اسكريبتات قصيرة بقلم شيماء يسري زهران

معايا.
إنت هتعمليلي فيها معلمة الرحمة!
حضرتك شايف طيب اسلوبها
الحقيقة انا مش شايف غير حاجة واحدة.
كان مركز في عيوني بطريقة غريبة هو بيبصلي كده ليه ده انا فكرته جاي يتخانق اصلا.
حضرتك تقصد ايه
لاء يعني مش قصدي بس كنت جاي مفكر اني ميس مرام دي في بوقها سندوتشين وفي أيدها عصاية وشكلها هيخضني انا شخصيا.
ابتسمت بتريقة وقولت
ليه إن شاءالله حضرتك مفكرني عفريتة اوي كده واضح اني في حد مشوه صورتي خالص عندكم احممم.
قالت فريدة وهي بتشد بنطلون مراد
مراد..هي تقصدني أنا
على العموم يا استاذ ...
مراد..اسمي مراد كان نفسي اقولك اسمي ايه بس للأسف عارفه.
ضحكت وقولت
اتمنى اني فريدة تلتزم بواجبتها عشان هي مهملة جدا كذا مرة تقوم على السبورة عشان الاملاء والاقيها بتكتب نكتة وكلام غريب..
حقك عليا يا استاذة مرام..دي فريدة دي عايزة تتمسك كده ينزل في صابعها خاتم خطوبة والله.
نعم
قص..قصدي يعني أستاذة مرام انا مش شايف في ايدك دبلة كده ولا كده انا ممكن اتبرع على فكرة.
هو ده مچنون انا منكرش ان ملامحه وسيمة والحمدلله مش شبه أخته اللي لسانها اكبر منها دي بس يعني مفيش حد بيحرج حد كده.
هو حضرتك بتتكلم جد
ومتكلمش جد ليه إنت ملامحك جميلة اوي انا مش بتاع مظاهر بس بردو عيونك مرسومة لوحدها وبصراحة انا بحب الفن..
ردت فريدة وقالت
هو انا جيباك تتجوزها! يا خيبتي في اخويا.
يابت قولتلك اكتمي دلوقتي..ها يا مرام موافقة
ابتسمتله وسكت مش هما بيقولوا السكوت علامة الرضا يارب فريدة تسكت بقى شوية..
الحقيقة اني عيونه كانت بتتكلم! وكأن هو ده اللي حسيت اني هغنيله صالحت بيك ايامي وصالحت بيك الزمن!
لو وصلت لحد هنا متنساش تدعمني بريأكت وكومنت عشان الاكونت يظهر لعدد أكبر واعمل سي فيرست عشان الاسكريبتات توصل بشكل أسرع.
كاتبة شيماء_يسري_زهران
الثالث 
أكلك منين يا فرخة بس قوليلي خلصتي ولا ايه دنيتك
يارب الصبر من عندك قولتلك الأكل مش هيتلمس غير لما اخلص الشوربة.
ليه مش هيتلمس ليه ميحلش ليا يابنتي انجزي الليل دخل اساسا.
يابن الناس امشي من هنا بقى ھتحرق بسببك والله.
ليه صغيرة مانتي قد الدنيا اهو اتجوزتك عشان سمعت انك شاطرة في الطبخ.
اه طبعا ماهي دي أخرة جواز الصالونات.
صالونات بقى سلطات المهم اني جعان يا مرام انجزي.
طبعا بهزر معاه مراد حب عمري من واحنا اطفال لكني حسيت اني مجرد خدامة..يعني ايه بجد! انا ليه حاسة اني مراد حبه ليا اتغير بعد الجواز!
رميت الحلة في الحوض واتعصبت وانا بقوله
على فكرة أنا زهقت..انت ليه معتقد أنه حق مكتسب! انا طول اليوم واقفة على رجلي وطالع عيني!
سكت وبصلي بعد ما استغفر وقال
إنت ليه بتحبي المشاكل
انا بحب المشاكل لاء وانت الصادق المشاكل هي اللي بتحبني..بس طلع عندها مشاعر احسن منك.
وانا يعني اللي مش بحبك يا هبلة
معرفش بقى شوف إنت.
مرام هو إنت ليه رابطة حبي ليكي بالأكل دلوقتي وهي يعني اللي قدامك دي متستاهلش الحب مش شايفة ريحتها عاملة ازاي.
مراد..هو انت لسه بتحبني
يا هرموناتك يا عسل.
مش بهزر..ليه حاسة حياتنا بقت عبارة عن انك تيجي من الشغل تاكل وتنام!
مرام ..إنت لو مش في حياتي انا عمري ما كنت هعرف انام.
بصتله بسخرية فقال
قصدي يعني مش هنام مرتاح كنت.
ليه
عشان إنت لو بس تدخلي جوايا وتشوفي ببقى بجري في طريقي