عشق بقلم سولية نصار

دول قولهم لنفسك وقول ان هنا
عاصم استغلها وانها من كتر حبها فيك صارحتك ومش عايزه تخبي عليك حاجه والصراحه اللي حكتهالك دي محتاجه لشجاعه كبيره
ياترى انت كمان حكيتلها عن عبير ههههههه
وهقولك انا بقى ربنا بيقول ايه
بسم الله الرحمن الرحيم
قل يا عبادي الذين اسرفوا على انفسهم لا تقنطوا من رحمة الله ان الله يغفر الذنوب جميعا انه هو الغفور الرحيم
صدق الله العظيم
ربنا يا اشرف جمع الذنوب كلها في ٱيه وحده وقال انه هيغفرها مين انت بقى وبعدين هنا اه غلطت وغلطتها كبيره لكن مستمرتش فيه ولما عرفت انه بيستغلها علشان الورث ولمصلحته الشخصية
بعدت عنه وقربت من ربنا ورنا اختك كانت عارفه كل حاجه ومن ثقتها في هنا قالتلها اوعى تحكي ل اشرف حاجه انتي انسانه كويسه وتوبتي وخلاص
الحمد لله ربنا انقذها تقوم البنت يا عيني تحكيلك علشان تاخد بايديها وتعرفها انها غلطت وتكلمها بهدوء مش تسيبها وتمشي !!هنا بريئه ويمكن اكتر مني ومن رنا هنا انت لو سبتها انا هاجوزها لعاصم ده من الصبح واستحمل بقى ذنبها اللي هيبقى في رقبتك
يلا انا نازله علشان ادم بيتصل يا غبي يا حمار
اشرف استني هنا والحكايه اللي انتي حكيتيهالي دلوقتي والمصيف واخوكي!!
مريم هههههه هو اخويا عمره راح مصيف مش باقولك غبي الحكايه دي انا ورنا ربنا يخليهالي اخترعناها علشان نشوف رد فعلك ايه
انت ما استحملتش عليا حاجه علشان انا اخصك
ليه هي هنا مش تخصك برده !!!ولا اقولك سيبها هي تابت وربنا غفور رحيم
وانا هكلم ادم يشوفلها عريس حلو كده من دفعته يتجوزها
اشرف بغيظ اقسم بالله لو حد لمس شعره بس من هنا لا اكون دفنه مكانه
مريم حمش ياواد طيب يا اخويا فكر وشوف هتعمل ايه وصالحها جاتكم القرف جوعتوني كان زماني في بيتي معززه مكرمه باكل السمك يلا سلام وسابته ونزلت
اشرف قعد مكانه يفكر في رده فعله تجاه هنا ورد فعله لو كانت مريم مكان هنا وفضل يفكر كتير لغاية ما في الاخر اخد قرار
بقلم
ادم ايه يا مريم كل ده
مريم اسفه يا حبيبي اتاخرت عليك هاحكيلك كل حاجه لما نروح
سلمت مريم على شيرين ورنا ومصطفى ومحمد واخدت حاجتها ومشيت مع ادم
ادم طول الطريق سرحان و مريم سرحانه في هنا واشرف وعاصم الشرير ده وياترى عاصم هايأذيها ولا هيسيبها بحالها
وصلها لحد البيت واخد الاكل وكان معاه شنط الهدايا وطلعوا وهي بتسالوا ايه يا ادم الشنطه الكبيره دي وشايل حاجات كتير ليه كده
ادم بتعب اخد نفسي بس يا مريم واحكيلك كل حاجه
مريم ماشي انا هغير هدومي ونتغدى لاني واقعه من الجوع واختي زعلت مني بسببك وابيه مصطفى كمان
ادم ليه
مريم علشان مااكلتش هناك عندهم
ادم معلش يا قلبي انتي طلبتي السمك يبقى علم وينفذ
مريم حبيبي ما انحرمش منك بس انت مالك وشك اصفر كده ليه
ادم مفيش يمكن علشان مااكلتش حاجه من الصبح لما فطرنا مع بعض ورحت الشغل وبعدها رحت كام مشوار
مريم بتأنيب ضمير هات السمك وانا هاجهز كل حاجه بسرعه تكون انت اخدت شاور
ادم طيب تمام اتفضلي
مريم اخدت الاكل وراحت المطبخ
ادم اخد الهديه ودخل الاوضه وحطها على السرير وفضل باصص عليها ومش عارف حاسس ان كل حاجه بتحصل في حياته بسرعه وحاسس ان الهموم اللي كانت على قلبه كلها بتروح من يوم ما اتعرف على مريم اتنهد بقوة
ادم يا رب احفظلي مريم انا مش متخيل حياتي من غيرها يا رب متحرمنيش منها
دخل واخد شاور
و مريم عملت الرز بسرعة وجهزت السلطه واشتغلت بهمه عاليه ومن قبل ما تغير هدومها لانها حست بالذنب انها هي اللي اخرت ادم وماكلش بسببها
وخلصت كل حاجه وجهزت السفره وكان ادم اخد شاور وصلى وخرج من الاوضه وشاف مريم جهزت السفره
ادم ايه ده ما شاء الله انتي لحقتي وكمان عملتي رز انا يادوبك اخدت شاور وصليت!!
