مشاعر موقدة بقلم فاطيما يوسف

وهو يضم حاجبيه وعبس وجهه ليصيح بها غاضبا 
استني هنا انا لسه ما
خلصتش كلامي واوعاكي تتحركي من قدامي بعد كده قبل ما اخلص كلامي ما تحاوليش تتجاهليني يا ليلى ابدا وزي ما انت ليلى انا زيد 
ثم سأل مستفسرا بدهشة لما تفوهت به 
انت ليه متخيلة إنك لما ترتبطي بيا مش هخليكي تنجحي وهشغلك عن مستقبلك !
هو أنا فاشل في وجهة نظرك قووي كدة !
انت أكيد شايفة انا ناجح قد ايه ووصلت لمكانة في سن صغير ما فيش مدرس وصل لها قبل كدة صاحب أكبر سنتر دروس على مستوى المنصورة وليا منصات بيدخلها آلافات الطلاب وبتزيد كل يوم عن اليوم اللي قبله 
ثم حاول تهدئه نبرة صوته عندما رأى علامات الذعر على وجهها من محاوطته لها ليكمل بحنو كي يجعلها تهدأ وأن لا يمتلكها الړعب الشديد منه 
يا ليلى انا عمري ما هخليك تفشلي ابدا وعمري ما هعطلك عن نجاحك 
بالعكس انا هشجعك وهديكي خبرات اكتر وهوصلك لمكانة معايا من النجاح اكتر ما بتتمنيها بس اديني فرصة واحدة تستوعبي فيها ان انا بجد بحبك وعايزك في حياتي 
حاولت التململ من قبضة يديه المحيطة بها وهي تتحرك بعشوائية أمامه وتحاول الفكاك من حصاره ولكنه أمامها يقف محاوطا إياها وكأنه يديه قبضة من حديد كي لا ينتهي النقاش بينهم قبل أن يحصل منها على عهد ووعد بأنها وافقت أو حتى كونها ستفكر بمطلبه لتصيح به بنظرات ن ارية وهي تلكزه بقبضة يديها الصغيرتين في عضلات صدره القوية 
ابعد عني وسيبني أمشي من هنا انت لا يمكن تكون انسان عاقل ! 
ازاي تحتجزني بالشكل ده وتقرب مني بالطريقة دي ! 
لو مبعدتش عني انا هبلغ عنك وهوديك في ستين داهية وهفضحك في كل مكان وهخلي سمعتك واسمك اللي انت بتتباهي بيهم في الأرض يا مستر 
ثم على صوتها بصياح عال لكنه لم يهزه أمامها 
شيل ايدك اللي لمساني ومحاوطاني دي مش من حقك تقرب مني ولا تلمسني مهما كانت اسبابك انا ما حدش يلمسني ولا يقرب مني الا أبويا وامي وزوجي مستقبلا 
تهدجت أنفاسه بإرهاق لتشبس وعناد تلك الليلى ومع كل كلمة تنطقها يزداد ولها وشغفا بها ثم ض رب بقبضة يديه الحائط خلفها ليصيح پغضب مماثل لها وهو يجز على اسنانه
كفاية عناد بقى انا تعبت معاكي بقى لي اسبوع بكلمك وبحاول معاكي باللين وانت اللي في دماغك في دماغك 
هو انت قلبك ده ايه !
حجر حديد !
المفروض ان اي بنت مكانك لو شافت حد بيحبها ومتعلق بيها بتحس وكمان بتبقى فرحانة ان حد بيحبها وخصوصا لما يكون الحد ده مناسب ليها وكمان مستواه المادي والاجتماعي هيودوها في حتة تانية خالص 
رفعت حاجبيها وتسائلت باستنكار 
المستوى المادي والاجتماعي ! طب والمستوى الاخلاقي بالنسبه لحضرتك ايه 
اولا انا مستوايا المادي والاجتماعي الحمد لله شبعانة جدا وبابا مش مخليني ناقصني حاجة أبدا بلبس أحسن لبس وباكل أحسن أكل وعايشة أحلى عيشة وبيخرجني وبيفسحني ومش حارمني من أي حاجة من اللي بتحبها البنات اللي انت بتتكلم عنهم 
ثانيا بقى انا كليلى يهمني المستوى الديني والأخلاقي فوق ما تتخيل انا ممكن اتجوز واحد في أوضة ويجمعني معاه الحب الحلال ويكون بيعرف ربنا كويس قوي بس اكون انا أول واحدة في حياته وآخر واحدة ولا إني اتجوز واحد البنات حواليه زي الرز ويوم ما يفكر يتجوز مش هتعجبه واحدة لأن عينه فارغة اول ما ياخذ منها اللي هو عايزه ويعرف إنها مضمونة وموجودة قدامه على طول هيفكر في غيرها وېخونها بدل المره ألف وده لأنه ما عندوش مستوى اخلاقي يا مستر 
أخذ نفسا عميقا ثم زفره بهدوء وتحدث مترجيا إياها
صدقيني يا ليلى انا عمري ما هخونك ويوم ما هرتبط بيكي هلغي كل علاقاتي مع
اي واحدة انا زيي زي اي شاب بيكلم بنات ونادرا ما لما تلاقي واحد عمره ما كلم بنت علشان ما توهميش نفسك بس يوم ما هتوافقي بيا وتكوني ليا عمري ما هجرحك ولا هخونك هبقى كتاب مفتوح قدامك وانت هتشوفي كدة بنفسك 
الخاېن بيبقى باين واللي بيعمل اي حاجة في السر والضلام مسيره بينكشف ولو وقتها اكتشفتيني وعرفت ان انا خنتك او جرحتك او ظلمتك استغني عني وامشي من حياتي وصدقيني وقتها انا مش هلومك وهديكي كامل حريتك 
دققت بالنظر داخل عيناه بترقب شديد لباقي كلماته وبعد ان انهى هرائه بالنسبة لها نطقت باستفسار
وانا ليه افضل دايما شاغله بالي بالانسان اللي معايا اذا كان بيخوني ولا لا !
