبقى فرحنا زي ما هو.. لكن بقى لو مش عيزاني... مش هسيبك بردو وفرحنا يبقى يوم تاني غير الخميس.... الجمعة ممكن!
ضحكت وسط دموعي فابتسم هو أكتر ونزل ركع قدامي
تقبلي تشاركيني رحلتك واللي باقي من عمرنا سوا يا نور تقبلي تتجوزيني!
ضحكت أكتر وأنا بقوله
بس إحنا متجوزين يا ليل!
يا ستي متدوقيش
متابعة القراءة
