دواعي أمنية مشددة بقلم منال سالم من الفصل الأول حتي الخامس والعشرون

ليفكر للحظات قبل أن ينطق بحذر 
ماقداميش غير اخدها عندنا في البيت !
فكر باسل في اقتراحه ورغم صعوبة تنفيذه أو إقناع عائلته به إلا أنه الخيار المتاح حاليا 
تساءل هو بفضول وهو يتفرسه 
وهاتقولهم ايه 
الټفت مسعد برأسه نحوه ونظر له بثبات دون أن تطرف عيناه ثم أجابه بتنهيدة مرهقة 
ماهو ده اللي بأفكر فيه ودماغي مش جيباني لحاجة
هز باسل رأسه بحركة خفيفة وهو يضيف بضيق 
عندك حق هو الواحد أصلا عارف يفكر بعد اللي حصل !
ضغط مسعد على شفتيه ووضع يده على رأسه ليحك مؤخرتها ثم هب واقفا وتشدق قائلا 
انا بأفكر احكي مع ابويا يمكن يفيدني بحاجة هو برضوه عنده خبرة وأقدم مننا !
نهض باسل هو الأخر من مكانه ووقف إلى جواره وحدق فيه بنظرات جادة ثم حذره بتوجس 
مش لازم حد من برا يعرف يا مسعد الموضوع فيه خطۏرة وإنت المفروض عارف ده
رد عليه مسعد مبررا وهو يدير رأسه في اتجاهه 
ما أنا فاهم الكلام ده كويس بس على ايدك هنعمل احنا ايه لوحدنا !
مرر باسل يده في خصلات شعره القصيرة ورد عليه بيأس 
للأسف معندناش معلومات زيادة عنها ! ومحدش هيقدر يساعدنا !
أسند مسعد كفه على كتف رفيقه وضغط بأصابعه عليه وهو يقول بصوت هاديء 
وعشان كده فكرت في ابويا !
سأله باسل بفضول 
طب هاتقوله ايه بالظبط 
رد عليه مسعد بإختصار 
هافكر كده !
تمام 
أضاف مسعد قائلا بنبرة جادة وهو يشير بإبهامه للخلف 
أنا هحاول أخد تصريح بإذن أروح اتكلم مع أبويا وانت خلي بالك من صابرين !
أومأ باسل برأسه وهو يرد بهدوء 
ماشي
ثم تحرك بعدها مسعد وهو يفكر مليا في حل لمشكلة سابين التي حمل مسؤلية سلامتها على عاتقه 
لم يكن ليتخلى عنها مهما حدث 
هي باتت إهتمامه الكبير 

