ابويا فرق ما بيني وبين اختي

نحف، وشكلي اتغير، لكن إرادتي كانت بتكبر كل يوم. كنت بحس بالجوع، وبالتعب، وبالوحدة.. لكن كنت بتذكر كلمة أبويا استثمار خسران، فبتقوم الدنيا كلها جوايا وأكمل.
الفصل الثالث صور العيد
جاء عيد الأضحى، والمدينة الجامعية فضيت وخدت لون السكون والهدوء المخيف. كل طالبة راحت لبيتها ولأهلها.. إلا أنا.
قعدت لوحدي، والۏحشة بتاكل في قلبي. حبيت أطمن وأعايد، فتحت التليفون وكلمت البيت. ردت أمي.
الو.. ماما؟ أنا نور.. عايزة أعايد بابا.
سمعت صوت أمي وهي بتقوله من بعيد نور عايزة تكلمك تعايدك.
والرد اللي جه كان كفيل ېقتل أي رحمة باقية جوايا
قوليلها إني مشغول.. معنديش وقت لكلام فاضي.
قفلت السكة في وشها. قفلت الخط وأنا حاسة ببرودة في أطرافي. دخلت على الفيسبوك عشان أشيل الهم بالدخان ولا إيه، لقيت الصورة.
صورة العيد العائلية. نوران في النص، مشرحة ومبسوطة، وأبويا حاضنها من ناحية، وأمي من الناحية التانية. الضحكات مليانة الصورة، والفلوس باينة في كل تفصيل. ولا حتى فكروا يسألوا عني.. ولا حتى فكروا يعرفوا أنا بأكل إيه ولا بنام فين.
مسحت دمعة غدرت وطلعت من عيني، ومسحتها بسرعة. بصيت لنفسي في المراية وقلت بصوت حازم
وحياة كل دمعة نزلت مني، لأوريكم مين فينا الاستثمار الكسبان. أقسم بالله، لأخليك ټندم على كل كلمة قلتها، ولكل نظرة احتقار بصيتها لي.
من اليوم ده، غيرت خطة اللعبة. قررت ما يكونش هدفى مجرد النجاح.. لا.. هدفى يكون التفوق اللي بيتكلم عنه الكل.
الفصل الرابع الڤرج من حيث لا تحتسب
مرت الأيام والشهور، وأنا بين شغل ودراسة، حطيت كل طاقتي في الكتب. كنت بذاكر وأنا واقفة في المحل، وبذاكر وأنا ماشية في الشارع. دكتور الاقتصاد، دكتور محمود، كان دايماً بيلاحظ تفوقي واجتهادي.
في يوم، دعاني لمكتبه بعد ما ظهرت النتيجة وكنت جايبة أعلى درجة في المادة بأرقام خيالية.
اتفضلي يا نور. اقعدي.
قعدت وأنا خجلانة. قال لي
أنا متابع مستواكي من أول السنة. أدائك ممتاز، واجتهادك ملحوظ جداً. بس لاحظت إنك دايماً هادئة وشكلك عليه تعب كبير. في حاجة معينة مضايقاكي؟
حسيت بالأمان معاه.. فحكيتله كل حاجة. حكيتله عن كلام أبويا، وعن الشغل، عن الإيجار، عن الجوع، وعن كلمة استثمار خسران اللي ساكنة في دماغي.
الدكتور سكت شوية، بص لي نظرة إعجاب وحزن، وبعدين فتح الدرج وطلع ملف كبير وحطه قدامي.
قال
دي منحة خاصة جداً، اسمها منحة التميز العلمي. بتدي للطالب اللي شايل هم دراسته ومتفوق ومحتاج دعم. وأنا بصراحة.. شايف إن مفيش حد يستاهلها غيرك.
فتحت الملف وأنا بترتعش. المنحة دي مش بس بتدفع مصاريف.. لا، دي بتوفر سكن ومصاريف شخصية وكل حاجة، والأهم من كده..
وفيها ميزة تانية يا نور.. المنحة دي بتخليكي تقدلي تحولي السنة الأخيرة لجامعة شريكة معانا على مستوى عالي جداً.
رفعت عيني له بلهفة
جامعة إيه يا دكتور؟
ابتسم وقال
الجامعة الأمريكية بالقاهرة.
الدنيا دوخت بييا. الجامعة اللي أبويا قال إني مش استاهل حتى أحلم بيها.. أنا هدخلها بمنحة كاملة؟ يعني هروح هناك ببلاش، وبتفوق، وبشهادة تعتبر من أقوى الشهادات؟
موافقة؟
طبعاً موافقة! ألف شكر يا دكتور.. والله عمري ما هنسى المعروف ده.
الفصل الخامس الصدمة في المكتبة
انتقلت للجامعة الأمريكية من غير ما أقول لحد حرف. حبيت المفاجأة تكون قوية. المكان كان فخم جداً، مختلف عن أي حاجة شفتها قبل كده، لكن مشيت فيه براس مرفوعة. أنا مش هنا عشان فلوس حد.. أنا هنا عشان تعبي وتفوقي.
وفي يوم، وأنا قاعدة في المكتبة الكبرى بذاكر، حسيت بحد واقف قدامي. رفعت عيني..