حماتي المؤذية ل زهرة الربيع

شاف شنطي وشكلي اللي تعبان، وماما أول ما شافتني جريت عليا في إيه يا بنتي؟ صوتك مقطوع!
دخلت وقعدت على الكنبة واڼفجرت في العياط.. العياط اللي كاتمه جوايا من ساعة ما شفت المنظر. حكيتلهم كل حاجة من أول لقطة لآخر كلمة.
بابا قعد مصډوم وساكت، ودمعة نزلت من عينه وهو بيقول كنت واثق فيه.. قلت راجل محترم..
وماما كانت بتزعق وتقول لا والله هروحلهم واشيل عيونهم! يقتلوا بنتي؟!
لا يا ماما.. مسكت إيدها مش عايزة مشاكل بالطرق دي.. عايزة حقي بالقانون. عايزة الطلاق، وعايزة نفقة، وعايزة أثبت إنهم حاولوا يأذوني.
اخويا الكبير كريم كان مسافر ورجع بالليل، أول ما عرف الخبر جالنا وهو معصب جداً فين الواد ده؟ والست الهانم؟ والله لأوريكم فيهم!
استنى يا كريم.. قلتله الأول نروح دكتور نحلل البودرة دي نشوف إيه هي بالظبط، وبعدين ناخد الإجراءات.
تاني يوم الصبح، رحت لمستشفى خاص وعملت تحليل للعينة اللي معايا. والنتيجة كانت صاډمة أكتر..
مش بس حبوب منع حمل لأ.. دي بودرة عبارة عن خليط من أدوية نفسية ومهدئات وكمية من مواد كيميائية بتسبب ضعف عام في الجسم وتأثير على المبايض، ولو اتاخدت بكميات كبيرة أو فترة طويلة ممكن تسبب عقم أو ټسمم فعلي!
الدكتور بصلي وقال دي مادة خطېرة يا مدام.. الحمد لله إنك ماكلتيش منها، ولو أكلتي كنتي هتحتاجي غسيل معدة ومتابعة.
طلعت التحليل معايا والورقة مكتوب عليها اسم المادة بالانجليزي، وروحت على المحامي بتاع أهلي.
المحامي ضحك وقال للأسف القضية فيها كل الأركان.. محاولة إيذاء، خېانة زوجية، وإثبات سوء خلق. تقدري تاخدي الطلاق الفوري، ونفقة كبيرة، وحضانة كاملة للبنت، ومهر كامل تعويض معنوي.

الفصل السادس المواجهة الأخيرة
بعد أسبوع، كان أول اجتماع في المحكمة. لقيت تامر جاي ومعاه محاميه، وشكله متغير ومش هيبان عليه الوسامة اللي كانت، وشايل هم الدنيا.
حماتي مجتش، قالوا إنها تعبانة ومريضة تمثيلية جديدة عشان ياخدوا الشفقة.
قعدت قصاده، وأنا لابسة أسود وبسيطة، وشكلي ثابت وواثق.
قال المحامي بتاعي كل اللي حصل، وقدم التحليل والصور والفواتير، وحتى رسايل تامر القديمة اللي كانت بتدل على علاقته بالست التانية اللي كنت لقيت نسخة منها واحفظتها.
تامر حاول ينكر، يقول إن البودرة بهارات، وإن العلاقة مجرد كلام، وإنني أبالغ.
لكن لما وقفت اتكلم أنا، قلت كلام بسيط بس كان كفاية يهز القاعة
يا سيادة القاضي.. أنا مش عايزة فلوس.. ولا عايزة حاجة غير إني أطلع من الچحيم ده سليمة. الراجل ده قعد سنتين بيخونني، وأمه كانت بتحاول تسممني عشان تخلصلي. شفت بعينيا إيديها بتترعش وهي بتحط السم في الأكل اللي المفروض ياكلوه ويشبعوا منه.. ولما حطيت الأكل قدامه خاف ياكل.. عارف ليه؟ عشان قلبه أسود وعارف إن فيه سم!
تامر نزل راسه ومش قدرش يرد.
القاضي حكم بالطلاق فوراً لعدم التوافق وسوء المعاملة، وأمر بدفع نفقة شهرية كبيرة للبنت، وتعويض مادي كبير لي، والحضانة كاملة لي مع حق الرؤية المحددة جداً.

الفصل السابع زهرة الربيع بتفتح
عديت سنة كاملة على اللي حصل. سنة مليانة محاكم ومشاوير ۏجع قلب، بس كانت سنة بتعلمت فيها معنى كلمة قوة.
نقلت شقة جديدة في مكان راقي، اشتغلت في شغل خاص بيا، فتحت مشغل صغير لتصميم الأزياء عشان هوايتي، وبنيت حياتي من الصفر تاني.
جنى كبرت وبقت مبسوطة وضاحكة، ومشفتش أبوها غير بالساعات المحددة، وكل مرة بترجع وهي شايلة هم، فبدأت أقلل الرؤية شوية شوية عشان نفسيتها ترتاح.
وفي يوم، وأنا قاعدة في الكافيه بعد ما خلصت شغل، لقيت حد بيقعد قصادي.. كان تامر.
شكله