اسكريبت بقلم سوار 1

كملنا ...فالشقة اللي عندي في نفس العمارة مع أمي لأن زي ما أنت عارفة أنا والدي مټوفي ولأن مش هينفع اتجوز في نفس الشقة جبت الشقة اللي جنبها ...
أنا يهمني إنك تكوني عارفة كل المعلومات علشان تفكري براحتك .
ربنا يرحمه شكرا على صراحتك وأنا بإذن الله هفكر و ردي هيوصلك مع بابا .
قامت دخلت جوا ورجع الشيخ عمار وأنس اتكلمنا شوية وبعدين استأذنت وروحت .
طمنت أمي وكلمت خالد واتقابلنا في صلاة العشاء...من ساعة ما أدركت قيمة صلاة الجماعة وأنا مش بفوتها الحمد لله وطبعا بسحب خالد معايا....ما هو الشق واكتر واحد بحبه وعايزه دايما أفضل واحد .
حكيتله كل اللي حصل وروحت صليت استخارة ونمت .
فات حوالي أسبوع وكل يوم أصلي استخارة ... و النهاردة رد عليا الشيخ عمار بالموافقة واني أجيب أمي علشان نتفق بإذن الله يوم الجمعة .
ماما ...يا ماما زينب وافقت يا ماما .
قولتها وأنا بحري عليها وبقومها ترقص معايا 
يا حبيبي دي مش مستوعبة .
حضنتني وهي بتزغرط زغرطي كتيير كتيير بقى .
مبارك يا عيوني مبارك يا حبيبي...أحلى عريس يا ولاد .
حضنتها بحب وڠصب عني عيوني دمعت وأنا بترحم على والدي وبتمنى لو كان معايا كان هيفرح أوي .
بصي بقى هنجيب أحسن عباية لأحسن سمسم في الدنيا 
ونروح نشبك عروسة ابنك .
قولتها وأنا بمسح دموعي ودموعها .
هما قالولك ايه ...فهمني .
قالولي أن الحمد لله ربنا كتب بينا القبول وأخد ست الحسن والجمال علشان نتفق على كل حاجة .
ربنا يتمم لك على خير يا حبيبي .
يا رب يا أمي يا رب .
حضنتها وأنا حاسس قلبي هيخرج من مكانه من الفرحة  
يا رب تممها على خير .
يتبع ..
الفصل الثاني 
موافقة يا بابا .
دا كان ردي على سؤال بابا بعدها جريت على أوضتي من الإحراج ...طول الأسبوع وأنا بفكر وأصلي استخارة 
كنت متوترة وخاېفة 
لأني معرفش مالك كويس 
كل معرفتي عن مالك أنه جارنا وبابا بيشكر في أخلاقه ... وأنه من الناس الهينة في التعامل ...متربي عشر مرات يعني .
يا زوز ...ممكن أدخل .
كان صوت صفية مرات أنس بتستأذني أنها تدخل .
أكيد يا غالي ادخلي .
كنت بحاول أداري وشي عنها علشان متحرجش ..
بس الرخمة كانت عمالة تضحك ....حقها أنا بردو رخمت عليها أيام خطوبتها هي وأنس .
ما خلاص يا صفية .
غمزتلي بعينها وهي بتقعد على السرير تستريح من الحمل 
بس ايه وافقنا يعني وعمالة تقولي مستقبلي وكريري ....شكلك هتعملي بشاميل قريب .
عارفة يا بت لولا إنك حامل في بنت اخويا أنا كنت .... .
قولتها وأنا بعض على شفايفي بغيظ ...وبجد مش عارفة كنت هعمل ايه .
شوحت بايديها وهي بتقول 
بس يا شاطرة علشان مناديش زوجي حبيبي يتصرف معاكي ...
المهم بجد متقبلاه يعني شكلا تمام و التعليم لأن فيه رجالة بيحسبوها طبقات 
وأعرف ناس حصل معاهم مشاكل كتير بسبب الموضوع...
في أي خناقة يقول أنها بتستعلى عليه .
بصيت لها بهدوء ورديت 
هو كشكل مقبول يعني ملامحه بشوشة ومريحة 
أكيد مش هوافق وأنا مش متقبلاه .
دا جواز مش مشوار لأخر الشارع .
كملت كلامي وأنا بناولها المخدة علشان تظبط قعدتها
أما بالنسبة للمؤهل الدراسي أنت عارفة أنه بالنسبالي مش مهم طالما الشخص واعي و متفهم الثقة اللي كان بيتكلم بيها في الرؤية و وضوحه وبساطته في الكلام أكدولي أنه مقدر