اسكريبتات قصيرة بقلم شيماء يسري زهران

كنت قاعدة في البلكونة مع احفادي
وكانت واحدة بتلون كتاب الرسم والتانية كانت بتاكل رفعت عينها للسما وبعدين بصت ليا وقالتلي
تيتة هو اللي بېموت بيروح فعلا في السما
نزلت المصحف من ايديا وسألت باستغراب
ليه بتجيبي سيرة المۏت كتير يا منى اسم الله عليكي يا حبيبتي
ليه يا تيتة! هو وحش ما الميس النهاردة قالت انه خير مش شړ
ابتسمت ونزلت النضارة من على عيني وقولت
إنت أروبة يا منى.
لقيتها ضحكتلي ضحكة بريئة واستنتني ارد عليها جاوبتها
إن كان شړ يابنتي فهو شړ للي بيتفارق مش المفارق
لقيتها بصالي مش فاهمة حاجة فكملت
يعني احنا اللي بنزعل عليهم وبيكون شړ لينا عشان كده بتخرج من بوقنا كلمة تلقائية وهي بعد الشړ لكن هما لو كانوا بيسمعوا كلام ربنا بيكونوا في الخير كله.
امممم طب وتيتة هو...
ردت فريدة پغضب وهي بتلون الرسمة وقالت
ما تسكتي بقى مش عارفة الون منك إنت مالك بحاجات الكبار.
لاء والله يا رخمة احسن ماكون في حاجات الصغار وبلون اسود وقرود.
يووه شايفة يا تيتة!
ضحكت على كلامهم وفضلت اسكت فيهم لقيت منى بتكمل سؤالها
طب تيتة هما بيفتكرونا فوق يعني مثلا جدو مراد فاكرك
سرحت في سؤالها وبصيت في السما..
في يوم من الأيام كنت لابسة فستان اسود ومتشيكة اصلها كانت خطوبة اختي ..كنت دايما نفسي اني شكلي مش احسن حاجة بالنضارة لأنها مكنتش بتليق على وشي..
ولكني خرجت يعني هعمل ايه يعني! اتقلب على وشي عشان ابقى كيوت بصراحة يعني اقولكم حاجة هو الحوار مالوش علاقة بانها مش لايقة على وشي وبس..
لكن في شخص هيكون في الخطوبة..كان طويل وملامحه تتحط في متحف يعني بصراحة يعني الوسامة في هيئة بني أدم.. المهم اني كنت بتوتر لما بشوفه شكلي مش احسن حاجة بالنضارة قدامه تفتكره حد وسيم كده هيبصلي أنا ليه
كان اخو خطيب اختي و..ينهار مالوش ملامح! ده جيه اهو..داخل من الباب أيوة اصل أنا واقفة ورا باب اوضتي كنت مستنياه يطلع و.. ينهار مالوش وش اساسا مش بس ملامح! ده لابس بدلة سوده! ده خلته وسيم اكتر لاء مش خارجة..
يا جدعان لاء لو خرجت وبصلي والله هلطشه بالقلم من الكسوف احمممم بس عبط بس عبط بصيت ورايا لقيت اختي خلصت الميك اب في المرايا وقالتلي
حلو الفستان والميك اب يا مرام
تحفة يا قلبي.
طيب يلا نخرج متوترة اوي.
نخرج ايه لاء.
مالك
ا..اقصد يعني استني شوية بس.
إنت حولة يابنتي أنا العروسة اللي المفروض اتوتر!
سمعت كلامها وخرجنا الزغاريط كانت في كل حتة ماما قربت وهي بتزغرط وبتبوس اختي من خدها وطبعا بدأت اسمع حوليا كلام من صيغة
عقبالك يا مرام وعقبالك يا قمراية.
شغل تلزيق ابتسمت ليهم ابتسامات مزيفة وعيني فضلت تروح يمين وشمال بعد ما لقيت العريس جاي يقرب من اختي يسلم عليها..هو راح فين كل الناس هنا! اه صح يمكن دخل حمام! يووو وهو يعني مدخلش الحمام في بيتهم ليه!
هو ايه العبط ده هو انا ممكن أقوله كده في وشه ده انا باين عليا هفضل سنجل للأبد بلساني المهم اني فضلت واقفة شوية على أمل انه يظهر لكن محصلش زهقت فبصيت في الأرض بملل ودخلت البلكونة اشم شوية هوا..كانوا كلهم بيرقصوا برا وانا مبحبش الجو ده..
اعوذ بالله!
قولتها بصوت عالي لما لقيت اللي واقف في البلكونة جيت ارجع لكنه قالي وهو بيضحك
ايه بس مالك شوفتي عفريت
ل...لاء ابدا لكن