اسكريبتات قصيرة بقلم شيماء يسري زهران

كنت مفكرة مفيش حد..
وطلع فيه.. تحبي تشمي هوا معايا
اشم هوا ومعاه انا بحلم ولا ايه!
لقاني واقفة سرحانة فشاور بكفه وقال
إنت هنا
ها.. اه اه معلش بس حسيت دوخت شوية.
اكيد من الدوشة اللي برا دي غريبة انك سيباهم وجاية البلكونة كنتي معروفة البنات بتفضل ترقص في الأفراح.
قربت ادخل البلكونة وانا بقول
انا مش زيهم مش شرط عشان كل البنات بتعمل حاجة اكون زيهم يعني..لكن ده ..
سكت هو انا ليه هحكيله! انا باين عليا اټجننت!
وقفتي ليه سامعك.
لكن ده مخلي ماما كرهاني ودايما تقول عليا اني قفيلة ومش زي البنات..
ابتسمت بسخرية وكملت
اصل هي كمان عايزاني اعمل عملية عيني وكده بدل النضارة لكني بخاف جامد من الدكاترة والعمليات ڠصب عني ولو اني اصلا مش حابة شكلي بيها.
هو باصصلي كده ليه والله الطشه بالقلم بجد من التوتر أو ازغرط في وشه واجري ياعم بص بعيد بقى هعيط والله.
بالعكس إنت ملامحك مميزة بيها..كل البنات عندها عيون بس مش كلهم لابسين نضارة.
بصيت ورايا اشوفه بيكلمني انا ولا لاء بصتله لقيته مبتسم بسخرية على طريقتي ورد قال
مستغربة ليه بكلمك إنت أيوة..هو أنت عارفة اني مش بحب البنت ترقص قدام الناس كمان أصلها مش رقاصة يعني.
وطبعا عشان انا كفتة لقيت نفسي ببتسم بشكل غير ارادي وخدودي..ينهار طماطم وشي اتسلق رديت قولت
بتفهم انت بتفهم والله يا مراد قال ارقص قال كلام فاضي.
لقيته ضامم حواجبه ومبتسم بسخرية وهو بيقول
إنت عارفة اسمي
اسمك انت اسمك ايه اصلا
ضحك بصوت عالي وهو بيقول
اسمي مرام.
مر...هو انت عارف اسمي
صوت ضحكته علي اكتر وهو بيقول
ساعات بحس اني اخويا ده أجدع راجل في الدنيا عشان بسبب اختك خلاني اشوفك.
مكنتش فاهمة حاجة لقيته كمل وقال
أنا كل مرة كنت باجي عندكم فيها من ساعة قراية الفاتحة وأنا مركز معاكي بس إنت اللي غبية.
مركز معايا أنا!
أه إنت وكنت بتردد اكلمك كنت بقول استحالة حد مميز زيك بملامحك دي يكون مفيش حد في حياته بس انا مخضوص انك عارفة اسمي..واضح اني مش لوحدي اللي مركز..
اتوترت وجيت اسيب البلكونة وأخرج لكنه وقفني وهو بيضحك وقال
طب استني استني من غير توتر خالص إنت شغلاني وتقريبا والله أعلم أنا شاغل بال حد معنى كده الحد ده مفيش حد في حياته ايه رأيك احصل اخويا
سكت مكاني ولا نطقت ولا حتى عرفت ازغرط ولا ارقعه قلم! لقيته بيقول
لاء حاسس طريقتي مش لايقة على البدلة اللي لابسها استني كده..
جاب وردة من الشجرة اللي مايلة على البلكونة وقال
ها..اخطبك يا مرام
خرجت من ذكرياتي وانا عيني مليانة دموع وماسكة صورته الصغيرة في ايديا ورديت على سؤال حفيدتي منى
طول مانا فكراه استحالة يكون جدك نسيني.
بوست الصورة ودمعتي وقعت عليها وانا بقول
وحشتني استناني يا مراد.
لو وصلت لهنا متنساش تحط ريأكت وكومنت عشان الاكونت يبان ولو مهتم بالمحتوى اللي بقدمه ياريت تعمل سي فيرست عشان كل شيء يوصلك اسرع .
كاتبة شيماء_يسري_زهران
الثاني 
يلا غني سندريلي سندريلي يا فار.
الفار بيكح وبيقول
حرام عليكي كان يوم اسود يوم ما عملت فيها كزبرة وقعدت اغني.
كزبرة انت جعان يا جوزجوز
انتوا ڤضحتوني بقى أنا الأمير اللي الكل بيديني تعظيم سلام البس تيشيرت عليه DAD!
مسم وماله ياخويا تلبس داد فاكرني هقعد اقولك شكلك فيه حلو وكده زي ما كنا في اسمربول مفيش دلع ماهو الدلع ده