عمري الضائع بقلم هاجر نور الدين

مصر وهو جه إمبارح برضوا بس كنت إنت مش معانا خالص.
إبتسمت وقولت بأسف وإحراج طفيف
أنا بجد أسفة إني من ساعة ما دخلت حياتكم وأنا مدربماها بالشكل دا أنا عملتلكم قلق كتير الفترة الأخيرة ومخلياكم تنشغلوا بحاجات إنتوا مالكوش دعوة بيها بجد حقكم عليا.
إتكلمت هالة بعتاب وقالت
_ والله بجد إتضايقت منك يا غزل إحنا خلاص تخطينا المرحلة دي ياحبيبتي كام مرة هقولك إنت أختي خلاص وبعدين قومي بقى بالسلام عشان فرحي كمان شهر عمار حبيبي خلاص خلصلي كل جهازي.
إبتسمت بسعادة حقيقية ليها وقولت
والله بجد مبسوطة أوي عشان سعادتك دي ربنا يتمملك بخير يارب يا روحي.
بعدها راحت هي وفريد يجيبوا فطار وفضلت أنا وعمار إتكلم عمار وقال بإبتسامة
_ ياريت بقى منسمعش منك الكلام دا تاني وتقومي بالسلامة عشان نخرجك بالليل قررتي هتروحي فين
سكتت شوية لإني فعليا لسة مقررتش ولكن لازم أروح لأهلي
يمكن لمرة واحدة بس هشوفهم بالشكل اللي المفروض يكونوا عليه.
إتكلمت وقولت بسرحان وتردد
هروح لأهلي يمكن يكونوا إتعلموا من الغلطة اللي فاتت.
اومأ عمار براسه بتفهم وقال
_ خلاص تمام بالليل هنوصلك لحد باب البيت ومعايا هنا عربية جبتها بالليل هنا عشان نتحرك بيها بسرعة.
إبتسمت وقولت بإمتنان
حقيقي شكرا يا عمار تعبتكم معايا.
إتكلم بنظرة عتاب ولكن فيها مرح وقال بإبتسامة
_ إنت لسة متعلمة الكلام جديد ومش حافظة غيرها صح
ضحكت وقولت
لأ بس بجد مهما قولت مش هقدر أوصف قد إي بشكركم وممتنة جدا وقد إي حاسة إني تقيلة عليكم والله.
إتكلم بجدية وقال
_ يابنتي لو تقيلة علينا هنستحملك ليه يعني
دي محبة وسبحان من خلانا نتقابل كلنا ونساعد بعض
بلاش الكلام دا تاني عشان المرة الجاية هتبقى بزعل حقيقي.
إتكلمت وقولت بإبتسامة
لأ لأ خلاص ربنا ما يجيب زعل.
قعدنا بعدها نتكلم شوية وكانت هالة وفريد وصلوا وقعدنا فطرنا بالليل قبل ما نتحرك بساعة كان عمار وهالة قاعدين في بلكونة المستشفى وبيتكلموا.
إتكلم عمار وقال بتنهيدة طويلة ل هالة
_ هالة أنا حاسس إني بعمل حاجة غلط كبيرة أوي بجد.
إتكلمت هالة بتساؤل وقالت بإستغراب
حاجة إي دي بعد الشړ
إتكلم بتردد بعد تفكير دام دقايق
_ أنا حاسس بمشاعر ناحية غزل.
إبتسمت هالة وقالت
وإي الغلط في كدا
بصيلها وقال بجدية
_ إنت ناسية إنها لسة متجوزة ومنفصلتش عن شريف دا!
مينفعش أفكر في واحدة متجوزة حتى لو ضامن طلاقها وفي مشاكل الدنيا كلها بينها وبين جوزها برضوا مينفعش مادام لسة على ذمة واحد تاني.
سكتت هالة شوية بتفكير وزعل وقالت
يبقى خلي مشاعرك في قلبك لحد ما تنفصل عن شريف ولكن هي ك بنت كويسة أوي ومشوفناش منها حاجة وحشة وغلبانة والدنيا واخداها رايح راجع من غير رحمة يمكن إنت يا عمار تبقى سند وعوض ليها بعد ربنا وبعد اللي حصلها دا.
إتنهد عمار وبص للطريق قدامه وقال بسرحان
_ خليها على الله ربنا ما يوقعنا في شړ أفكارنا ولا في الغلط أبدا.
بعد شوية كنا كلنا إتحركنا بعربية عمار وإتحرك عمار في الطريق ل بيتي كنت بوصفله الطريق وأنا قلبي مش موقف نبض سريع.
كنت متوترة وجوايا مشاعر كتير جدا إشتياق ولهفة وكره وحزن وعتاب وغدر والأدرينالين بيعلى كل ما بقرب من البيت.
وصلنا أخيرا على الشارع بتاعي وقبل ما أنزل من العربية بمجرد ما حطيت رجلي بس في الشارع رجعت تاني جوا العربية بسرعة وقفلت الباب پخوف.
بصلي عمار بإستغراب وقال بتساؤل
_ في إي يا غزل
قولت وأنا بتنفس بسرعة وشكل ملحوظ
شريف موجود هنا.
