اسكريبت حواديت مريم وأدهم بقلم مريم وليد محمد

أول ما شافني فضل دقيقة مركز وبعدين ابتسم لماما 
خالتو فريدة صح 
ابتسمت وهي بتمدله الحلويات 
الله أكبر عليك يا حبيبي ايه الحلاوة دي كبرت واحلويت الله أكبر 
شاورلها وكمل 
أتفضلي طيب خدي نفسك ومتقلقيش دنيا جوا مش لوحدي 
بص ناحيتي وكمل وهو بينقل نظره لماما 
دنيا أختي اللي كانت مسافرة مع بابا 
اخدت نفس أتمنى من قلبي ميكنش أخد باله منه فكملت ماما 
لا يا حبيبي والله أنا كنت جاية اتطمن انه أنت وأختك وادوقك حلويات من ايدي مرة تانية إن شاءلله 
كمل بنفي 
والله ما هيصح حضرتك هتدخلي تريحي من السلم على الأقل وبعدين يعني اشربي حتى شوية ماية 
وبعد مشدات بينه وبينها ربنا يحفظه ويبارك له في طوله وعمره وعرضه أمي معرفتش تمشي كلامها عليه وبجد يخربيو طولة البال ده كان زمانها اتغدت معاهم 
مريم تشربي حاجة! 
بصيت له بخضة لما نطق اسمي كنت حاسة إني مغيبة فكملت 
ها إيه! 
ضحك بهدوء وكمل 
اجيبلك حاجة تشربيها 
حركت راسي بنفي وكملت 
لا ربنا يخليك لسه فطرانين وشاربين 
ابتسم وقعد مع ماما قعد يتكلم معاها شوية وجاب أخته العسل عرفنا عليها وقعد يهزر ويضحك ويحكيلها كل اللي حصل والله العظيم الله أكبر عليه كل الكلام عدا عادي بس جملة واحدة خضتني 
هندسة والله يعني رغبة أمي في الآخر كسبت 
بصيت له بخضة ففهم البصة وكمل وهو بيبصلي 
بس لسه بحب أعمل ڤيديوهات كأني مذيع ومحدش بيشوفها غيري 
عاوزة أشوف 
بحس إني كنت محتاجة وأنا صغيرة متسحبش من لساني آه أصل ده مش وضع بصراحة دي قلة حيا بس اقسم بالله بتبقى ردود أفعال تلقائية غير مقصودة 
دنيا كملت بضحك 
مستحيل ده حاططها في فولدر لوحدها بېخاف أنا حتى اشوفها 
كان ماسك التليفون وهيفتحه لما قالت كده سابه وحطه جنبه وابتسم بحرج معرفش أمتى الساعة بقت 11 أعتقد وهو مش حالل ماما علشان يحكي كل اللي حصل كأنه كان متغرب وعطشان ورجع لبيته 
الحمدلله بعد ما فلتنا منه بأعجوبة ورجعنا بيتنا رجعنا لقينا أمان في الاوضة وملك بتتفرج على لام شمسية وهتقوم تكسر التليفزيون فوق دماغي 
أمان نامت 
باين خلصت شعري وقالتلي هتريح 
دخلت أوضتي بهدوء علشان مصحيهاش بس وأنا على الباب سمعت أصوات شهقات عياطها كانت بټعيط وواضح قربت بالراحة وحطيت إيدي على راسها فكملت 
هو ليه عمل كده يا مريم كل حاجة كانت حلوة وعدني إنه مش هيسيبني وعدني كتير أوي طول الوقت بخاف أقول حتى إني زعلانة ومتضايقة إني نفسي علاقتنا ترجع بس في النور واحنا مخطوبين عارفة! هو حتى مقاليش هحاول
مطمنيش كل كلامه ووعوده كانوا كدابين طب وعيونه يا مريم من أمتى العيون بتكدب 
لفت حضنتني وفضلت ټعيط حبيت أسكت واسيبها تتكلم فكملت 
عارفة بخاف أقول إنه وحشني بخاف أوجدله مبررات بخاف عقلي يحس بغيابه وروحي توحشها وجوده 
وازاي عليك قلبي يهون! ازاي تضيعنا الظنون! 
كنت بحاول أهون عليها بس جوايا كنت عارفة إن العلاقة هتخلص حتى لو كانت جميلة وفيها ذكريات أمان مبتعرفش تكمل في الحړام وكانت عاوزة العلاقة حلال والحلال اوقات بيكون صعب فالحل مش إننا نلجئ للحرام! الحل إننا نستنى الحلال حضنتها وبدأت اطبطب عليها بهدوء وفجأة لقيت نوتفيكشن على الانستجرام حد باعت مسچ فتحت لقيتها من أدهم الساجي 
دي ڤيديوهاته وهو بيعمل مذيع! 
رفعت عينها وكملت بإستغراب 
إيه! 
حركت راسي وكملت 
مش دلوقتي بقى هحكيلك بعدين 
مسحت دموعها وكملت 
يعني ايه بعدين احكيلي 
يا حبيبتي
بقولك بعدين بعدين 
كملت