اسكريبت حواديت مريم وأدهم بقلم مريم وليد محمد

مريم متكبريش الموضوع 
بصتلنا بهدوء وكملت 
هو فيه حوار 
رحمة شاورتلها على أمان فكملت 
يالهوي ألف بركة هي وعبدو سابوا بعض 
معرفش إيه سبب رقعة الزغروطة اللي قررت تزغرطها في نص الشقة وكملت 
ده يا ليلة العيد أنستينا وجددتي الأمل فينا النسل ده مكنش ينفع يكمل 
في الحالات اللي زي دي نحب جدا نمسك ياسمين نعرضها على ثيرابيست علشان تتعالج بدل ما هي بتدي ردود أفعال تموتنا 
جماعة بجد متكبروش الموضوع العيد خلاص قرب وأحنا لسه مخلصناش لبس العيد مجهزناش الماسكات ومعملناش الحاجات اللي بنحبها 
رحمة كملت بسرعة 
يلا ننزل نتسوق 
ياسمين حركت راسها بنفي 
لاا هو أنا لقيت رجلي في وكالة البلح انزلوا انتوا هناملي شوية 
بت يا ياسمين لاتكوني نسيت إنه مش بيتكم! 
كملت بضحك 
انزلوا أنتوا وأنا هقعد شوية أنا وياسمين مش قادرة أنزل 
هتقعدوا فين اصلا 
هيتم الطلوع فوق السطح وعمل اتنين نسكافية للحديث عن مشاكلنا النفسية تحبول تعرفوا خريطة المواضيع كمان 
أمان كملت وهي بتقلع الشبشب ترميه في وش ياسمين 
كلمة كمان يا ياسمين وهديك مية قلم على وشك 
قامت وقفت وهي خارجة من الاوضة علشان تدخل تعمل النسكافية فباست أمان على خدها وكملت 
موني متضايقيش نفسك محدش يستاهل إن أمان البنوتة الجميلة اللي بتحب كل الناس وطيبة معاهم تزعل أو تفكر أو تدي لحد اي وقت متزعليش ماشي 
أمان ابتسمت وحضنتها 
متفقين يا ياسو يلا يا حبايبي لو لحقنا نرجع هنرجع ملحقناش بقى هنروح على بيوتنا إلى اللقاء 
لحظة الخلوة بنفسي بعد كذا نقاش بيعملوا لعقلي ريفرش بحس إني محتاجة أفصل غمضت عيوني دقيقة فلقيته جيه في دماغي فجأة! فتحت عيني بخضة وكملت 
لا بقى ده أنا اټجننت رسمي! أما أروح اشوف ياسمين 
مريم هو أنت أدهم لسه في دماغك 
مكنتش مركزة معاها بس الجملة خضتني كملت وكأني ببعد عن نفسي تهمة 
أدهم أنا! لأ لأ طبعا يا ياسمين أنت عبيطة 
ابتسمت بخبث وهي بترفع النسكافية على بوقها 
بس أنا شايفة عيونك وهي هتطلع على شباكه كأنك مستنياه يتفتح ويخرج منه هو بطلته المعتادة بالنسبالك أوقات بحس كل أسباب رفضك لأنك لسه مستنياه 
بصيت لها بخضة فكملت بهدوء 
أو حد شبهه يا مريم بتدوري على نسخة أدهم راجل وقور وكاريزما قمور وعارف يكون مهتم بنفسه بېخاف عليكي وعلى مشاعرك وبيحترم خطواتك ودماغك وبيحتوي مشاعرك وبيشيل المسؤولية 
همست بهدوء 
اعتقد لو لقيت حد كده برضوا مش هيعجبك أنت عاوزاه هو 
ياسمين هو أنت بتعرفي تسكتي 
يوه هو كل ما اتكلم تسكتوني براحتكم انتوا عاوزين حد يلعب بيكم 
يمكن عندها حق استحي أقول إن ياسمين طول الوقت عندها حق هي آه تحسها عايشة في ماية المخلل بس ياسمين الوحيدة اللي قادرة تواجهنا كلنا بحقيقة مشاعرنا اللي بنهرب بيها يعني لو قعدت مع أمان نص ساعة هتخليها تخرج مشاعرها وټعيط علشان هتدوس على الچرح مش علشان توجعها لأ بس علشان متخليهاش تشيل كل ده جواها 
ياسمين ألحقي 
بصتلي بخضة وكوباية النسكافية بيقع منها 
أقسم بالله لو فار فأنا هجري إنما لو شرطة كبسة بجد حبسة فوالله أنا مسرقتش
السلسلة دي كانت أفكار داخلية ومنفذتهاش أقسم بالله 
بصتلي لقيتني باصة على الشباك فقربت مني 
هو حصل إيه 
النور اتفتح! 
يا شيخة فتح دماغك ودماغي على قعدتي معاك منك لله أنت واللي زيك ھموت من الخۏف 
سكتت دقيقة وبعدين بصتلي وركزت على الشباك فنطقت أنا وهي في نفس الدقيقة 
أدهم! 
عفاريت! 
خبطتها في دراعها وكملت 
ياسمين بجد بطلي عفاريت إيه
أحنا في