عشق بقلم سولية نصار

ما تتكلميش وما تدخليش علشان ماعملش معاكي حاجه واندم عليها واتفضلي قدامي على البيت
مريم ادم لو سمحت اهدا الامور ما تتاخدش كده دي مهما كانت اختك ولازم تسامحها
ادم شد مريم من دراعها اسامح مين
اسامح واحده كانت عايشه مع فريال والله اعلم كانت عايشه هناك ازاي دى ممكن تكون فرطت في شرفها بسهوله
واسمع يا جاسر ما تقفش قصادي وما تلعبش معايا انت فاهم
وجاي يخرج مريم مسكت ايده جامد ادم علشان خاطري اختك موجوده هنا وعايزه تشوفك ارجوك اديها فرصه واسمع منها
ادم الله ما انتي عارفه كل حاجه اهو وطبخاها معاهم وزعق وعلا صوته على مريم
مظبطه كل حاجه معاهم صح انا كنت فاكرك طيبه وانك غيرهم لكن انتي طلعتي زيهم ومفرقتيش حاجه عنهم
مريم بدموع انت بتقول ايه يا ادم طيب اهده انت دلوقتي مش في وعيك
ادم ليه شارب ولا سکړان لا يا مدام انا في وعيي وواعي وقاصد كل كلمه باقولها وباقولك اهو انتي يا مريم زيهم ويمكن تكوني اكتر كمان ومش عايز اشوف وشك في البيت تاني فاهمه
وجه يخرج مريم مسكت ايده تانىادم ادم
ملك خرجت بسرعه وقفت قدام ادم لو سمحت اهدي واسمعني ما تخليش الشيطان يعميك عن الحقيقه
و مريم مسكت ايد ادم بتترعشعلشان خاطري اسمعها دي مهما كانت اختك الوحيده
ادم مسك مريم من كتفها وراح زقها بعيد وكانت هتقع لولا جت بين ايدين ملك وقال مش عايز اشوف وش حد فيكم تاني فاهمين
وانتي يا مريم ارجع البيت ما تكونيش موجوده فيه انا لازم اخرجك من حياتي انتي كمان ولازم اخرجكم كلكو من حياتى
وخرج وركب عربيته وطار بيها
و مريم وملك في حضڼ بعض بيعيطوا دخل اشرف وهنا عليهم بسرعه
اشرف فيه ايه وادم خارج لوحده ومتعصب كده ليه
وشاف مريم جرى عليها في ايه يا مريم
بټعيطي ليه ادم مد ايده عليكي قولي قولي علشان لو مد ايده عليكي اقسم بالله ما هاعديهاله
جاسر اهدا يا اشرف ادم ماعملهاش حاجه
اشرف معملهاش امال ايه كل العياط ده
طارق اشرف دى الانسه ملك خالد العدوي اخت ادم وادم مش عايز يعترف بيها و مريم كانت بتصلح بينهم وزعق ومشي لكن مامدش ايده على مريم
اشرف قومي قومي معايا يلا انت لازم تروحي معايا
مريم قامت وخرجت مع اشرف وجاسر اخد ملك يوصلها البيت وكل واحد من مريم وملك دموعها على خدها
اشرف هنطلع على الفيلا
مريم لا لا روحني على شقتي
اشرف يا مريم مش هينفع ادم كان خارج ووشه كله شرار ده ساق العربيه في غمضه عين
مريم معلش يا اشرف چرح ادم كبير قوي بعدين هاقولك كل حاجه بس ارجوك روحني على بيتي
اشرف حاضر يا مريم
اشرف وصل مريم لحد بيتها وطلعها شقتها وشافوا يمكن ادم يكون موجود لكن العربيه مش موجوده تحت العماره وكمان مش موجود في شقته
اشرف خليني معاكي انهارده
مريم لا يا حبيبي انت عريس روح انت واتصل بخطيبتك طمنها لانها كان باين عليها القلق يلا روح
اشرف متاكده مريم ايوه متاكده
اشرف طيب انا هاسيب فوني جمب مني اي حاجه تحصل اتصلي عليا فاهمه
مريم فاهمه يا حبيبي
جاسر وصل ملك وكانت طول الطريق تبكي وجاسر ربت على ايديهاما تقلقيش احنا
ان شاء الله هنحاول معاه مره واتنين ووصلها لحد البيت ونزلت واخدها في حضنه ومسد على شعرها وخلاها تهدى وطلعت على البيت وجاسر رجع على بيته
سوزي اهدا يا عاصم اهدى يا بيبي مش كده اكيد في حل