ليه اعيش دايما في شك وظنون ان شريك حياتي له علاقه بحد غيري او يعرف بنات غيري او انا بس لوحدي اللي كفيله أملى عينه
واسترسلت حديثها بتعقل
ما تفكرش يا مستر ان انا ما اعرفش عنك حاجة بس انا اللي ما ليش فيه ما بتدخلش فيه وبسمع من هنا وبفوت من هنا وكأني ما بسمعش حاجة 
حضرتك ليك شهرة واسعة في علاقاتك مع البنات وطريقة كلامك معاهم وما تفكرش ان انت بتكلمهم كلهم بيداروا على مشاعرهم وبيخبوا طريقة كلامك معاهم بالعكس في منهم كتير قوي هوائيين شكلك بالضبط بيخرجوا مكالماتك معاهم على الملأ وبيتباهوا بيها كمان ولعلمك انت هتشيل معاهم ذنب تجاهرهم بالمعصية وفي الآخر عايزني انا كبش الفدا لقلبك ده في أحلامك وفي خيالك المړيض إن أنا أكون ليك 
اتسعت دائرة عينيه بذهول لما تفوهت به وهو ينفيه تماما ويبرر أنهم يقومون بالادعاء الباطل عليه 
هو أي إشاعة تتقال قدامك تصدقيها !
وأي بنت تافهة تقول اي كلام ليكي عني تصدقيها !
انت كنت شفتي بعينيكي او سمعتي بودانك علشان تحكمي ولا انت عايزة شماعة تعلقي عليها أسباب رفضك ليا على الفاضي !
ما انا اتكلمت معاكي في الأول كذا مكالمة ما لقيتيش مني أي إساءة للأدب وياك كل دول أعداء النجاح وكل دول عايزيني اتكلم معاهم وىدخل معاهم في علاقات ما ينفعش ان انت تحكمي عليا من مجرد كلام وخلاص 
ابتسمت ساخرة لدفاعه الباطل ظنا منه بسذاجتها 
انا ما تقارنش بحد أول مكالمة ليك معايا لولا ان أنا وقفتك عند حدك كنت هتتكلم معايا بنفس الطريقة اللي انت بتتعامل بيها كل يوم مع كل البنات بس انا مش زي البنات وما تغرنييش المناظر ولا الكلمات المعسولة ومهما فرشتي لي الأرض ورد والسما نجوم والأحلام هيام وغرام مش هيأثر في رأيي علشان انا مش هوائيه ولو سمحت بقى كفايه لحد كده انا عايزة امشي وبرده المكان ده انا مش داخلاه تاني حتى لو هسقط في المادة دي أو مش هجيب فيها المجموع اللي انا عايزاه بس هكون احتفظت باحترامي لنفسي واحترامي لديني وربي ولابويا اللي رباني ولأمي اللي تعبت عليا ولا
يمكن أخذلهم ابدا مهما كان 
كان يتشبع النظر في ملامحها القوية وهي تتحدث قوة وشموخ وكلما نطقت حرفا كلما ازداد احتياجا لقربها كلما رفضته كلما عانده قلبه بأنها وحدها له لا لغيره وحينما نطقت عدم مجيئها إلى هنا حينما دق قلبه پعنف داخله بأنها ستبتعد وستتركه وحتما لم تريه وجهها الذي بالنسبة له طاقة النور لضيائه فهو قد أضاف يوما زيادة لمجموعتهم خصيصا لأجل رؤيا ليلى ثم تراجع بخطواته وخفف قبضته المتمسكة بها ليترجاها 
خلاص يا ليلى ما فيش داعي انك تخسري مجموعتك ودرسك انا مرضالكيش الاذى او انك تنقصي درجه في الماده ممكن الدرجه دي تكون سبب في ان حلمك اللي انت بتحلمي بيه يتراجع اتفضلي احضري دروسك مع زمايلك وانا اوعدك ان انا مش هاجي ناحيتك تاني 
