اسكريبتات قصيرة بقلم شيماء يسري زهران

بيبصلي كده ليه وانا مالي انا ياعم.
ا...لاء يعني ماهي متعرفش عشان سيادتك ضيعت الفرصة والبنت خلاص سافرت مع خطيبها ده هي كان عندها اي مشاعر ليك
بص للسما وقال
مش عارف..هي كانت حد عفوي اوي معايا ومش بلاقي نفسي غير معاها كنت بحسنا اطفال في ابتدائي وعندنا حرية مع بعض اننا نتكلم عن حياتنا.
قد ايه البنت دي خسرته معقولة تكون دعواتي استجابت اني مراد ميضيعش مني في يوم
كانت جميلة
اه ياريتني مسألت ده رجع يبصلي تاني.
شايفة التلج اللي بينزل ده عايزك تتخيلي لو قلبنا كان مكشوف من غير جلد يغطيه ونزلت عليه قطعة تلج..مش بعيد كنا هنضحك فجأة أو نحس بشعور غريب منقدرش نوصفه.
فضلت متنحة لثواني فقولت
مش فاهمة عايز ايه ايه العلاقة
لقيته ضحك وقال
إنت بت باردة ليه بتبوظي روح الكاتب اللي جوايا! اقصد يعني اني كل مرة بشوفها أو كنت بسمع صوتها بحس بنفس الاحساس كأن وجودها هو قطعة التلج اللي بتنزل على قلبي.
لاء سلامة قلبك يابا هو مينفعش تسافر ليها
ينهار اسوح هو شكله اتعصب ليه وبص بعيد.
انت متعصب ليه طيب خلاص متسافرش.
إنت يابت بتفطري فول وغباء
لاء والله فول وطعمية عادي.
لقيته بيدور حواليه على حاجة يحدفني بيها مانا بردو مكنش ينفع استظرف ده مش وقته.
خلاص خلاص حقك عليا مانا بحاول اقترح معاك.
تقترحي ايه يا غبية إنت بقولك سافرت ومع خطيبها ياللي منك لله.
يوووه هو في ايه يا مراد مش كده بقى انت عمال تطول لسانك.
لقيت نبرته هديت وبصلي وقال
اطول نظري فيكي بداله
ايه..
ابتسم وبص الناحية التانية وقام قايل وهو باصص للسما
هو إنت فكرتي تحكيلي عن حد بتحبيه قبل كده
ياعم انا على الله مش ناقصة ۏجع دماغ وخطوبة ودوشة.
أيوة يعني إنت ڠصب عنك قلبك مش مايل لأي حد وعايزة تحكي
هو مايل ..
اتعدل يبصلي بتركيز لكني قولت
بس لرغيف كبدة دلوقتي إنما ايه اموت انا والله.
ليه كده يا مراااد! حرام عليك التيشيرت والأرض.
زقني فوقعت لقيته قام وهو بيقول
انا غلطان اني قاعد معاكي قومي روحي يلا ومش هوصل حد بعربيتي.
مرااااد مرااااااد مرمر مرموررررر.
عارفة لو مبطلتيش الاسامي دي.
قولت بنبرة تخينة
مرموري هتعمل ايه يعني يا وحش دلوقتي
طبعا كعادته لما بلعب في طبقات صوتي فضل يضحك لكن..لكن سكت فجأة في وصت الضحك وهو مغمض عينه وقال
أنا بحبك.
فتح عينيه لكنه ملقانيش كنت مديت قدام طبعا ومش عشان الكبدة سمعاكم لكن ڠصب عني الكلمة خضيتني.
لقيته جري ورايا وهو بيندهلي وقدر يوقفني بصلي وقال
قوليلي انك بتحبيني قوليلي انك كنتي حاسة ولو واحد في المية اني البنت دي هي إنت..
كنت عارفة اصلا..
ابتسامته ظهرت وقال
يعني إنت عارفة اني بحبك ومتيم بيكي
مراد خلاص يا مراد اكتم بقى.
ضحك وصوت في الشارع ضحكت انا كمان على طريقته وقولتله وانا عيني بتدمع
انت ليه كل ده ساكت يا حيوان افرض كنت اتخطبت بجد
ده انا كنت عملت اللي يقرب منك كبدة وقدمتهالك انا شخصيا يا فندم احنا هنخيب ولا ايه!
عيني دمعت اكتر وبدأت اعيط فضل يترجاني اوقف عياط وقالي
مرام يا حبيبي انا النهاردة اسعد يوم في حياتي حرفيا مش متخيل اني اقدر اخطبك ممكن بلاش عياط خلاص الوقت اللي فات هقدر اعوضك فيه بكل حبي
مش بعيط عشان كده
اومال ايه طيب
شامة ريحة كبدة وھموت واكل
ايه
ياريت لو