عشق بقلم سولية نصار

لما تديلك فرصه تانيه وسامحتك لازم الإنسان يدى فرصه تانيه لل بيحبهم وكان طارق بيلمح بكلامه على ملك
وانت ناسي انا لما كنت موجود وهي كان مغمى عليها نزلت بسرعه وبعت بنت عم لطفي وكمان نبهت علي بيتر يجيب ممرضات بنات
وكمان بيتر نبه عليهم ما فيش دكتور راجل يكشف عليها او يشوفها وفي الاخر تعمل كده انا مخاصمك
ادم انا بجد يا طارق مش عارف اودي جمايلكو فين
طارق وديها عند مصطفى عزيز علشان يجوزني بنته ههههه
ادم لا بجد شكرا انت انقذت مريم وانقذت حياتي
طارق ثواني اجيب منديل علشان دمعت ما خلاص يا روميو انت لو كنت مكاني كنت هتعمل واكتر من كده
وكمان مش عايزك تزعل من رنا والله فعلا زعلانه جدا من نفسها والكلام اللي قالته ليك
ادم انا مش زعلان ده كان رد فعل طبيعي منها هي لو مش بتحب مريم ما كنتش هتعمل كده رنا زي اختي الصغيره وانا مش زعلان منها
طارق كان هيفتح موضوع ملك لكن اجل الكلام لفتره
طيب يا عم الحمد لله انك مش زعلان بس تعرف الواد بيتر ده جدع
ادم بيتر جدع جدا وصاحب صاحبه انا هاكلمه تاني بكره اشكره على اللي عملوا معايا بجد انتو احلى صحاب واخوات في الدنيا
طارق ثواني اجيب منديل علشان دمعت تاني ههههه
ادم ابو فصلانك يا اخي غور بقى من هنا
طارق لو مش عاجبك طلقني
ادم طب يلا وانت من اهله بقى روح نام علشان تروح الشغل بكره وما تنساش تقدملي على اجازه اسبوع ماشي
طارق علم وينفذ يا فندم تصبح على خير
ادم وانت بخير
ادم قفل مع طارق وقف شويه في البلكون على ما مريم تصلي وكان بيفكر كتير ف كلام طارق لازم الل بيحب حد يديله فرصه تانيه ياترى قصدك ايه يطارق بالكلام ده وبعدها دخل
جوه شاف مريم واقفه في المطبخ ولسه بتجهز تعمل الكابتشينو
ادم ساند بكتفه ع الحيطبتعملي ايه
مريم لسه ما عملتش حاجه هاعمل كابتشينو
وفتحت التلاجه شافت فيها ما لذ وطاب ايه ده انت جبت الحاجات دي امتى!!
ادم كلمت عم لطفي وبعته يجيبلي الطلبات دي لما بنته كانت بتروق البيت
مريم اممم طيب اعمل كام ساندوتش كده ناكلهم انا وانت واحنا قاعدين لو كان لسه بدري كنت عملتك كيك
ادم بتعرفي تعملي كيك
مريم طبعا ده انا استاذه
ادم لما نشوف وقرب منها
مريم احم
ادم سكرك كام
مريم ها
ادم قرب من وشهابقولك سكرك كام
مريم وا واحده معلقه واحده
ادم طيب تعالي ووطى وشالها وقعدها على ترابيزه المطبخ وهي ھتموت من الخجل
مريم انت شلتني ليه!!
