اسكريبت بقلم سوار 1

أنت اټجننت يا مالك اتقدمت لزينب بنت الشيخ عمار .
دي كانت جملة خالد صاحبي ليا وهو بيقعد قدامي على القهوة بعد ما اتصلت بيه وقولتله إني اتقدمت لزينب .
وطي صوتك أنا يدوبك كلمت الشيخ....ولسه هروح .
وأنت رايح تهين نفسك يعني...
ما هي أكيد هترفضك .
يا أخي أبو نبرك ...فيه ايه مش كدا وبعدين ترفضني ليه هو أنا بمشي على الحيطة .
وحقيقي لولا أننا قدام الناس... كنت قومت قليت منه .
ياض مش قصدي دا أنت ألف واحدة تتمناك ....إلا بنت الشيخ عمار .
قال آخر جملة بهمس بس سمعته .
سمعتك يا اخويا متحاولش... وبعدين أنا هروح وأشوف مش يمكن ترضى .
يا بني خلينا نبقى واقعيين علشان مترجعش تزعل في الأخر هي أكيد هتبقى عايزة واحد ملتزم زيها أو أعلى منها ...
وأنت يا صاحبي لسه على قدك كمان باسم الله ما شاء هي دكتورة وأنت عارف الناس وكلامهم خصوصا إنك معهد .
بصيت ليه وأنا بفكر في كلامه معاه حق هي بنت الشيخ عمار....من أحسن الناس في المنطقة نفس أخلاق وتعاملات الشيخ عمار بس على بناتي 
وكمان دكتورة الحتة ...لسه فاكر يوم نجاحها وهي واقفة مع أبوها توزع على الناس في الحتة حلويات .
والله ما كان في حلويات غيرها .....استغفر الله العظيم يا رب ايه اللي بفكر فيه ده .
خدت نفس وأنا ببص لكوباية الشاي قدامي .
عارف كل ده وطبعا من حقها ترفض ...بس أنا مش شايف إن دي عوائق تمنعني بالنسبة أنها عايزة حد ملتزم فأنا بحاول أصلح من نفسي ودا مش علشانها لأ علشاني ...لاني فهمت أنا هنا ليه ومعنديش مشكلة أنها تكون أعلى مني في الالتزام زي ما بيقولوا بالعكس أنا مبسوط علشانها وبتمنى أنها تفضل تقرب من ربنا علطول .
ابتسمت له وأنا بكمل 
وأما فكرة اني واخد معهد فدا ميعيبنيش خالص ... أنا سعيت ودرست واجتهدت والحمد لله نجحت فيه وبتقدير كمان ودلوقتي بشتغل والحمد لله مستور وقادر افتح بيت .
طيب ومش خاېف أنها تعايرك أو إنك متكونش مالي عينها ... أنا مقصدش ازعلك والله بس خاېف على قلبك لينجرح يا صاحبي و واضح إنك ميال ليها .
عارف ومتأكد أنه خاېف عليا خالد هو اخويا اللي مجابتهوش أمي مع بعض من الابتدائيه...حتى لما اتفرقنا بعد الثانوية كنا علطول سوا .
دي حقيقة فعلا يا خالد أنا ميال ليها مش هكدب ...بس أكيد مش هفرض نفسي على حد شايفني قليل ادعيلي ربنا يريح قلبي .
بدعيلك دايما يا صاحبي....روح يا شيخ ربنا يجعلها من نصيبك وتسموا ابنكم خالد .
بعينك ...أصل أنا خلصان من الكبير لما اجيب صغير كمان 
يا عم اجري .
بصلي بقرف وهو بيشرب الشاي ضحكت على ردة فعله ... وأنا بفكر ايه اللي هيحصل وبدعي ربنا يريح قلبي .
جه يوم الرؤية كنت متوتر من بداية اليوم ...وحاجة كدا شبه أيام الامتحانات والله .
أمي كل شوية تدخل تبصلي وټعيط والله ياما أنا ولد عادي...مش بنت هسيبك وامشي .
ها يا خالد أنهي واحد أحلى .
أنا عايز ضړب المقشة اللي في ايد أمي دي علشان باخد رأيه في حاجة .
بص الأسود حلو وبيخليك كريزما .
كنت لسه هرد واقوله إني خلاص هعتمده بس جاني بقية كلامه اللي خلاني عايز أبلكه .
ولا أقولك ألبس الأبيض بحسك مؤدب وأنت لابسه ...يمكن تفكرك هادي