اسكريبت حواديت مريم وأدهم بقلم مريم وليد محمد

بأستنكار وقفلت الباب وجريت على شقتنا 
بحب أجواء العيد في البيوت اللي فيها بنات كتير أنت وأختك وأصحابك وجيرانك عموما بعتبر الوقفة هي المادة الخام لتجميعة العيد نعمل شعر بعض نعمل ماسكات سوا نعمل لفة قهوة لينا كلنا نجيب مقرمشات ولب وسوداني وترمس ونجمع عباياتنا ونلبس بيچاماتنا بحب البنات ألطف الكائنات وبحب العيد وأجواء العيد 
أصلا معرفش أدهم عبيط ولا إيه كان بيفتح الباب عادي ولما لقاه اتفتح قفله تاني وقالي استني بس يا دنيا 
بصيت ورايا وكملت وأنا بقعد قدامها 
والله يعني نزلني على الفاضي هو أي مرازية! 
أمان وياسمين خبطوني فبصيت لهم بإنتباه 
هو أنا عملت إيه! 
رحمة كملت 
أنا شايفة إنكم تعملوا ماسك الكركدية بس تسكتوا 
مكنتش فاهمة مالهم اتجننوا ليه والله بس واضح إنهم عاوزين يقولوا حاجة ومش نافع 
أنتوا عارفين يا عيال الواد اسلام أخويا بيدور على عروسة حد فيكم عاوز 
بصيت لها بقرف 
اسلام يع 
حدفتني بالشبشب وكملت 
مالك يا بني آدمة براس حيوانة أنت هو أنت تطولي يا بت يا مريم روحي استحمي بقى متاكليش دماغنا 
أمان ضحكت فقمت رافعة حاجبي 
والله! طب أصلا بقى الواد عينه من البت أمان 
ياسمين خبطتني في ايدي فأمان كملت وهي بتقف وبتخبط كف على كف 
أمان خلاص مبقتش عندها أمان في اي انسان سيبوا أمان في حالها أمان مش طيقاكم الماسك بهدل وشي بهدل وشيي 
البنت ربنا يحفظنا شكلها أتجننت ورحمة كانت قاعدة في جنب لوحدها كده استشفيت من قعدتها إنها بتتخانق خناقة العيد كملت بهدوء 
دي بتبقى دلوقتي ولا بعد الصلاة 
هيحصل إيه لو نفذت اللي نفسي أعمله 
بصيت لها بأستغراب وكملت 
تسيبيه 
كملت كأنها اتحولت 
لا بعد الشړ مقدرش عاوزة افتح بطنه بس والله 
ضحكت وكملت 
أدهم قال حاجة غريبة 
التلاتة ركزوا معايا والحمدلله دنيا وملك كانوا برا فكملت وحكيتلهم اللي حصل فياسمين كملت 
هيتقدملك ولا إيه 
لا لا متكبريش الموضوع لا 
أمان ضيقت عينها وكملت 
حبيبتي موضوع ايه اللي تكبره ما هو ده قصده 
طيب وافرضوا كان عنده قصة حب فاشلة! 
رحمة كملت بعصبية 
يا حبيبتي أنت قصة الحب الفاشلة 
منكرش إن كان صعب عليا التقبل مش علشان استيعابي بطيء لاقدر الله بس أوقات بنرفض نصدق الحاجة اللي مسمعنهاش بوداننا علشان مش مستاهلة أوهام 
اهلا اهلا بالعيد مرحب مرحب بالعيد
العيد فرحة ياسلام
واجمل فرحة يا سلام
العيد فرحة واجمل فرحة تجمع شمل قريب وبعيد
سعدنا بيها بيخليها 
سعدنا بيها بيخليها ذكرى جميلة لبعد العيد!
يا بنتي أنجزي واتوضي علشان ننزل نصلي! 
يا حبيبتي بقولك مش لاقية طرحة سودا
يا ياسمين الكافية هتليق عادي
ياستي أقسم بالله لا مش هلبس غير سودا اقلعي اللي لبساها 
دنيا كانت طلعت تجهز نفسها وملك نزلت معاها علشان بتكون لوحدها لبسنا كلنا واتقابلنا قدام العمارة وماشاء الله كلهم لابسين جلبيات بيضة بس مفيش جلبية بيضة حلوة زي الجلبية اللي واقفة في وشي دي 
ايه يا دنيا الحلاوة دي! وإيه العباية الواو دي! 
