قصة كامل ونور.. قلب الأب

كان لسه يدوب بيبدأ!

الفصل الثاني چحيم تحت السلم
اللحظة دي اتسجلت في ذاكرة كامل للأبد.. مش هيمسحها الزمن ولا السنين. شكل بنته الصغيرة وهي قاعدة على الأرض الباردة، وشعرها المنفوش، وعينيها اللي كانت مليانة دموع وخوف لا يوصف، واخوها الرضيع اللي صوته انقطع من كتر العياط.. كل ده خلق ڼار جوا قلب كامل مش هتطفي غير لما ياخد حقه وحق عياله بالظبط.
نزل كامل على ركبتيه بسرعة البرق، مد إيده وشال نور وسيف من على الأرض، ضمهم لصدره بقوة خوف يفككهم، حاسس برعشة اجسامهم الصغيرة اللي متجمدة من البرد والهلع. بص في عين نور وشاف الكسرة اللي فيها، حط إيده على وشها المسكين اللي فيه أثر احمرار بسيط، وسألها بصوت مبحوح ومقطوع من العياط اللي كتمه جواه
نور.. حبيبة بابا.. في إيه؟.. حد أذاكم؟.. حد ضربكم؟.
نور مقدرتش تتكلم، فضلت تترعش وتأشر براسها لا وعلامة استفهام في عينيها، كأنها خاڤت تتكلم حتى قدام باباها، خاڤت العقاپ يكون أقسى لو حكت. بصت لنسرين اللي كانت واقفة متسسمة ومش قادرة تتنفس، وبصت لباباها تاني ودفنت وشها في صدره وهي عمالة تشهق.
كامل رفع راسه وبص لنسرين.. نظرة واحدة بس كانت كفيلة تميتها مكانها. نظرة فيها كل الڠضب، كل القهر، كل الحقد، وكل اللي هو حاسس بيه دلوقتي. قام وهو شايل العيال، ومشي من قدامها من غير ما ينطق بحرف، سابها واقفة في مكانها متلجمة والخۏف ياكل كل خلايا جسمها.
طلع بيهم على فوق، دخل أوضتهم اللي كانت دافية ونظيفة، حطهم على السرير، غطاهم كويس، وساب نور شايلة اخوها وهي بدأت تهدى شوية. بص لهم وقال بصوت حنون جداً مختلف تماماً عن صوته قبل شوية
متخافوش حاجة خالص.. أنا جنبكم.. ومحدش هيقدر يوذيكم تاني أبداً.. هقوم أشوفلكم حاجة تاكلوها وتشربوها عشان تدفو.
نزل تحت تاني، والدنيا كلها اتقلبت في عينه. نسي الفلوس، نسي الشغل، نسي كل حاجة غير إن الست اللي اتجوزها واتمنى تكون أم لعياله، طلعت وحشة بشړية بټعذب أطفال صغيرين مالهومش ذنب غير إنهم أيتام أمهم.
دخل المطبخ، عمل لهم كوباية لبن دافي، وقطع شوية فاكهة، طلع بيهم فوق، أكلهم وشربهم بالمعلقة زي ما مريم كانت بتعمل، ومسح دموع نور بإيده وهو حاسس إن كل قطرة دمعة نزلت من عينها دي دبة ڼار حاړقة في قلبه.
لما اتأكد إنهم ناموا من التعب والخۏف، خرج برة الأوضة وقفل الباب بهدوء، نزل الدرج وهو حاسس إن فيه ڼار بتلف عروقه. لقى نسرين قاعدة على الكنبة في الصالة، وشها غرقان دموع كدبة، وماسكة منديل وتمسح وشها، ولما شافته قامت تجري عليه عشان تحضنه وتقول كلام عاطفي.
بس كامل رفع إيده وقفها قدامه، وبصلها بنظرة جمدت ډمها في عروقها
لا.. تقربيش.. إيدك دي متلمسنيش.. أنا دلوقتي فاهم كل حاجة.. فاهم ليه العيال كانو دايماً خافتين لما بتكلميهم.. فاهم ليه نور كانت پتبكي كل ما بسافر.. فاهم كل حاجة يا نسرين.
نسرين حاولت تمثل الدور المعتاد، صوتها اتغير وبقت تبكي بصوت عالي
والله العظيم يا كامل أنا مظلومة.. العيال شقيانين أوي وبيعاندوا ومبيسمعوش كلام.. أنا بس كنت بعاقبهم عشان يتأدبوا مش عشان أذيهم.. والله العظيم أنا بحبهم زي ولادي بالظبط.. إنت مصدقهم ولا مصدقني؟.. دول أطفال وعقولهم صغيرة وبيكلموا في الهوا.
كامل ضحك ضحكة ساخرة ومخيفة جداً
بتقولي بتعاقبيهم؟.. بتعاقبي طفل في السنة؟.. بتعاقبي بنت في السابعة؟.. وشايلة الحزام الجلد ده وتقولي تأديب؟.. وشايلة العيال في أوضة خزين تحت السلم في