ادم علشان اعمل الكابتشينو والساندوتشات
مريم لا لا انا هاعملهم
ادم اقعدي مكانك وانا الل هاعملهم
مريم بحرج احم ما ينفعش
ادم قرب منها وحوطها وهي قاعده من وسطها طول ما انتي تعبانه انا اللي هاعمل كل حاجه وقرب منها اوي
مريم خلاص هتتشل مكانها طيب اعمل اللي يريحك
ادم يعني اعمل اللي يريحني
مريم هزت راسها ايوه
ادم قرب منها وباسها بوسه طويله واخدها في حضنه
ادم احضنيني اووي
مريم غمضت عينيها
وحضنته وبعدها شويه خرجها من حضنه وبص ليها
ادم شكرا
مريم على ايه
ادم لاني كنت محتاج حضڼ زي ده
مريم نزلت وشها في الارض من الكسوف هتعمل الكابتشينو امتى
ادم اتحرك ثواني وهكون مخلص الكابتشينو والساندوتشات
ادم بيعمل السندوتشات وبيعمل في الكابتشينو و مريم بتتفرج عليه وكانت مبسوطه ومبتسمه وهو شغال
ادم بصلها اضحكي مبسوطه طبعا وانا شغال
مريم مش اوي بكره تتعلم كل حاجه
ادم اه انتي داخله على طمع بقى على العموم انا قدمت على اجازه اسبوع كامل اقعد معاكى فيه علميني كل حاجه
مريم فرحتبجد اخدت اجازه
ادم ايوه قولت لطارق يقدملي عليها من بكره وهقعد معاكي ياستي وهاعملك كل حاجه
مريم سقفت بايديها بفرحه ده احلى خبر
ادم هو لازم نطلع البلكون دلوقتي
مريم حطت وشها في الارض واتكسفت قرب منها وباس جبينها ما تخافيش انا مش هاعمل حاجه غير لما الچرح اللي في وشك ده يخف خالص انا بس عايز نقعد في الليفنج شويه ونشغل التليفزيون ونقعد مع بعض واخدك في حضنى ايه رايك موافقه
مريم المكان اللي انت هتكون مستريح فيه انا كمان هابقى مستريحه فيه
ادم مريم انا بحبك مريم ادم وانا بعشقك
الطريق السريع
جمال بيطوح يمين وشمال وبيغني ومش شايف قدامه وكل شويه يجري ويقعد ويقوم وحاسس كأن في حاجات كتير حواليه وبيضرب الارض ويقوم يسقف بايديه وكان في حاله لا يرثى لها ومكانش حاسس باي حاجه بعدها كان في عربيه كبيره جدا جايه على الطريق والدنيا ضلمه وجمال ما كانش شايف العربيه ولكن فجاه جمال ظهر قدام العربيه كان شايفها عصفوره وبيضحك والراجل اللي جمب السواق حاسب حاااااسب حاااااااااااسب
يتبع
عدى كام يوم على ابطالنا الحلوين
ادم اخد اجازه اسبوع وكان جمب مريم ومن كتر دلاله ليها سماها أميرة قلبى وملهمته الوحيده وبيعاملها في كل لحظه وكأنها بنته مش مراته و مريم كانت مبسوطه جدا
ولكن هي كانت منتظره ان ادم يحكيلها عن ماضيه علشان عايزه تساعده وترجع اخته ملك وابوه لحضنه من تاني
ادم اخد مريم المستشفى وشالت الشاش والحمد لله ما كنش فيه اثر للچروح غير حاجات بسيطه جدا والدكتوره كتبتلها على كريمات وعلاج والاثار بعدها هاتختفي تماما فى غصون كام يوم
وادم رجع لشغله تاني وكان بيرجع ملهوف على اميرته مريم
و مريم كانت بتستناه بشوق كبير ولهفه وكانوا عايشين في سعاده وكان ياخدها في حضنه ويبادله الحب مع بعض
طارق كل يوم والتاني ينط لرنا في الجامعه وهي اتعلقت بيه جدا اكتر من الاول وطارق ھيموت ويتجوز رنا لانه خلاص مش قادر علي بعدها
ملك عرفت ان جاسر بيحبها وهي كمان اتعلقت بيه وكل يوم والتاني يتصل بيها علشان يقربها منه اكتر وهي بتروح احيانا تقضى معاه وقت في الشركه ولكن هي متغاظه من السكرتيره الموجوده في المكان
وملك خاېفه يكون حبها ل جاسر احتياج مش حب حقيقي فقررت تدي لنفسها فرصه علشان تشوف هي بتحب جاسر بجد ولا لا
هنا كل يوم تفكر في اشرف ان معقول هي فرحت كده اول ما عرفت انه بيحبها بقى هي ممكن تكون معجبه باشرف من زمان وهي ما كنتش عارفه
اما اشرف كل يوم والتاني يسال رنا وهي يا عيني مش مريحاه وكل شويه تقوله اصبر يومين وهكلمها
واشرف خلاص هينفجر منها على برودها معاه
وعبير بتعامل اشرف في الشركه زي ابنها الكبير وخاڤت تقرب منه بسبب طارق
طبعا جمال اټوفي اثر الحاډثه واهله دورو عليه وعرفوا انه في المستشفى وتوفي عن اثر حاډثه ولكنه كان متعاطي كميه كبيره من وهو اللي طلع قدام العربيه فجاه ومراته وابنه والست الكبيره نهاد اللي عايشه معاهم عايشين في حاله حزن شديده
وزياد رغم صغر سنه إلا أنه جرئ وعقله اكبر من سنه بكتير وحالف
لاينتقم لابوه
عاصم بيفكر انه خلاص كده لازم ياخد خطوه من ناحيه جاسر بعد ما حړق الدليل
ومفيش فايده ان هنا ترجعله لانها ما اتخطبتش هو فكر ان رنا بتقول كده وخلاص لانها لو كانت اتخطبت كانوا هيعمله حفله وجاسر هيعرفه
وفكر انه يمضي جاسر بعد ما بقى