كان صوته فجأة من جنبنا كملت بهدوء 
بس ده كاردي يا أدهم! 
كردي مين يا بت! وبعدين ده ملفتش انتباهك لحاجة يا دودو 
رفعت حاجبها وكملت 
ايه يا قلبي ده هو أنا هفضل كوبري كده لأمتى
كملت وأنا بمسك المصلية حلو وبشدهم 
يا جماعة استقيموا واستووا الله أكبر الله أكبر لا إله إلا الله الله اكبر كبيرا والحمدلله كثيرا 
وطبعا لم تنتهي السخرية لحد ما وصلنا المسجد نصلي وطبعا تم الوصول للقطة العيدية وصلت البيت ولقيت لقيت بابا! بابا حبيبي
رجع من السفر! اول ما شفته
جريت في الشارع علشان احضنه قد إيه الأعياد جميلة خصوصا لما بترجعلنا حد كان في غربة!
وحشتيني يا حبيبة بابا وحشتيني 
يا خبر ده كل حاجة كانت ناقصها وجودك يا حبيبي 
ملك حضنته وبدأ طبعا الفقرة المفضلة العيدية طبعا كان أهلي وأعمامي ومعرفش البني آدم أبو جلابية حلوة دي ايه مقعده معاهم وصلت عنده وكنت هلف طبعا فكمل 
وبمناسبة العيد والعيدية ورجوع عمه بالسلامة فكنت حابب أخلي العيد عيدين أنا عاوز أتجوز مريم يا عمو 
والله الراجل غرضه شريف بس معرفش أبويا ليه بيضربه بالعصاية أقسم بالله 
أنت أتجننت يا واد عاوز تاخد بنتي هي سايبة ولا ايه اسيب بنتي لأي راجل كده 
اخدت وضعية الاستيكر المقموص ما ادري ليش ووقفت ورا بابا فكمل تاني وهو بيقرب منه 
طب وأنا أي راجل يا عمنا ده أنا ابنك وتربية ايدك 
بابا بصلي بطرف عينه وكمل 
موافقة على الواد ده 
حركت كتفي فكمل 
يا بنتي الله يهديكي أنا مش شايف اتكلمي 
يا عمو السكوت علامة الرضا هي موافقة 
ابتسم وكمل وهو بيمسكني من ايدي وبيوقفنا قدام بعض 
يبقى ألف مبروك الجمعة الجاية خطوبة مريم وأدهم 
والله ما أعرف ايه كل الزغاريط دي بس دلوقتي فهمت جملة كتر يارب في أفراحنا وأطرح فيها البركة وزيد علشان العيد بقى تلات أعياد العيد استجابة دعواتي خطوبتي 
انفخوا البلالين دي علشان العيال تفرح 
يا بنتي يلا علشان البت رايحة تخلص علشان خطوبتها اللي تاني يوم العيد دي 
كملت وأنا بزعق فيهم 
يا بنتي بس بقى أنت وهي بهدلتو الشقة الواد هيطلع يلبس علشان ينزل يصلي ولسه مكوتش الجلابية 
أحنا رايحين عند رحمة هناخدها ونطلع على البت أمان يلا إلى اللقاء 
ماشاء الله الانسان بېلمس احلامه بين ايديه! 
ابتسمت ولفيتله 
بمناسبة إننا بنحب العيد يبقى عيدين عاوزة
اقولك حاجة 
قوليلي حاجات يا حبيبة قلبي 
أنا حامل 
بصلي پصدمة لثواني وبعدين أخدني في حضنه 
يا خبر يا مريم! بحبك بحبك أوي يا أحلى حاجة في حياتي 
كتر يارب في أفراحنا وأطرح فيها البركة وزيد جانا العيد أهو جانا العيد جانا العيد اهو جانا العيد 
كل الطرق للهرب منك تؤدي إليك ف لأين سأهرب! 
مريم وليد محمد 
حواديت مريم وأدهم