عشق بقلم سولية نصار

هجهز السفره في ثواني
هنا ادم فهم كل تصرفات مريم وحللها في ثواني وقرب منها قدام ملك وحاوطها من وسطها وقربها منه كله تمام كل حاجه مشيت زي ما انتي خططتليها بالظبط وادم سامح ملك وملك صالحت ادم
مريم باحراج من ادم وملك كمان محرجه
مريم اي ده بجد انتو اتصالحتو وبعد كده بتشيل ايد ادم من على وسطها ادم ما يصحش كده شيل ايدك اختك قاعده
ادم ملك يا حبيبتي
ملك قامت بفرحهنعم يا ادم
ادم خدي السلطه دي وحطيها على السفره
ملك بفرحه حاضر وشالت الاطباق وخرجت مبسوطه
ادم قرب من مريم اكتر بقى كل ده علشان تخلي عقلي ما يشتغلش انتي ناسيه انى ف الشرطه ولا ايه
مريم احم انا مش فاهمه انت بتتكلم عن ايه
ادم الطقم
مريم بشهقه نعم
و مريم بعدت عنه وجهزوا السفره وادم بعدها نده على اخته يا ملك
ملك نعم
ادم اتصلي على جاسر اللي واقف تحت بقاله ساعتين واكتر يطلع علشان يتغدا وقوليله لما تحب تستخبى ما تستخباش مكان ركنة عربيه اخويا ماشي
ملك ضحكت وقالت حاضر واتصلت على جاسر علشان يطلع يتغدى وجاسر من صوتها عرف ان ادم سامحها وكان مبسوط جدا ان ملاكه فرحانه
جاسر طلع و مريم غيرت لبسها ولبست لبس عادي مع النقاب والحجاب وملك كانت من فرحتها شبه العروسه اللي فرحانه بعريسها وكانت قاعده جمب ادم وصممت انها تاكلوا بايديها لحد ما يشبع وادم ايديكي وجعاكى
ملك لا حتى لو ۏجعاني انا هاكلك النهارده بايدي سيبني اعيش اليوم ده لو سمحت
ادم براحتك كلهم قعدوا على السفره ادم جمبه ملك وجاسر قصاد ملك و مريم جمب ادم
ملك من فرحتها نسيت مريم وجاسر وبتدلل في ادم وبتأاكله ونسيت تماما حړق ايديها
وجاسر شافها ملك ايدك ما لها
ملك لا ابدا ما فيش انا مسكت الحله وكانت سخنه بس الحمد لله بقيت احسن وبعدها انتبهت ل ادم يا خبر سوري خد حته الفرخه دي
ادم مبسوط واحساس مختلف ولكن مريم ڠصب عنها اتدايقت من ملك وطريقه الاهتمام وانها بتاكلوا بايديها لكن طردت الفكره بسرعه
وكانت سعيده لان خطتها تمت بنجاح والحمدلله الاخوات سامحه بعض وبعدها سرحت شويه وافتكرت اخوها حسام لما كان بيرخم عليها وحاسه انها مشتاقه لاخوها
ادم مريم مررريم
مريم احم نعم يا ادم
ادم مالك يا حبيبتي ما بتكليش ليه
مريم الحمد لله شبعت وقامت جاسر البيت بيتك طبعا وياريت تتغدى من غير احراج
جاسر احم متشكر جدا لحضرتك وبجد تسلم ايدك على الاكل الجميل ده
مريم بالف هنا عن اذنكم انا هاقوم اجهز الشاي على ما تخلصو الاكل
مريم دخلت المطبخ وعيونها مليانه بالدموع وجابت الفون واتصلت على رقم غريب الرقم رن ورد عليها صوت واحد بيكح
الو الو
مريم غمضت عينيها ودمعه نزلت ونفسها تقوله انا مريم يا حسام لكنها اكتفت انها سمعت صوته وقفلت
ملك بتااكل ادم وجاسر عينيه بتطلع شرار ومتغاظ من دلع ملك ل ادم
وادم طبعا كان محرج من اخته تاكله قدام حد ولكن هو حس ان ملك كده مبسوطه
وجاسر كح ملك ممكن ميا
ملك اه طبعا اتفضل وحطت الكوبايه قدامه ورجعت ل ادم تاني
جاسر بص عليها وعينيه عليها ما بتنزلش وادم فهم ان جاسر غيران على ملك واتاكد ان جاسر بيعشق ملك مش بيحبها بس
ادم احم خلاص يا ملك كملي اكل انا خلاص هاكمل لوحدي وبعدها غمزلها وبتبص على جاسر اللي كان بياكل بغل وعايز يولع في ملك وبينتقم في الاكل
ملك