قرر أن يستخدم معها هدنة محارب كي لا يجعلها تفلت من أمامه كفى له أن يتشبع برؤية ملامحها الملائكية البريئة ولا أن يحرم منها ثم أذن لها بالخروج معتذرا لها بدهاء 
وبعتذر لك لو صدر مني اي تصرف سيء ازعجك واتمنى لك التوفيق والنجاح 
تعجبت من تغيره المفاجئ معها وصارت الأفكار تدور بمخيلتها وتعبث بثوابت التشبس بقراراتها وقلبها البرئ للعجب كان يدق پعنف داخل صدرها من اقترابه وشعورها بالدفئ في نظرات عينيه أصابتها برجفة في جسدها بل وخاڤت وغارت على قلبها من أن ېخونها ويعشق خائڼ أيعقل أنه عشقها لدرجة أنه اعتذر وندم كي لا يخسر تواجدها معه وأمام عينيها طيلة أربعة أيام من كل أسبوع !
أيعقل أنه تعلق بها بالفعل ولم ېكذب عليها ويوهمها بالعشق وأنه لا يريد إيقاعها في شباك مرماه الخادعة وأنه أراد الليلى بقلبها وروحها ودينها والتزامها وأنه سيك سر الأسلاك الشائكة التي تضعها حول قلبها ومراهقتها 
أسئلة واستفسارات كثيرة ومعادلة صعبة للغاية لم تستطيع ليلى صاحبة حل أصعب المعادلات أن تحلها فرت من أمامه وقلبها الضعيف الأخضر اليانع يكاد يقفز من بين ضلوعها بسبب اقترابه الشديد وعينيه صاحبتا السهم القوي سهم الهوى التي تعلقت بعينيها ولم تنسى نظراتهم أو لونهم وجسدها المفكك من أثر حصاره السد المنيع وكأنه يريد بتلك الحركة أن يجعلها تشعر بأنه مدينتها وهي الساكن الوحيد داخلها فرت بمشاعر موقدة داخلها ولكن فؤادها يحاول جاهدا إخماد ني رانها 
ليلا وبالتحديد في الساعة الحادية عشرة مساء في ليلة شتوية يجلس ذاك الهاشم يسمع صوت المطر ويشعر بلمسات الدفء من من برودة أعصابه ينتظر قدوم صديقيه يحيي و زيد وحيدا في ساعة شتوية ممطرة 
و وحده الشتاء قادر على تعرية الجميع وقادر على رسم الصورة الحقيقية لكل إنسان هو فصل الحقيقة الخاوية من التزيين فصل الحب الصادق أو الابتعاد الصادق و على الرغم من سكون وهدوء ليالي الشتاء إلا أنها توقظ ضجيج القلوب وتدفعها نحو التجدد والتحدى 
كان يجلس في عوامته المغطى سطحها من الأعلى نظرا لجو الشتاء القارص وهي ترسى على شاطئ البحر ينتظر قدوم أصدقائه كي يتحركوا بها مثل كل ليلة وأمامه الن يران موقدة كي تعطي المكان دفئا كي لا يشعروا ببرودة الجو بعد قليل وصل يحيي وتبادل السلام مع هاشم ويليه زيد وعلامات الوجوم تصحب وجوههم الثلاثة باكتساح ومن يراهم حقا يجزم بأنهم مض روبون على رؤوسهم وكأن الطير أكلهم 
تحركت العوامة وكل منهم يجلس على الأريكة ووجوهم للبحر وتمددت قدماهم على أريكة أمامهم وصوت المذياع يصدح بأغنية
ما تفوتنيش أنا وحدي ما تفوتنيش أنا وحدي
ما تفوتنيش أنا وحدي أفضل أحايل فيك
ما تخليش الدنيا تلعب بي وبيك
ما تفوتنيش أنا وحدي ما تفوتنيش أنا وحدي
ما تفوتنيش أنا وحدي أفضل أحايل فيك
ما تخليش الدنيا تلعب بي وبيك
خلي شوية علي وخلي شوية عليك
خلي شوية عليك خلي شوية عليك
خلي شوية علي وشوية