عشق بقلم سولية نصار

ولابس بدله عريس في منتهى الجاذبية وجايب عربيه جميله جدا جدا جدا ومتزينه بطريقه خرافيه
مريم واقفه مصدومه ومش مصدقه وبتبص حواليها شافت نفسها في الشارع وفي عربيات وشافت اختها ومصطفى ومحمد وكل الناس منتظراهم بالعربيات بره وكمان شافت العرسان واقفين ورا ادم طارق وجاسر واشرف واقفين علشان كل واحد ياخد عروسته بالدور
مريم بصت تحت قدامها وكانت واقفه في قلب من الورد مرسوم على الارض كانت واقفه في نص القلب بالظبط
ادم قرب عليها قدام الناس كلها ونزل على ركبته ومسك ايدها تقبلي خاتم الجواز ده وتقبلى نعمل فرحنا انهردا
مريم مفتحه عينيها ومش مصدقه بجد والدموع في ثانيه كانت الرد على سؤاله
وادم لبسها الخاتم في ايدها وباس ع أيدها وقام وقف قدامها يا رب اكون بس حققت ولو جزء بسيط من احلامك
مريم لا اراديا اتنطتت وحضنته انا مش مصدقه مش مصدقه يا ادم انت انت اللي عملت كل ده انا يا ادم انا فرحانه جدا
اشرف قرب عليهم ايه
بقى خلاص عايز اشوف هنا بس يا مريم الفستان جامد عليكي ولا عينيكي في النقاب انت لو مكنتيش خالتي وقبل ما يكمل الكلمه كان كوع ادم في معدته قدام الناس
اشرف ااااه ابو اللي يعاكس حد يخصك تاني
ادم قرب على مريم ومد ايده ليها واخد ايديها حطها في دراعه اتفضلي يا اجمل عروسه واخدها وفتحلها باب العربيه وكانت العربيه دي هديه من بيتر وصمم انه هو اللي يسوق العربيه وكانت بجد عربيه فخمه جدا هنا نزلت وبعدها رنا وبعدها ملك وكل واحده عريسها جه يستقبلها اشرف باس هنا من جبهتها وايديها واخدها وراح على العربيه
كمان طارق جه ولما شاف رنا حضنها بدون مقدمات وقال بصوت عالي اخيرا انا بحبك اخيرا رنا بقت مراتي يا جدعان وكل الموجودين ضحكوا على جنون طارق
وجاسر كمان قرب من ملك وباس على ايديها وراسها واخدها على العربيه
كل عريس حط ايد عروسته ف دراعه واخد عروسته على العربيه وكانت الاربع عربيات اجمل من بعض وكانت كل عروسه ليها بريقها الخاص وكل عروسه في عيون عريسها شايفها اجمل واحده عن كل الموجودين ركبو عربياتهم وكانت زفه جميله جدا
بقلم
في عربيه ادم
مريم مكلبشه في ايده وبتتنفس بصعوبه وحاسه انها هيغمى عليها من الفرحه
ادم حس بيها وشال ايديها من ايده وباس على راسها اهدي مفيش حاجه انا حبيت اعملهالك مفاجاه يا رب تكون عجبتك
مريم عجبتني بس عجبتني دي ھټموټني انا حاسه ان قلبي بيدق بسرعه يا ادم
ادم پخوف طيب اهدي بقى وخلي فرحتنا تكمل احنا دلوقتي هنطلع نعمل سيشن
انا وانتي
مريم ادم انت عملت كل ده طيب ازاى وامتى انت كنت شاري فستان البسه النهارده وكمان قولتلي لازم البس العقد بتاع ماما نور انا لبسته
ادم بس بس اديني فرصه اجاوبك وهاقولك كل حاجه انا يا ستي لما عرفت ان فرحهم كلهم في يوم واحد قولت ليه لا اعمل انا كمان فرح ل مريم في نفس اليوم احنا ما بقلناش حوالي اربع شهور متجوزين يعني انتي لسه عروسه برده
وطارق قالي انه هيروح يختار فستان الفرح هو ورنا وانا قولتله يخليها تاني يوم ورحت هناك وانا قولتلك اني ورايا ماموريه وفهمت طارق على كل حاجه ونبهت عليهم كلهم ان ما حدش يقولك اني كنت موجود هناك معاهم واول مادخلت سنتر الفساتين عيني وقعت على الفستان ده وبجد بحمد ربنا ان ما حدش اختاره انا رحت حجزته اول واحد واشتريته كمان يادوبك اشتريته من هنا جت واحده عايزه تشتريه لكن الحمد لله وبعدها الكل استغرب وانا شرحتلهم كل حاجه ونبهت عليهم الموضوع يكون في السر