نسيت خالص ان حبيبها موجود احم جاسر تحب تاكل من الكفته دي
جاسر بغيظ لا شكرا مش عايز
ادم طيب يا جماعه انا اكلت هاروح اغسل ايدي وانت يا جاسر البيت بيتك زي ما مريم قالتلك بالظبط وملك قاعده معاك خدوا راحتكم
ادم قام راح يغسل ايديه وملك قامت وقعدت جمب جاسر حبيبي انت في حاجه مدايقاك
جاسر بصلها بغيظ ابدا وانا هتدايق ليه
ملك اخدت صباع كفته طيب كل ده من ايدي
جاسر بزعل مش عايز روحي اكليه ل ادم عن اذنك انا شبعت وجاي يقوم
ملك شدته من ايده قعدته تاني اخص عليك غيران من اخويا اللي كنت بتحارب علشان يرجعلي
جاسر قعد لا يا ملك مش غيران وطبعا انا يمكن اكتر واحد افرحلك انك تكوني مبسوطه لكن ياريت لو كنتي تراعي مشاعري ده انتي كان ناقص تقعدي على رجليه وانتي بتااكليه
ملك بجد تصدق والله ما اخدتش بالي انا من فرحتي نسيت كل حاجه ما تزعلش بقى
جاسر خلاص يا ملك مش زعلان من حاجه ويا ريت بعد كده تاخدي بالك من تصرفاتك
ملك قربت منه وباسته من خده حقك عليا
جاسر قلبه دق بسرعه وبص ل ملك ومش مصدق ان ملك باسته وابتسمتله خلاص بقى خلي قلبك ابيض
جاسر احم عاوز واحده كمان وكده مش هاكون زعلان
ملك بدهشه انت مش قولت انك مش زعلان من حاجه
جاسر زعلت تاني فجاءه كده انا حر يا ستي
ملك قربت منه وباسته بوسه رقيقه من خدو اللي خلى جاسر قلبه يدق بسرعه
وكمان ملك كانت ديما بتستغرب ان جاسر ليه لحد دلوقتي مطلبش ايديها للجواز
ادم غسل ايديه وراح ل مريم على المطبخ وكانت واقفه سرحانه وما عملتش الشاي وحضنها من الخلف وباسها من كتفها حبيبي واقف سرحان ليه
مريم انتبهت ومسحت دموعها بسرعه لا ابدا انا كنت باعمل الشاي
ادم بص حواليه وحط راسه على كتفها وهو فين الشاي ده
مريم حالا وهيكون جاهز
ادم حس ان صوت مريم حزين ولفها ليه وشاف عيونها دبلانه وفيها دموعاي ده يا مريم انتي معيطه!!
مريم لا لا وهعيط ليه
ادم مريم انتي معقوله تكوني بټعيطي علشان غيرانه من ملك انها بتاكلني
مريم بصت ل ادم واستغربت انا يا ادم غيرانه من ملك
ادم حبيبتي ما اقصدش انا بسالك او تكوني
مريم قاطعته
بالعكس انا فرحانه وفرحانه ومبسوطه جدا كمان ان الاخوات اتجمعوا من تاني واتمنى كمان ان ملك تعيش معاناعلى طول وكمان يهمني انك تكون مبسوط انا عمري ما غير من سعاده غيري ابدا يا ادم
ادم حس ان مريم زعلت وحب يفكها
ادم حبيبتي مش كده مش غيرانه من السعاده بس يعني ممكن يعني مثلا وملك بتاكلني صباع المحشي وبيقرب منها او حته فرخه كده في بوق ادم حبيبك ولا كمان حته مكرونه اممم الاكل كان مميز النهارده
مريم متغاظه لكن اتكلمت بمكر اه فعلا حاسه ان الاكل كان مميز ايه رايك انا هقترح على ملك انها تعيش معانا من دلوقتى علشان تاكلك المحشي ف بوقك وحته الفرخه وكمان حته المكرونه ايه رايك
ادم اي ده يخربيت اللي يهزر معاكي
مريم ابتسمت وادم مسك ايديها وباسها بجد شكرا
مريم بتشكرني على ايه
ادم اولا على تعبك النهارده وانك تعبتى علشان خاطري وخاطر ملك
وثانيا على الاكل الجميل ده بجد طعمه حاجه وهم
وثالثا علي انك عملتي كل ده علشاني وعلشان ترجعي ملك وادم تاني اخوات زي زمان
تعرفي انا من اللحظه اللي سامحت فيها ملك حسيت قد ايه اني مرتاح وفي حمل كبير من على قلبي اتشال بجد بجد انا متشكر يا احلى بنت واخت وزوجه وام