اسكريبتات قصيرة بقلم شيماء يسري زهران

ازاي عشان ارجع اقعد معاكي شوية ببقى فرحان اني هروح الشقة الاقيكي..عارفة احساس انك إنت البيت اصلا
هو يعني كده بيثبتني على فكرة عادي هو بيعمل كده عشان الفرخة ولا تفتكروا لسه بيحبني وظلماه
ايه بيخليكي تشكي في حبي ليكي يا مرام هو إنت عارفة اني الحوار ده بيخليني نايم زعلان
ايه ده هو نبرة صوته بقت حزينة ليه والله ما كنت اقصد بقى..
تنام زعلان مني!
يمكن مش بقدر ازعل منك إنت لكني بنام زعلان من سؤالك وشكك فيا ولو للحظة.
يا مراد مش بيكون قصدي بس...
أنا فاهم إن كل البنات كده.
كلهم كده ازاي يعني
دماغهم مريحة حبتين.
بصتله بقرف فلقيته ضحك وقرب يقولي
اكبر دليل اني بحبك اني عارف انك كل ده بتكدبي عليا ومبتعرفيش تطبخي اصلا.
ايه!
ينهار اسوح حد يقولي اعمل ايه هو عرف منين! اكيد الشنط اللي في سلة الژبالة.
وعارف اني الفرخة الجامدة دي لسه طلباها من المحل.
صوت ضحكته بقى أعلى وهو بيقول
وكمان مستنياني ادخل الأوضة عشان تطلعي الشوربة من الشنطة تسخنيها.
م....م...
ايه هنمأمأ
يوووه ع..على فكرة ڠصب عني عش..عشان انت عارف اني مبعرفش اطبخ بامية ولا ملوخية مع اني مرة عملت البامية بنفسي لما كان عليها لحمة فاكر
اه اليوم اللي بطني وجعتني فيه
بصتله پصدمة استوعب رده فضحك بصوت عالي وقال
اكدب يعني وبعدين حاولي تتعلمي الطبخ انا مش كل شوية هاكل اندومي يا سكر.
مانا بتنيل اطلبلك طبيخ اهو!
ده مش من ايدك واسم المحل أميرة هانم يعني تخيلي اللي طابخة بنوتة بقى ونفسها في الأكل مش غيرانة على على جوزك حبيبك
مسكت السکينة وانا بقول
لاء وتخيل يكون آخر نفس ليك هو نفسها.
طب صلي ع النبي ونزلي اللي في ايدك احنا بنتشاور بس على فكرة باميتك عسل.
يا حبيب قلبي الصغنن ايه رأيك اخليك تاكلها في الجنة دلوقتي
من غيرك طب دي حتى متبقاش جنة الا بيك يا احلى شيف في الدنيا.
بصراحة أنا فكرت نفسي شيف بجد وضحكت وانا بقوله
يابني انت من غيري حياتي تبوظ اصلا.
حصل يا أميرة.
يا مراد!
وفي كل مرة بتغيري عليا بردو كنت مش بعرف انام من الفراشات اللي بتطبخيهالي.
ابتسمتله..انا ابتسمت فعلا واضح اني كفتة وبتثبت من نظرة بس ده اكيد عشان بحبه..سرحت افكر هو بجد حياتي من غير مراد كانت هتكون عاملة ازاي يعني كنت ازاي هعيش لوحدي
خرجت من سرحاني لكن..
دي فرخة ولا معزوفة! أيوة أما ندوق القرقوشة دي كمان اممم.
كان قاعد على الكرسي والفرخة كلها في ايده فقولت وانا متعصبة
كده! طب ايه رايك بقى هتعلم الطبيخ بالعند فيك!
لقيته مسك في الفرخة پخوف وقال
لاء وحياة اغلى حاجة عندك هنجيب من أميرة على طول.
لو وصلت لحد هنا متنساش تعمل ريأكت وكومنت عشان الاسكريبت يوصل لعدد أكبر ومجهودي يتشاف واعمل سي فيرست لو مهتم بالمحتوى عشان يوصل اسرع.
كاتبة شيماء_يسري_زهران
ليه مقولتليش كل ده يا مراد
يمكن عشان كنت خاېف من جوايا من الحوار اصلا..
خاېف خاېف من ايه!
من الرفض يا مرام..انا طول عمري اتعرضت لرفض حتى من اقرب الناس ليا.
مفيش حاجة اسمها كده يا مراد كنت لازم تستجمع قوتك وتقولها انك بتحبها يمكن هي دي حب عمرك فعلا.
بصلي بنظرات غريبة وقالي
هي اكيد دي حب عمري لكن هل هي تعرف انها البنت الوحيدة اللي متيم بيها
انا مش عارفة انطق ليه هو