اسكريبت حواديت مريم وأدهم بقلم مريم وليد محمد

بعصبية 
يا مريم أحكيلي بقى ايه الغلاسة دي!
وبعد نقاشات عدة تم الرن ڤيديو كول على ياسمين ورحمة وتجميعهم لإقصص عليهم اللي حصل 
بقولك إيه مترديش عليه وتفتحي باب للحرام يا بت يا مريم 
أمان كملت وهي بتدعم كلام رحمة 
هو لو حاسس إن لسه فيه مشاعر ناحيتك هيجي يتقدملك عنده شقة مهندس وتحسيهم مرتاحين فلو عاوز يجي يتقدملك 
ياسمين كملت بهدوء 
ياخواتي الأهم من كل ده هل هو متحمس للبنت اللي كانت بتلعب معاه وهم صغيرين واللي كانوا سوا على طول فبيشاركها حاجات واحلام رسموها سوا ولا هو دلوقتي بيحبها حب ناضج مش مجرد مشاعر هامشية مريم شخصيا إيه مشاعرها! 
اتنهدت بهدوء وكملت 
بصوا يا جدعان احتراما لإننا مش صغيرين علشان ناخد بالنظرات والعبط ده فأنا وأدهم جيران ووجب بيننا الاحترام غير كده مليش فيه بقى 
أمان ابتسمت وطبطبت على كتفي 
شطورة يا مريومي 
طب ها نتجمع عند مريومة الوقفة! 
صحيح هي السبت ولا الحد 
أمان ردت 
يا جدعان اكيد الحد طبعا 
يا بنتي حد ايه المرصد قال السبت 
ياسمين قاطعتهم وكملت 
شش مش عاوزة صداع نستنى السبت قبل العشا ونشوف 
أوقات بحس الدنيا صعبة صعبة جدا بيهونها إننا ماسكين في بعض وجنب بعض بيهونها إن لما واحدة تميل بتلاقي كتف يشيل وإن لو واحدة غلطت بتلاقي التانية بتقومها بالنسبالي العلاقة الأفضل والأهم على الإطلاق واللي بتساوي علاقتي بأهلي فهي علاقتي بأصحابي خصوصا لو قدرت اختار اصحاب أسوياء 
يا ليلة العيد أنستينا
وجددت الأمل فينا يا ليلة العيد!
يتم الآن وضع ماسك الفحم 
يا بنتي متحطيش چيلاتين على وشك متجننيش غلط هيبهدل حاجز البشرة! 
كملت بهدوء وأنا باخد من ماسك الچيلاتين اللي ياسمين عملاه 
حطوه على ايديكم يا عيال تحفة بس لأ بلاش وشكم غلط على رأي رحمة 
أمان كملت وهي بترفع ماسك الفحم 
قلتلكم حطوا من ماسك الفحم محدش سامع كلامي 
جالها نوتفيكشن فأتنهدت بزهق 
هو عاوز مني إيه فكره هيعكنن عليا يعني يوم الوقفة! 
رمت التليفون على السرير بعد ما عملته سايلنت وكملت وهي بتفرد الماسك 
طظ فيه مش عاوزة اسمع صوته موضوع وخلص 
محدش كلمها والله هي كده لوحدها كملت بضحك 
ده عيل نكدي يا بت فكك منه 
سمعت حد بينادي فروحت اشوف مين لقيته أدهم 
فيه إيه! 
دنيا طالعالكم احدفي المفتاح 
أستنى كده
روحت جبت المفتاح وحدفتهوله
دقيقتين ونادى تاني 
مبيفتحش يا أنسة خلصينا رايح اجيب جلبية معنديش حاجة اصلي بيها العيد 
هو أنت هتعيطلي وأنا مالي استني يا بنتي هنزل أفتحلك 
نزلت افتحلها الباب فكان المفتاح في ايده مديت إيدي فابتسم وكمل 
عامله فيها عاملة فيها فعلا قال يعني هركليز 
ابتسمت بغلاسة 
طب ما تسيبني أجرب يا عم علاء الدين 
دنيا كملت بعصبية 
حد فيكم هيحاول ولا ينزلولي السبت انط فيه 
مديت له إيدي من الحديد بتاع الباب فراح اداني المفتاح وطبعا فتحته في ثانية علشان هو عبيط 
ابتسمت بانتصار وأنا بفتح الباب وكملت 
طب ها يا علاء الدين! 
ضحك بهدوء وكمل 
ماشي يا ستي يلا اطلعي يا دنيا 
شاورت لدنيا تدخل علشان أقفل الباب فشاورلي استنى طلعت فكمل وهو باصصلي 
فاكرة زمان كنا بنروح نصلي سوا وبنكون مجهزين عبايتك وجلبيتي جنب بعض وبتاع 
كملت وأنا بربع ايدي وبرفع حاجبي 
يعني 
حمحم وكمل وهو بيقف عدل 
يعني أطلعي بيتكم مستنية إيه 
اتنفست بزهق وأنا بقفل الباب فكمل بصوت واطي 
إن شاء الله السنة الجاية هتكوني بتكويلي الجلابية واحرقيها براحتك بقى كده
كده عندنا كام مريومة 
ضيقت حاجبي