وكمان نبهت على هنا تتصل عليكى وكمان قولتلهم يتحايلوا عليكي تلبسي الفستان لمجرد انك تقسيه واتفقت مع الميكب ارتست وبس وجبتلك الجزمه والنقاب وكل مستلزمات لبس العروسه وكل ده تم بمساعده رنا طبعا وملك وهنا ونبهت عليهم لو انك عرفتي حاجه قبل ما تشوفيني انا هافركش الفرح للكل
مريم يعني الكل كان عارف حتى ابله شيرين
ادم بصراحه لا شيرين عرفت النهارده انا رحتلها وطلبت ايدك من شيرين ومصطفى هههههه والحمد لله وافقوا عليا
وانهردا اشتريتلك الخاتم ده خۏفت اشتريه قبل كده تشوفيه معايا
مريم عارف بجد بجد انا مبسوطه جدا انا مش عايزه حاجه من الدنيا تاني انت دخلت على قلبي فرحه كبيره جدا يا ادم
ادم يا رب دايما تعيشي مبسوطه وانتي معايا
مريم والعربيه دي دي هايله دي رهيبه بجد ما شاء الله اللهم بارك
ادم العربيه دي هديه من بيتر اول لما عرف قالي والله ما حد هايزفك غيري وكمان العربيه من عندي
مريم امال عربيتك فين
ادم عربيتي قدام البيت رحت لبست وركنتها وعزمت عم لطفي وبيتر جه خدني بالعربيه دي وجينا على هنا
مريم طيب وشغلك
ادم بصراحه ده اللي مزعلني
مريم ليه ياحبيبى
ادم رحت اقدم على طلب اجازه قالوا انهم محتاجيني بكره وبعده لكن بعد بكره اقدم على اجازه زي ما انا عايز انا اسف بجد يعدوا اليومين دول واخدك ونسافر
مريم ادم انا بعشقك بجد وبعدها اتكسفت وخاڤت لا يكون بيتر سمعهم
ادم ما تخافيش بيتر حاطط سماعه ومشغل ميوزك بصوت عالي ما تقلقيش انا مأمن كل حاجه انا بقى مش بعشقك وبس انا بعشق التراب اللي انتي بتمشي عليه ما تجيبي بوسه
مريم هههههه انت مش طبيعي انا بجد مبسوطه وحاسه اني طايره وعايزه ارقص
ادم نعممم ترقصي لا استهدي بالله كدا علشان مرنكيش العلقھ التمام
احنا دلوقتي كلنا هنطلع مع بعض نعمل سيشن حلو كده وبعدها هنطلع على قاعه الستات وما فيش راجل يلمحك انا لو اطول اشيلك وادخلك القاعه وماحدش يشوفك هاعملها وكمان لو اطول اعمى عيون كل رجاله العالم عنك هاعملها
مريم انا بموووووت فيك ربنا يخليك ليا يا رب
مريم حست بدوخه ومسكت راسها
ادم مالك يا حبيبتي تحبي نروح
مريم نروح لا طبعا واضيع يوم زي ده ابقى هبله ومجنونه
اشرف
جاب ل هنا عربيه مفتوحه من غير سقف
اشرف هنا انتي جميله اوي اوي اوي مبروك يا هنايا
هنا الله يبارك فيك انا مش مصدقه حاسه اني بحلم انا حاسه اني ملكه الدنيا كلها بايدي ووقفت وفردت ايديها انا بحبك يا اشرف بحبااااااااااااااك ودي كانت اول مره هنا تعترف ل اشعرف بحبها في العلن
اشرف اقعدي يا مجنونه هتوقعي نفسك خلي اليوم ده يعدي على خير
وانا كمان بعشقك
جاسر ماسك ايد ملك في العربيه وهي متوتره
جاسر انتي النهارده احلى واحده في العالم كله
ملك بتوتر متشكره
جاسر الف مبروك يا ملاكي
ملك الله يبارك فيك
جاسر مالك متوتره ليه
ملك مش عارفه حاسه اني خاېفه
جاسر حوطها بايده على كتفها طول ما انا جمبك ما تخافيش وبعدين باس على ايديها وقالها ما تقلقيش من اي حاجه اطمني انا مش هجبرك على اي حاجه انا بس مش طمعان غير في حضنك
ملك كلام جاسر طمنها وحطت راسها على كتفه انا بحبك اوي يا جاسر
انت عوض ربنا ليا انت رزق ربنا يجعل في قلبك الحنيه دايما من