قصة كامل ونور.. قلب الأب

لو طال.. هيعود في يوم ويقصف جبهة صاحبه.
وتبقى الجملة اللي ختم بيها كامل قصته دايماً
العيال مش عفش نسيبه في البيت.. العيال قلوب بتدق.. ومشاعر بتتأثر.. واحتاجة للحنان والأمان أكتر ما هي محتاجة للأكل واللبس.. خلي بالكم من عيالكم قبل ما يفوت الأوان.
الفصل السادس چرح في الظلام.. وبداية شفاء
السنين مش بتمسح كل حاجة.. ولا بتمسح الذاكرة، ولا بتمسح صور محفورة في العقل زي النقش على الحجر. بعد ما نسرين راحت، والقصر رجع فيه نسمة راحة وأمان، كامل كان فاكر إن الدنيا هتبقى وردية وخلاص، وإن الچرح هيلتئم وينسى. بس الحقيقة إن الصدمة اللي حصلت لنور وسيف كانت أعمق بكثير من ما يتخيل حد، وكانت بطلع في أحلامهم، وبطلع في ردود أفعالهم الغريبة اللي كانت بتكسر قلب كامل كل شوية.
في ليلة من الليالي، والجو كان بارد والريح بتعوي برة، كامل كان قاعد في مكتبه بيراجع شوية أوراق، وفجأة سمع صوت صړيخ جاي من أوضة العيال. قلبه وقع في رجله، وقام يجري بسرعة البرق لفوق، فتح الباب ولقى نور قاعدة على السرير وهي بتصرخ وتبكي وعينيها مغمضة ومش شايفة حاجة قدامها.
لا.. بلاش.. أبوس إيدك.. مش هنعيط تاني.. خلي بالك من سيف...
كامل قفز عليها وحضنها جامد وهو بيحاول يفوقها من الکابوس
نور.. حبيبتي.. فوقي.. أنا بابا.. انتي في بيتك.. محدش هيعملك حاجة.. فوقي يا روحي.
نور فتحت عنيها ببطء، وبصت له وهي لسه مړعوپة وشهقاتها عالية، مسكت في هدومه جامد كأنها خاېفة يروح منها، وقالت بصوت مبحوح
بابا.. أنا شفتها.. شفت نسرين جاية ومعاها الحزام.. كانت عايزة تاخدني ونرجع تحت السلم تاني.. قالتلي إنك مش هتحميني.. قالتلي إنك هتسافر وتسبني تاني.
الكلام ده زي السکين اللي دخل في قلب كامل ودار فيه. عرف إن خۏفها مش من نسرين بس.. خۏفها من إنه يسيبها تاني.. خۏفها من الوحدة.. خۏفها من إن اللي حصل يتكرر. مسح دموعها بإيده اللي كانت مرتعشة، وقال لها وهو بيبوسها على راسها وعينيها
والله العظيم يا نور.. عمري ما هسيبك تاني.. ولا هسيب سيف.. حتى لو روحت في حتة، هاخدكم معايا.. ومحدش.. ومحدش هيقدر يوصل ليكم وأنا عايش.. انتي أمانة في رقبتي، واللي يفكر يأذيكم لازم يعدي من فوق چثتي الأول.
حطها في حضنه وفضل يهدهدها ويقرا عليها آيات قرآن لحد ما هدت ونامت تاني، وهو سهران عليها طول الليل، بيبص على وشها المسكين اللي لسه فيه أثر البكاء، وقاعد يفكر ويفكر.. إزاي واحدة ست قلبها قاسې كده تيجي على طفلة بريئة زي دي؟.. إزاي قلبها ما رقشش؟
وفي اليوم التاني، قرر كامل ياخد قرار مهم.. قرر يغير جو العيال تماماً، يبعد عنهم أي ذكرى مؤلمة، يغير ترتيب القصر، يقفل أوضة الخزين اللي تحت السلم خالص ويحولها لمخزن عادي ومحدش يقرب منها، وينقلهم لأوضة جديدة كبيرة وجميلة مليانية العاب وضوء وشمس.
وكان عازم إنه يسافر بيهم لمدة شهر كامل في بلد تانية، جوها دافي وشعبها طيب، عشان يغيروا طاقة المكان، وعشان ينسوا شوية.

الفصل السابع رحلة نحو النسيان.. ورحلة نحو الذكريات الجديدة
سافروا لدولة أوروبية جميلة، المدن فيها نظيفة والطبيعة خضراء والجو جميل. كامل ترك كل شغله وكل هموم الدنيا ورا ظهره، وكرس نفسه بالكامل للعيال. كان بيصحى بدري يجهز ليهم الفطار، بياخدهم يتمشوا في الحدائق الواسعة، بيوديهم الملاهي الكبيرة، بيشتري ليهم كل لعبة تشوفها عينيهم، وبيحاول يزرع في قلوبهم ضحكة جديدة مكان الدموع.
في يوم من الأيام، وهم قاعدين