اسكريبت بقلم سوار 1

نفسه وفاهم الموضوع صح ...من الأخر مش مستقل بنفسه ولا شايفني كتير عليه .
ودا أكتر شئ انتبهت ليه ويمكن دا أهم سبب خلاني أوافق بعد الاستخارة ....هدوءه ورزانته وصراحته بالأدب وبساطته كلها تدل على شخصية واعية ...ودا اللي عايزاه .
فوقت من شرودي على صوت صفية المستغرب
هو أنت لاحظتي الحاجات دي في الرؤية دا أنا يوم الرؤية بتاعتي أنا واخوكي من التوتر مفتكرتش بعدها غير لون الشراب .
ضحكت وأنا بفتكر أنهم وقتها عملوا رؤية تانية علشان الهانم مكانتش مجمعة في الأولانية.
طبعا كنت متوترة بس دا جواز ....لازم اكون مركزة في كل حاجة علشاني وعلشان أولادي في المستقبل مينفعش اختار أي حد وفي الأول وفي الأخر إحنا بناخد بالأسباب وربنا يجعله الصالح لينا .
يا رب يا حبيبتي 
المهم جهزي نفسك ... إن شاء الله هيجي هو وأهله يوم الجمعة .
اتوترت بمجرد أني سمعت كلامها ... يعني أنا هتخطب يا ربي.
خير .. خير .
همست بيها وأنا بهدي نفسي.
عدت الأيام وجه يوم الجمعة من بداية اليوم ترويق وطبيخ وحاجة عنب والله .... خلصت مع ماما لأن صفية مش هينفع خالص تعمل حاجة
. لأحسن تولد مننا خصوصا أنها في السابع .
وبعدين عملت شوية ماسكات وترطيبات لبشرتي جهزت فستاني و الخمار وأهم حاجة الشراب .
فستان هادي لونه أخضر ملكي مع خمار بيج عسول وشراب بيج لزوم التنسيق .
جم وبابا فتح هو وأنس وعمو أويس كنت واقفة ورا الستارة أنا وصفية بنشوفهم وهما داخلين ....كان جاي هو ومامته و صاحبه خالد اللي بيمشي معاه علطول .
كان لابس قميص أسود وبنطلون أسود ...وفيه ايه يا أخ مسودها كدا ليه بس تحسه كريزما .
وايه اللي بقوله ده .
ماما دخلت عندنا هي و والدته وسلمت عليا وكانت لطيفة خالص ...وفضل الرجالة برا بيتفقوا .
كنت قاعدة متوترة ببتسم للموجودين بهدوء وماما وصفية ومرات عمي حواليا ...لحد ما سمعت صوت أنس بينادي وبيقول أنهم اتفقوا الحمد لله.
باركولي وهما بيزغرطوا وبعدين ناديت أنس أسأله اتفقوا على ايه 
يعني اتفقتوا على ايه يا أنس اديني تفاصيل .
مسح على رأسي بالراحة وهو بيقول 
اتفقنا يا ستي أننا هنمشي زي الشرع ما بيقول مالك هيجهز بيته بالمعقول وعلى حسب مقدرته وإن شاء الله الخطوبة هتكون كمان أسبوعين...يكون مالك ظبط ظروف شغله .
قطع كلامه في النص وهو بيشاور لصفية ...يا بني مش وقت محڼ .
شديته من ايده علشان ينتبه 
ركز معايا أنا يا بني وبعدين أبقى حب فيها براحتك .
إنسانة فصيلة بطمن عليها وعلى بنتي فيه ايه ... .
نجز يا بني اتفقتوا على ايه تاني .
هننزل إن شاء الله النهاردة نجيب الدهب و الخطوبة هتبقى أقل حاجة ست شهور ...
وممكن تزيد لو احتاجنا وقت .
زقيته بالراحة وأنا بقول 
طيب يلا يا بابا علشان أناولك الأكل تطلعه .
طب استني بس هقول لصفية كلمة .
مستنتوش يشاور لها حتى وسحبته في ايدي
يلا يا غالي ولما نبقى نخلص ابقى خدها وأخرجوا .
فكرة بردو ..بقالنا مدة فعلا مخرجناش .
هزيت رأسي وناولته الأكل ودخلت أنا وماما الأكل عندنا جوا ...اتغدينا سوا وماما وخالتي سمية والدة مالك قعدوا يتكلموا سوا .
وأنا وصفية بنتصور .
بعد شوية كنا جهزنا وفي طريقنا علشان نشتري الدهب كنت متوترة و مكسوفة ومبسوطة ...وليلة بيضا حرفيا .
اختاري اللي يعجبك ومتشغليش بالك بحاجة ...معايا يكفي على