مريم حبيبي كل ده ما ياخدش نص ساعه مع شويه خبره نسائيه كده كل حاجه تخلص المهم اقعد انت وانا هادخل بسرعه اغير هدومي
ادم وكمان ما ماغيرتيش هدومك يا حبيبتي انا مكنتش جعان للدرجه دي يعني
مريم حبيبي انت كله يهون علشان عيونك العسلي الجميله دي ثواني وجايه
ادم هستناكي
مريم دخلت غيرت هدومها وشافت الهدايا ولكن ماجتش جمبهم غير لما ادم يقولها وخرجت وقعدوا اكلوا مع بعض وهي بتاكل حكت ل ادم عن سبب تأخيرها وهو شرح ل مريم ايه نية عاصم وانه المشتبه فيه بچريمة قتل عمه وشدد على مريم انها ما تقولش لحد علشان هو قريب هيوقع عاصم في شړ اعماله
فيلا مصطفى عزيز
اشرف قاعد بيفكر كتير في كلام مريم ومرة واحده قام واخد مفاتيح العربيه ونازل
ابوه استني يا اشرف
اشرف
نعم يا بابا
مصطفى رايح فين وممكن اعرف ايه اللي حصل
اشرف ما فيش حاجه يا بابا انا بس كنت مخڼوق شويه
مصطفى ايوه انا عرفت كل حاجه مريم حكتلنا اشرف بصدممه ايه حكتلكم
مصطفى ايوه ومالك اټصدمت كده ليه وعلى فكره انت اللي غلطان وكمان انت ما لكش انك تتدخل في خصوصيتها
اشرف بس يا بابا
مصطفى من غير بس هنا بنت محترمه واكيد هتختار كل حاجه صح ومين انت علشان تحاسبها انت لسه مابقتش جوزها
ولا هيا غلطانه انها وثقت فيك وخليتك تشاركها كل حاجه!
اشرف بتفهم خلاص يا بابا انا رايح دلوقتي ل هنا وهتكلم معاها بعد أذنك
اشرف خرج ومتغاظ من مريم
وشيرين جت على مصطفى ايه صوتك عالي على الولد ليه!
مصطفى كنت بنصحه انه يسيب هنا على راحتها وانه غلطان هو ماله ما يسيبها تختار الفستان اللي هيا عايزاه
شيرين يا سلام اللي يشوفك كده ما يشوفكش من 27 سنه
مصطفى لا انا كنت كاتب كتابي عليكي وفي فرق وكمان انا قلتله انها غلطانه يعنى انها تشاركوا وتاخدوا معاها وتختار فستانها يعني البنت بتثق فيه يزعلها ليه يا شوشو
شيرين اممم اقنعتني
مصطفى بغمزه ولسه هقنعك فوق تعالي تعالي العيال دي هاتعطلنا عن اشغالنا
شيرين اشغال ايه الساعه ٩ بالليل
مصطفىان شاءالله تكون ٣ الفجر ولا يفرق معانا تعالى بس
عند ادم بقلم
ادم ياااااه الحمد لله انا كنت جعان بشكل
مريم بالف هنا ع قلبك يا حبيبي بجد السمك تحفه عجبني جدآ
ادم اميرتي تطلب وانا انفذ
مريم تسلم
لقلبي يلا قوم انت وريح على السرير وانا هاعمل الشاي واجيبه لحد عندك
ادم فعلا انتي حاسه بيا والله انا هغسل ايدي وهستناكي
مريم قامت وشالت الاكل وظبطت كل حاجه وعملت الشاي ورايحه ل ادم ولكن ادم نام من التعب مريم حطت الشاي على الكومود وقربت من ادم وشافته نايم بعمق باسته من خده وباست جبهته وقامت وشالت الشنط وسابتهم جمب التسريحه لحد ما ادم يبقى يقولها
اخدت الشاي وخرجت وسابت ادم ينام ويستريح وهي شربت الشاي وحست بدوخه بسيطه
لان اليوم كان مرهق وكانت خاېفه من عاصم وقامت دخلت جمب ادم علشان تنام بدري علشان هو يا قلبي ما بينامش كتير وراحت على حضنه وناموا الاتنين في عمق لان اليوم كان مرهق بالنسبه ليهم
فيلا الصاوي
هنا لسه قاعده على السرير بهدومها ومڼهاره