اسكريبتات قصيرة بقلم شيماء يسري زهران

وصلت لحد هنا متبخلش عليا بريأكت وكومنت عشان اسكريبتاتي توصل لغيرك ولو مهتم بالمحتوى اعمل سي فيرست عشان يوصلك اسرع
كاتبة شيماء_يسري_زهران
صباح الخير يا ترى الورد اللي سألت عليه امبارح موجود
انا بدأت اقلق من الراجل ده هو فيه حد بيشتري ورد ورا بعض كده
معلش ممكن تذكرني بنوع الورد
اه طبعا لازم اعمل نفسي ناسية اومال ابينله يعني اني فكراه وعيونه حلوة..قصدي يعني..واضح اني عكيت في كلامي قدامكم.
حط أيده على دماغه وكأنه بيحاول يفتكر وبعدين قال
كان ورد .. مش فاكر اسمه لكن شكله كان برتقاني كده وفيه ورق اخضر شبهك كده يعني نفس لون شعرك وعيونك.
الحقيقة وشي اشمئز هو لو عايز يلفت انتباهي يعني بيلفته بالطريقة اللي ريحتها ٢٠٠١ دي
والله حضرتك احنا هنا بنبيع الورد على أساس شكله أو اسمه لكن مش بالتشبيه على الناس.
ا..ط..طيب ممكن اشوف الورد اللي هناك ده بداله
هو انا احرجته حرام حساه اتحرج بجد وهو اصلا شكله حد محترم مش قصده يضايقني يمكن انا فهمت غلط وبيشبه بنية صافية
اتفضل حضرتك تحب تشتريه
لو مش هضايقك يعني.
يا فندم وانا هضايق ليه! ممكن تخلي الكلام في إطار الرسمية من فضلك!
هو ممكن توطي صوتك هو أنت شوفتيني بقولك نكتة عشان تقوليلي رسمية!
لاء والله وأنا هستنى حضرتك لما تقولي نكتة
يا خسارة الجمال لو كان اللسان اطول من شعرك.
ده بيستفزني! ده بيقولها وهو مبتسملي!
متحافظ على حدودك يا جدع انت!
حدودي وانا حر فيها ملكيش دخل مش كل حاجة تتحشري ده حتى الورد اتحشرتي فيه وملامحك شبهه.
انت طبيعي
لقيته قرب وهو حاطط أيده على خده وساندها على المكتب وقال
كنت بعد ما شوفتك هنا في المحل فلأ وألف لاء.
هو مچنون ده ولا ايه اروح فين انا ولا اعمل ايه هو باصصلي كده ليه طب اكسر البوكيه ده على دماغه ولا حد يقولي اهرب ازاي.
سبحان الله دلوقتي وشك قلب ورد احمر ومش عارفة تردي لكن قبل شوية لسانك كان قطر من غير سواق.
ع....على...مش فكر...
جمعي بس جمعي الأول وبعدين ردي عليا.
ما تبس استفزاز يا بني آدم انت! عايز ايه انت دلوقتي وبأي حق بتتغزل فيا مش فاهمة أنا!!
هو انا اتغزلت انا بقول من ساعة ما شوفتك في المحل وانا مش طبيعي وباجي على طول عشان اشوفك لكن لو هتغزل فهقول اني بدون مبالغة إنت احلى من مليون بوكيه ورد هنا.
انا مش عارفة ارد ليه وهو مكمل ليه في كلامه ده حد يوقفه بدل مانتوا قاعدين تسمعوه كده.
ملامحك ربنا أبدع فيها اكتر من الورد كمان تحسي دي اكتر وظيفة لايقة عليكي يمكن شبه الفراشات مينفعش تعيش بعيد عن موطنها..لونك مش واحد شعرك البوكيه اللي ورا ده كله شبهه وعينيكي البوكيه اللي جمبنا ده شبهها و..
ممكن لو سمحت توقف الكلام ده
وقف كلامه وابتسم وهو بيتعدل وبيقول
شوفتي اني ده الغزل انا بقى متغزلتش فيكي ظالمة.
انت هتستعبط عليا
اه مستعبطش ليه يعني وإنت مين يشوفك وميستعبطش!
استاذ..
مراد.
استاذ مراد أنا حد مشغول طول اليوم في شغله ومش فاضية ولا مستعدة اني اضيع وقتي وحياتي في شوية كلام فارغين اي بنت بتحب تسمعهم.
لقيت ملامحه بقت جد وهو بيقول
صدقيني انا مش كده ولا جاي ارخم عليكي انا اعرفك بقالي خمس شهور حتى لو مكنتش باجي اشتري ورد كنت باجي اشوفك من
بعيد واراقبك انا نفسي اعرف اسمك..
بصتله لثواني وانا مصډومة من كلامه وقولت بصوت هادي
مرام..
مرام..اسمك شبه اسمي مرام صدقيني أنا بس كنت عايز الفت نظرك كل الأيام اللي فاتت كان نفسي احس بس انك معجبة بيا ولو لحظة..
طب انت عارف لو صاحب المحل جيه ولقاني سايبة شغلي وبنتكلم أنه ممكن يطردني
يطردك يطردك واتجوزك أنا واخلي شقتنا كلها ورد طالاما بتحبيه أوي كده.
ڠصب عني ابتسمت من طريقته ده بيتكلم جد الحقوني يا جدعان.
الله دي ابتسمت ضحكت يعني قلبها مال ولا ايه
لاء ضحكت يعني هتحدفك بالورد يا بابا.
موافق احدفيني بالورد وانا اخد الورد احتفظ بيه أنه اتحدف عليا منك.
قولتلك بس كلامك ده.
متتكسفيش مني يابنتي انا خلاص هبقى جوزك بس إنت وافقي.
جوزي! تصدق انت بجح اكتر من صاحب المحل
فجأة صوت صاحب المحل جيه من برا وهو داخل وبيرمي الصباح عليا اټخضيت واتعدلت وانا بقول
هو سمعني
لاء لاء ملحقش.
صباح النور يا استاذ حضرتك تؤمر بنوع ورد معين
لقيته بيكمل معايا التمثيلية وبيقول بصوت عالي
طب بكام الورد ده
ده ب٢٠٠ يا فندم
لقيته بيغمز بعينه وهو بيقول
غالي عليا خالص.
حطيت وشي في الأرض وانا مبتسمة وبديهوله فقالي بصوت واطي
هراقبك من برا المحل متكتريش كلام مع الراجل ده بلا صاحب محل بلا صاحب بتنجان
لو وصلت لحد هنا متنساش تحط ريأكت وكومنت عشان ده بيساعد الاسكريبت يظهر لعدد اكبر ولو مهتم بالمحتوى ياريت تعمل سي فيرست عشان يظهرلك اسرع