روحت اقدم لابني في المدرسة اكتشفت إني مش متجوزة

بهدوء مخيف
هو في أمان لحد دلوقتي.
الكلمة دي كانت أخطر من أي ټهديد.
لحد دلوقتي
يعني إيه لحد دلوقتي؟!
اتحركت ناحيتهم وأنا مش حاسة برجليا
إنتوا عايزين إيه من طفل؟! ابني مالوش علاقة بأي حاجة!
الراجل الأبيض رد
لا يا منى هو بالذات ليه علاقة بكل حاجة.
سكت لحظة، وبعدين كمل
أدم مش مجرد ابنك أدم هو الدليل الحي.
قلبي وقع.
دليل على إيه؟!
طارق أخيراً اتكلم، وصوته كان مختلف أهدى، كأنه بيتكلم من مكان بعيد
على الحقيقة اللي أبوكي حاول يدفنها وحسام حاول يسرقها وأنا حاولت أهرب منها.
بصيت له پصدمة
إنت كنت عارف؟! كنت عارف كل ده وسايبني أعيش في الكدبة؟!
نزل عينه للأرض لحظة.
أنا كنت جزء من الكدبة مش ضحيتها.
وفجأة
الراجل الأبيض رمى ملف تقيل على الترابيزة.
فتحته بإيدي المرتعشة
صور.
تقارير.
وأسماء.
وكان في أول صفحة عنوان واضح
مشروع النسب البديل.
بصيت له وأنا مش مستوعبة
إيه الكلام ده؟!
قال بهدوء
أبوكي كان شغال في مشروع خطېر بيتحكم في الهويات، في النسب، في تسجيل الأطفال يعني باختصار بيعيد كتابة حياة الناس على الورق.
سكت لحظة، وبعدين ضړب الجملة الأقسى
وأدم اتسجل غلط عمدًا عشان يبقى مفتاح المشروع كله.
وقتها الدنيا بدأت تلف بيا.
كل حاجة كنت فاكرة إنها حياتي
كانت ملف متكتب من غيري.
بصيت لطارق
إنت دخلت حياتي ليه؟!
رد بصوت مكسور لأول مرة
عشان لو ما كنتش دخلت كان غيري هيقرب منك بنفس الطريقة بس النهاية كانت هتبقى أسوأ بكتير.
في اللحظة دي
صوت خبط جامد جه من بره الشقة.
مرة واحدة.
وبعدين صوت تاني
أقوى.
الراجل الأبيض بص ناحية الباب وقال بهدوء
واضح إنهم وصلوا أسرع مما توقعت.
بصيت لهم بړعب
هم مين؟!
طارق رفع عينه وقال
الناس اللي مش عايزة الحقيقة تطلع بأي شكل.
والباب
بدأ يتكسر من بره خشبة الباب بدأت تتشقق كأنها مش باب شقة كأنها حاجز بين حياتي كلها وبين حاجة أكبر بكتير مني.
الخبطات بقت أسرع.
أقوى.
وفي كل خبطة، كنت بحس إن قلبي بيقع سنة لورا.
افتحي الباب!
صوت رجالي غليظ من بره.
مش صوت واحد دول أكتر من واحد.
الراجل الأبيض الشعر اتحرك بسرعة ناحية الشباك، بص بره، وبعدين لف بسرعة وقال
مفيش وقت.
طارق مسك إيدي لأول مرة بجد، وقال بصوت واطي
لو خرجنا من هنا متسأليش عن أي حاجة دلوقتي. امشي بس.
سحبته إيدي بسرعة
أنا مش هسيب ابني!
الراجل الأبيض رد بحدة لأول مرة
ولا هتقدري توصلي له لو فضلتي واقفة هنا!
وفي اللحظة دي
الباب اتكسر.
خشب طار في كل اتجاه.
دخلوا.
أربع رجال لابسين لبس مدني، لكن نظراتهم كانت أبرد من أي شرطة.
واحد فيهم قال وهو بيبص عليا
أخدوا الطفل والباقي يتشال من الطريق.
جسمي كله اټشل.
طارق فجأة وقف قدامي، كأنه اتغير في ثانية، وقال بصوت عالي
مش هتاخدوه!
واللي حصل بعدها
كان صدمة.
الراجل الأبيض رمى حاجة صغيرة على الأرض زي جهاز.
وفي لحظة واحدة
النور رجع وانقطع تاني بسرعة ومعاه صوت صفارات إنذار بعيد بيقرب.
الرجالة اتلخبطوا.
واحد فيهم صړخ
في كمين!
البيت كله بقى فوضى.
في وسط الدخان اللي بدأ يملى المكان، حسيت بإيد بتشدني من ورا.
طارق
يلا!
طلعنا نجري من باب خلفي ضيق، بننزل سلم مظلم بسرعة چنونية.
صوت خطوات وراينا بيقرب.
وأصوات صړيخ
ما يهربوش!
نزلنا لحد ما خرجنا على شارع جانبي فاضي تقريبًا.
وقفنا نلتقط نفسنا
لكن الراجل الأبيض مكنش معانا.
بصيت حوالي بړعب
فينه؟!
طارق بص قدامه وقال جملة غريبة
هو عمره ما كان بيهرب هو كان بيقودنا.
وفي اللحظة دي
موبايل طارق رن.
بص عليه ووشه اتغير تمامًا.
رفع عينه ليّ وقال
مش هتعجبك المكالمة دي.
مسك السماعة
وحطها على ودنه.
وصوت جاي من الناحية التانية وصلني أنا كمان رغم البعد
منى لو عايزة ابنك يرجع تعالي لوحدك.
سكت لحظة.
وبعدين نفس الصوت كمل
لأن الحقيقة الكبيرة لسه ما اتقالتش.
والخط قطع.
لكن على شاشة موبايل طارق
ظهر موقع.
مكان واحد بس.
مكتوب تحته
هنا بدأ كل شيء وهنا هينتهي وقفنا في الشارع الضيق،