اسكريبت بقلم سوار 1

ومتربي وترضى بيك .
تصدق أنا فعلا مش متربي اني بكلمك .
ماخدتش بالي أن صوتي كان عالي إلا لما سمعت كلام ماما 
وايه كمان يا بن بطني...وايه كمان .
يا ماما مش قصدي والله .
سابتني ومشيت وهي بتتكلم ورافعة رأسها ناحية السقف غالبا بتدعي عليا حسبي الله فيك يا خالد .
وطبعا أنا ماخدتش بكلامه ...بهزر أنا لبست الأبيض فعلا علشان أبان هادي وحطيت برفان و الكوتش القمر .. أنا أصلا بحب اهتم بشكلي خصوصا شعري .
بس المرادي كان اهتمام كبير.... علشانها بصراحة يعني.
خرجت من البيت بعد ما ودعت أمي و وصيتها تدعيلي طبعا.... رحت لمحل الحلويات وجبت علبة جاتوه كنت بختار أغلى حاجة وأحلى حاجة ...ما هو الغالي للغالي بردو .
وصلت بيتهم وخبطت على الباب تحس الخبط مسمع في قلبي كدا .
السلام عليكم ورحمه الله وبركاته .
قولتها بهدوء واقعين اه ...بس أهم حاجة الهيبة بردو .
وعليكم السلام ورحمة الله وبركاته....اتفضل يا مالك يا بني .
دي كانت جملة الشيخ عمار وهو بيسلم عليا .
قرب علينا أنس وسلم عليا 
أخبارك يا غالي بقالي كتير مش بشوفك .
موجود والله بس كان فيه ضغط في الشغل الفترة اللي فاتت ...ألا صحيح مبارك عرفت إنك قريب هتبقى أب إن شاء الله .
قولتها وأنا بقعد جنب أنس في أوضة الضيوف .
الله يبارك فيك يا حبيب .
فضلنا نتكلم في شوية مواضيع وبعدين بدأت أتكلم 
طبعا حضرتك يا شيخ عارف أنا جيت ليه ... وأنا بكرر طلبي وبطلب ايد زينب بنت حضرتك للجواز وأنا متأكد إني مش هلاقي زيها .
وأنت مفيش زيك والله يا مالك وأخلاقك وتربيتك متخفاش علينا ...بس الرأي رأيها في النهاية .
شاور لأنس برأسه وهو بيكمل 
قوم يا أنس نادي زينب من جوا .
دقايق مروا كنت بتكلم فيها مع الشيخ وأنا بحاول انتبه ...مش مصدق إني هكلمها و ترد عليا .
طيب نثبت بقى علشان شكلنا ميبوظش .
دخلت بهدوء مع أنس كانت هادية....سواء في مشيتها أو سلامها أو حتى نظرات عيونها .
قعدت على كرسي قصادي وقتها اتكلم الشيخ عمار 
مالك يا زينب طلب ايدك مني ...هتقعدوا دلوقتي رؤية وأنا وأنس قصادكم هنا .
خرجوا وسابونا كنت براقبها وهي بتفرك في ايديها من التوتر ...وكل شوية تحاول ترفع رأسها فتلاقيني باصص لها فتنزلها تاني.
حمحمت وأنا ببدأ كلامي بهدوء 
أخبارك ايه يا دكتورة .
الحمد لله حضرتك عامل ايه .
يا رب دايما... أنا الحمد لله بخير .
خدت نفس وبدأت أعرفها بنفسي 
طبعا أنت عارفة اسمي ... أنا عندي ٢٧ سنة ودرست في معهد تمريض والحمد لله متخرج بقالي كام سنة وبشتغل في المستشفى المركزي اللي في البلد .
بصيت لها علشان تتكلم عن نفسها.
أنا زينب زي ما حضرتك عارف عندي ٢٤ سنة ..في سنة الامتياز بتاعتي .
حابة تسأليني عن ايه .
عارفة أن أكيد حضرتك بتصلي لو كنت غير كدا كان أبي رفض أننا نقعد القعدة دي بس سؤالي هل حضرتك پتدخن .
لأ الحمد لله مبدخنش طيب وأنت بتصلي .
كنت بسأل بجدية أنا كمان من حقي اتطمن أنها هتكون أمينة على عيالي .
ردت بهدوء وابتسامة خفيفة
الحمد لله ربنا يثبتنا جميعا .
أنا شبه عرفت الشيخ عمار بكل اللي عندي بس لازم بردو اسمع ردك .
اتفضل قول اللي عندك .
بإذن الله لو