اسكريبت حواديت مريم وأدهم بقلم مريم وليد محمد

رمضان!
هو فيه إيه ياخواتي بتعملوا ايه كده 
ياسمين كملت وهي بتقعد على الأرض 
مريم خلت شعري أبيض علشان شباك النانوس نوره اتفتح 
أمان ورحمة قربوا وقفوا حواليا 
اقسم بالله هو ولا مش هو 
اثناء بصتنا لقينا الشباك اتفتح فجأة وخرجت منه بنوتة فشدوني ناحيتهم كأنهم بيتكلموا معايا وطبعا أنا مازلت مصډومة فأمان كملت 
تلاقيه حد مأجره منهم ولا حاجة متركزيش 
فكملت البنت بصوت مسموع وهي بتنادي 
أدهم 
كملت رحمة وهي بتخبط بأيدها على راسها 
هي ليلة باينة من أولها 
يا ولاد متكبروش المواضيع البت هتطلع يأما اخته يأما بنت عمه بس بتعيشوا الصاسبينس مش أكتر ولو مراته يعني هنعيط عليه ولا ايه ما ألف مبروك واموه واموه وعقبالنا يعني 
أمان كملت وهي بتبصلنا 
بصوا هي ياسمين لسانها متبري منها بس يا جدعان عندها حق هتعيطي على مين يعني! 
بصيت لهم ورفعت حاجبي 
هو أنتوا جايين بيتي تخرسوني أنا مفتكرش اتكلمت من ساعة ما جيتوا يوه! لا كنت هعيط ولا هصوت ولا هدبدب على الأرض يوم ما أعيط هعيط على راجل ابسلوتلي نو 
صوت رنة موبايل رحمة جيه فكملت 
مضطرة اروح بيتي ياخواتي بيتم انتظاري تحت بواسطة خطيبي إلى اللقاء يا حبايبي 
طمنينا لما توصلي يا رحوم 
شاورت بماشي ونزلت فياسمين كملت 
الواد بتاعها معاها متقلقوش روحوا شوفولكم واد 
أمان ضحكت وكملت 
مريومة ماما مسافرة اسبوعين كده لحد العيد ممكن ابات معاكي 
ضحكت بفرحة 
الأحلى من كلمة بحبك بجد 
مضطرة اروح بيتنا علشان الوقت اتأخر ليكم عندي يوم نبات سوا كلنا 
سلمنا على ياسمين نزلت ونزلت أنا وأمان اوضتي كنا هاديين بنهزر وبنضحك غريبة المشاعر دي يا أخي يبقى الإنسان قايمة جوا دماغه حرب ومن برا بېموت من الضحك متعرفش بيتعالج نفسيا ولا دي كوميديا سوداء 
مرسال ورا مرسال 
وصعب الحال لو تدرى 
يا بنات أصحوا صلوا الضهر بسرعة قبل ما العصر يأذن ويلا قوموا حضروا أنتوا الفطار 
ماما فتحت الشباك فحطيت المخدة على راسي بزهق 
أنا تعبت ارجوكم خلوني أنام خمس أيام 
حاضر يا قلبي أصحي بقى دلوقتي بدل ما أكهربك يلا يا أمان أنت كمان هتعمليلنا ضيفة 
يارب ماما ترجع من السفر بقى أنا زهقت منكم 
ماما خرجت وسابتنا نفوق وطبعا مكنتش هفوق غير لما استوعبت إنها فتحت الشباك والشباك اللي فوق مفتوح وبيكون كاشفنا فنطيت بسرعة وأنا بقفله 
صحيح يا جدعان فيه بنت زي العسل ساكنة في العمارة اللي في وشنا قابلتها في السوق كانت محتاسة 
أنا وأمان بصينا لبعض فماما كملت 
عمارة مين عمارة الساجي هو يا بنتي باقي غير ابنه وبنته كانت مسافرة باين 
يا ماما ما يمكن رجعوا 
حركت راسها وكملت 
طب حلو أنا هعمل كنافة وأروح اشوفهم لو كده دي كانت مامتهم صحبتي اوي ربنا يرحمها يارب 
معرفش أمتى هربت مني الابتسامة
دي وليه وماما وأمان بيبصولي ليه وملك عبيطة ومتعرفش حاجة كده ليه!
أنا مكسوفة أطلع لوحدي يا ولاد حد يجي معايا 
ملك كملت 
أجي معاك أنا 
أمان كملت بسرعة 
لأ ده أنا عاوزاكي علشان اظبطلك شعرك يا بنتي روحي بقى يا مريم أنا عارفة ملكيش في التدبيس بس علشان متسيبيش أمك لوحدها 
نغزت أمان في ايديها وكملت 
روحي أنت عادي لما تيجي تعملك شعرك 
ملك وقفت وبعدين بصتلي 
لا بصراحة عاوزة اظبط شعري الأول ومش قادرة وبعدين أكيد عارفين ماما 
ماما شاورتلي فقمت لبست العباية وطلعنا خبطت على الباب فاللي فتح اللي فتح كان هو مش أخته!
ليه الصدمة بس