عاصم حل !!!!!ايه حل اييييه انا حطيتله الاوراق في الملف عايز اعرف ايه اللي حصل ومين لان جاسر لا جاسر لو كان عرف كان كلمني وكان طردني من بيته انما ده بيعاملني عادي انا مش قادر افهم جاسر ولا مين اللي غير الأوراق
سوزي مش يمكن ملك اللي كانت موجوده جوه ويمكن كمان عملت انها دايخه علشان تخرج بره الاوضه
عاصم ودي مصلحتها ايه انها تعمل كده وايه كمان اللي هيعرفها ان انا حاطط اوراق التنازل في الملف
سوزي يا بيبي ملك دي تبقى حبيبه سى جاسر فهمت
عاصم بص بعيدانتي قصدك انها علشان حبيبته هاتفتش في الاوراق
سوزي احتمال ليه لا
عاصم ده لو كده بقى يبقى تاهت ولقيناها
سوزي ايه هتعمل ايه
عاصم صبيلى كاس انا ممكن اخلي جاسر بسهوله يمضيلي على التنازل بما ان عنده ملك حبيبته وهنا اخته ممكن اخدهم رهينه وساعتها جاسر ڠصب عنه هيتنازل بما اننا كده هنلعب على المكشوف
سوزيههههه ايوه كدا احبك انا بس زعلانه منك مين مريم دي اللي كل شويه وانت في حضڼي تنادي باسمها
عاصم مريم دي مجننه عقلي دي حاجه كده نضيفه ومش هرتاح الا لما اجيبها فاهمه
سوزي ههههه اهم حاجه من غير جواز علشان انا بغير
عاصماتكلمي على قدك يا بت انا هتجوزها ولو رفضت من غير جواز ما فيش مشكله اصل هي بصراحه وحشاني اوي وحلوه اووي اوي وكان زمانها بين ايديا دلوقت بس الجايات اكتر يلا يلا قومي تعالى معايا
سوزيههههههههههههه
الساعه ٤ الفجر و مريم منتظره ادم اللي ما بيردش علي فونه وكلمت طارق اللي اخدت رقمه من جاسر اخو هنا
وطمنها ان ادم لما بيكون متدايق جدا بيهرب شويه وبعدها هيرجع
مريم بتقرا قرآن وصوتها كله عياط وكلمت ربنا كتير وكانت زعلانه من اتهام ادم ليها وبعدها وقفت تصلي وكانت مرهقه جدا وتعبانه
الفجر اذن وصلت الفجر وقاعده على الكنبه وخاېفه تنام من غير حضڼ ادم
بعدها بشويه الباب اتفتح وادم كان باين عليه التعب دخل الاوضه وشاف مريم قاعده بالاسدال وعينيها وارمه من كتر العياط وشايف سجاده الصلاه مفروشه
ودخل قعد على طرف السرير و مريم مابصتلهوش لكن قلبها ارتاح اول ماشافته بعدها قامت من مكانها وقلعت الاسدال وكانت تعبانه جدا وحاسه انها هيغمى عليها راحت على السرير وشالت الغطا ونامت واستغطت وعطته ضهرها وكانت پتبكي بصمت
ادم امي اسمها نور وكانت حنينه جدا وكانت لما بتحب بتحب بجد مستعده تضحى علشان اي حد حتى لو ما تعرفوش وبص ل مريم وفيها منك
مريم اتعدلت وبدات تسمعه
ادم بيكملامي كانت كل حياتي كان ادم ده عندها بالدنيا كنت ابنها الوحيد كنت بنام على حجرها لحد 18 سنه
18 سنه كانت بتنيمني على رجليها وتلعب في شعري
ادم عيونه اتملت بالدموع كانت حنينه قوي كانت متحمله على نفسها وجوزها استغلها واستغباها
جابلها واحده من دور ولادها عاشت سنتين قهر وتعب وذل عاشت مريضه دبلت الورده الجميله اللي كنت اصحى كل يوم على احلى صباح منها
اتغيرت وبقت هزيله كانت بتضحي بغباء وكانت تبص في عيون جوزها تقوله انا نور انا اللي كنت هنتحر علشان انت مش هتبقي معايا
انا نور اللي مضيتلك على حقي واتنازلت عنه وسرقتني وسامحتك علشان خاطر حبي واولادي
راجل ظلم وافترى وسرق سرق عمري وسرق امي وسرق
مريم حطت ايدها على كتف ادم واخدت راسه على رجليها وبتمسد على شعره
عايزاني اسامحهم ازاي فريال سړقت فلوس امي وسړقت دهب امي مخلتش حاجه من الدهب بتاعها
وسړقت جمال وصحه امي
سړقت ابويا اللي كان عايش معانا وواهمنا اننا
عندنا اب