_ إي اللي جاب شريف هنا
كان سؤال عمار ليا بصيتله وأنا في غاية خۏفي وتوتري وقولت
معرفش إمشي بسرعة.
بصلي پغضب مفهمتهوش وقال
_ نمشي دا إي!
دا بيتك وإنت مش عايزاه وهتطلبي الطلاق 
وإحنا في بلدنا مصر يعني ميقدرش يمسك خلاص كلنا جنبك!
فتح باب العربية ونزل وجالي الناحية التانية وأنا متوترة وخاېفة الفترة اللي عيشتها معاه مكانتش قليلة برضوا وصعبت عليا الدنيا.
إتكلم عمار وقال بتشجيع
_ يلا بينا يا غزل إنزلي وأنل معاكي.
بصيتله دقيقة وأنا في تردد وحيرة ولكن تشجيعه ليا حتى بالنظرات خلاني آخد الخطوة وأنزل من العربية.
مشينا ونزل ورانا هالة وخطيبها 
وصلنا عند باب الشقة بتاعتنا وخبطت.
ماما اللي فتحت الباب وأول ما شافتني صړخت وحضنتني بسعادة وهي پتبكي وقالت
_ بنتي حبيبتي كنت فين يا ضنايا
بصراحة مبادلتهاش الحضن كنت في حالة تبلد مشاعر غريبة
رغم الإشتياق ورغم المشاعر اللي كنت حاسة بيها وأنا جيالهم في الطريق.
إتكلمت بجمود وقولت وأنا ببعد عنها تحت إستغرابها
كنت في جهنم مكان ما سفرتوني عشان تخلصوا مني نسيتي يا ماما ولا إي
بصتلي بدهشة حقيقية وهي مصډومة ومقدرتش ترد عليا ولكن بابا جه بسرعة وراها هو وشريف اللي أول ما شافني إتكلم پغضب وقال وهو جاي يضربني
_ أنا هعرفك إزاي تعملي عملتك وتهربي مني.
بعدت خطوتين بسرعة ولكن عمار وقفه وقال بزعيق
إياك تفكر تقرب منها صدقني وقتها هتكون في خبر كان.
بصله شريف بغرابة وكإنه لسة واخد باله منه وقال
_ وإنت مين بقي
الي هربت معاه
مسكه عمار من رقبته وكتم عليه التنفس وقال پغضب
إياك حتى تفكر تضر سمعتها أو تتكلم نص كلمة عليها إنت عيل ناقص وعمرك ما هتبقى راجل.
قربت بسرعة من عمار وبعدت إيده عنه قبل ما ېموت في إيديه بسبب إنه فعلا كان بيتخنق وكمان خطيب هالة كان بيحوش معانا لحد ما بعدناه.
إتكلمت وقولت بخضة
_ إنت بجد عايز تضيع نفسك عشان دا!
فضل شريف يكح وياخد نفسه بالعافية وبعدين قال وهو باصص جامد ل عمار
أنا شوفتك هناك إنت اللي ساكت فوقينا صح يبقى هي طول الأيام دي كانت عندك فوق بقى.
كان عمار المرة دي رايح وهيخلص عليه بجد بس كلنا وقفناه بصعوبة ومنعناه إتكلم پغضب وقال بټهديد
_ والله لولاهم كان زمانك دلوقتي مش موجود على الدنيا إسمع يا بتاع إنت إنت هتطلق غزل ودلوقتي وإلا والله ما هعمل حساب حد ومش هطلعك من هنا غير على قپرك.
إبتسم شريف بسخرية وقال بإستهزاء
طلاق مش هطلق وحتى هتجوز وأعيش حياتي وأسيبها هي زي البيت الوقف.
إتكلم عمار بتساؤل وتحذير وقال
_ دا أخر كلام عندك يعني
إبتسم بإستفزاز وقال
أيوا أخر كلام عندي.
بعد عننا وبعدين راح ناحية شريف ومسك راسه بين دراعه ودخل بيه الشقة رغم رفض شريف ومحاولاته البائسة عشان يفلت منه.
قبل نا عمار يقفل الباب قال
_ تعالي يا غزل انت ووالدك ومحدش تاني يدخل دلوقتي.
دخلنا بالفعل وثبته عمار على الحيطة وفضل يضرب فيه بدون توقف رغم محاولاتي عشان أمنعه ولكن كان بيزعقلي ويقول
_ مالكيش دعوة إنت.
لحد ما وش شريف جاب ډم وإتكلم وقال بضعف ووهن
خلاص خلاص هعملك اللي إنت عايزه.
بعد عمار عنه ووقع شريف في الأرض مش قادر يسند طوله 
إتكلم عمار وقال
_ يلا طلقها بالتلاتة.
إتكلم شريف في محاولة لمراوغة عمار وقال
بس دا كدا هيبقى طلاق إجباري!
إبتسم عمار بسخرية وقال
_ طب ما هو من البداية كان زواج إجباري!
ولا إي يا عمي
خلص كلامه وهو بيبص لبابا اللي كانت عينيه في الأرض بعد الجملة دي والندم بياكل فيه بعد