لاحقا في المقهى الجديد 
صاح اللواء محمد بتفاخر كبير بعد أن حقق فوزا جديدا وساحقا في لعبة الطاولة ونظر إلى رفاقه بزهو ثم هتف متساءلا بتحمس 
ها دور كمان يا رجالة !
رد عليه رفيقه بضيق 
دي تالت مرة تكسبنا فيها  ماشاء الله مكتسح !
نظر له اللواء محمد من طرف عينه وسأله بمرح 
هتحسدني ولا ايه 
رد عليه رفيقه بعبوس 
ما أنا قولت ماشاء الله !
في نفس التوقيت ولج مسعد إلى داخل المقهى وبحث بعينيه عن أبيه بين الجالسين 
جاء النادل للترحيب به فأشار له بيده ليبتعد 
وما إن وقعت عيناه على والده حتى أسرع في خطاه نحوه 
تفاجيء اللواء محمد بوجود ابنه أمامه بزيه العسكري الرسمي فصدم من رؤيته وما أثار ريبته هو حالة الوجوم البادية على وجهه فتساءل بنزق 
مسعد ! في حاجة حصلت يا بني جاي هنا ليه الوقتي
رد عليه ابنه بصوت شبه متصلب ووجهه يكسوه تعابير غريبة 
بابا  أنا عاوزك شوية
هتف رفيق والده بإستغراب 
مالك يا مسعد كله تمام عندك في الجيش 
الټفت مسعد ناحيته وأجابه بهدوء حذر 
تمام  بس محتاج ابويا في كلمتين
أشار له رفيق والده بيده وهو يقول بإبتسامة عادية 
قوم معاه يا سيادة اللوا الدور هيستناك لكن ابنك مستعجل !
وبالفعل تحرك مسعد مع أبيه وجلس الاثنين على طاولة خالية في أحد الأركان 
حدق محمد في ابنه بنظرات متفحصة دارسة له ثم سأله بإهتمام 
خير يا بني 
اقترب مسعد بمقعده منه ومال عليه برأسه وهو يجيبه بنبرة شبه منزعجة رغم خفوتها 
بابا  في مصېبة حصلت !
أرجع أبيه ظهره للخلف ونظر له بتوجس ثم سأله بقلق 
يا ساتر يا رب ايه هي 
ضغط مسعد على شفتيه بقوة ورد عليه بعد لحظات محدودة من الصمت 
الفريق ضياء ماټ !
اتسعت عيناه في صدمة وردد بحزن واضح في نبرته 
لا حول ولا قوة إلا بالله  إنا لله وإنا إليه راجعون
هز مسعد رأسه بحركة خفيفة ثابتة تشير إلى ضيقه  بينما تابع والده متساءلا بفضول 
طب ومين هايمسك مكانه 
رد عليه مسعد بتنهيدة مطولة وهو مسبل عيناه 
المشكلة مش في كده يا بابا
سأله والده بإيجاز وهو ينظر له بإهتمام 
أومال 
رد عليه مسعد بتوجس 
في حاجة تانية أخطر !!
ضاقت نظرات والده وسأله بجدية واضحة 
ايه هي 
سرد مسعد ﻷبيه بإيجاز كل ما يتعلق بقضية سابين منذ بدايتها حتى وجودها الحالي في القاهرة وأصغى له والده بإنتباه تام دون أن يقاطعه 
ثم أردف بعدها مرددا بنبرة رزينة 
مش قدامك يا بني غير تجيبها عندنا صح 
أومأ مسعد برأسه وهو يجيبه 
ايوه  !
زاد عبوس وجهه وهو يوضح له 
بس مشكلتي دلوقتي في أمي !
هز اللواء محمد رأسه متفهما وهو يبرر قائلا 
عندك حق ! أمك مش هتقبل بوجودها كده
أوضح مسعد بجدية 
ايوه ومش هاينفع أقولها السبب الحقيقي
أضاف والده قائلا بنبرة جادة 
طبعا ده لأنه يعتبر سر عسكري !
حرك مسعد رأسه بإيماءة صغيرة وهو يقول بمزاح 
بالظبط  دي أقل حاجة هتعملها هتذيع اللي هتعرفه مني على أنه خبر عاجل
ثم أكمل قائلا بسخرية وهو يهز رأسه مستنكرا
ده أنا مش بأعيد ألاقي فرقة اغتيالات عندنا في الشقة
حدجه أبيه بنظرات محذرة وهو ېعنفه بهدوء 
اتلم يا ولد !
مال مسعد بجذعه للأمام وسأل والده بجدية وهو يرفع حاجبه للأعلى 
طب قولي انت يا سيادة اللوا عن حجة مناسبة أقولها ليها! !
أرجع محمد ظهره للخلف ووضع ساقه فوق الأخرى ثم إستند بطرف ذقنه على مرفقه ورد عليه بنبرة دبلوماسية 
شوف يا بني سيبلي الموضوع ده شوية أمخمخ فيه وأرد عليك
نهض مسعد من على مقعده وهز رأسه موافقا وهو يقول 
ماشي يا بابا  معاك ساعة وترد عليا !
أنزل أبيه ساقه ونظر له بتعجب وهو يهتف معترضا 
نعم ده مافيش وقت !
أشار مسعد بيده وهو يكمل بجدية 
انا راجع الوحدة هاجيبها وأجي وانت تكون فكرت !
ثم تحرك مبتعدا دون أن يترك الفرصة لأبيه لإعطائه مزيدا من الوقت للتفكير 
صاح فيه اللواء محمد بصوت مرتفع نسبيا 
يا مسعد استنى !
الټفت مسعد برأسه ناحيته ورد عليه بضيق 
مافيش وقت يا بابا
أضاف والده قائلا 
طب ابقى بارك لاختك  نجحت في امتحاناتها
تفاجيء مسعد من هذا الخبر السعيد وابتسم وهو يقول 
والله  طيب مبروك ليها
نظر له والده بجدية وهو يقول بإلحاح 
اتصل بيها وباركلها بنفسك
لوى مسعد ثغره وهو يقول على مضض 
ربنا يسهل أفوق بس من اللي أنا فيه وبعد كده نبقى نحتفل !
تنهد والده وهو يرد عليه 
الله يعينك يا رب !

في منزل مسعد غراب 
أطلقت السيدة صفية زغاريد عالية احتفالا بنجاح ابنتها في الشهادة اﻹعدادية ثم احتضنتها مجددا ومسحت على ظهرها بحنان وهتفت بتفاخر 
مبروك يا ضنايا  لولوووولي !
ابتسمت لها إيناس وهي تقول بحرج 
خلاص يا ماما  الجيران كلهم عرفوا
ردت عليها أمها بعدم إكتراث 
وماله لما يعرفوا  الله مش نجحتي وجبتي 98 خلينا نكيد اﻷعادي !
أردفت إيناس قائلة بتوجس 
انا كده هاتحسد !
أشارت السيدة صفية بيدها